Կարճ լուրեր
Հոգեբան և դոկտոր Դիանա Ռաաբն հայտնել է, որ պոեզիան հիանալի գործիք է հոգեթերապիայի և կյանքի դժվար պահերը հաղթահարելու համար, հատկապես նյարդային մարդկանց համար: «Psychology Today»-ի հոդվածում նա խորհուրդ է տվել, թե ինչպես սկսել բանաստեղծություն գրել՝ հուզական վիճակը բարելավելու համար:
Աղբյուր՝ lenta.ru
N զորամիավորման սպաներն այցելել են կցագրված հանրակրթական հաստատություններ։ Հանդիպումների ընթացքում սպաներն ավագ դասարանների աշակերտներին ներկայացրել են ռազմական ուսումնական հաստատությունների ընդունելության կարգը, զինվորական ծառայության առավելությունները, պատասխանել դպրոցականների հարցերին։
Աղբյուր՝ ՀՀ ՊՆ
Searchlight Pictures ստուդիան հայտնել է, որ ֆիլմում գլխավոր դերերից մեկը մարմնավորող դերասանը բողոք է ստացել: Բիլ Մյուրեյին մեղադրել են ոչ պատշաճ պահվածքի մեջ: Ներկա պահին հայտնի չէ՝ ֆիլմը կշարունակվի՞, և արդյո՞ք արտիստին կհեռացնեն աշխատանքից: «Լինել մահկանացու»-ն Ազիզ Անսարիի ռեժիսորական դեբյուտն է: Ֆիլմի գլխավոր հերոսը վիրաբույժ է, ով օգնում է իր հիվանդներին կյանքից հեռանալ արժանապատվորեն:
Աղբյուր՝ kulturomania.ru
90 տարեկան հասակում մահացել է Մվայի Կիբակին, ով Քենիայի երրորդ նախագահն էր 2003-2013 թվականներին: Այս մասին ուրբաթ օրը հայտարարել է նախագահ Ուհուրու Քենյատան: Կիբակիին է վերագրվում է Քենիայի այն ժամանակվա հիվանդ տնտեսության աշխուժացումը, սակայն նրա պաշտոնավարումն ուղեկցվեց մահացու բռնությամբ 2007 թվականի դեկտեմբերին նրա վիճահարույց վերընտրությունից հետո: Հայտարարվել է սգո օր Կիբակիի հիշատակը հարգելու համար:
Աղբյուր՝ reuters.com
Սերբ թենիսիստ Նովակ Ջոկովիչը կիսվել է իր սպասելիքներով՝ Ռուսաստանը ներկայացնող հայազգի Կարեն Խաչանովի հետ Բելգրադում ընթացող մրցաշարի կիսաեզրափակիչ խաղից առաջ: «Շատ ուրախ եմ, որ ստիպված չեմ լինի կրկին սերբի հետ խաղալ (ժպտում է): Փոփոխության համար դա հիանալի է»,- Ջոկովիչի խոսքերն է մեջբերում ATP-ի կայքը: Հանդիպումը կկայանա ապրիլի 23-ին:
Աղբյուր՝ sport-express.ru
Ապրիլի 22-ին Պուշկինի ոլորաններ կոչվող հատվածում արձանի բացման հանդիսավոր արարողության ընթացքում ծառ է տնկվել հուշարձանին հարող տարածքում՝ ի նշան երկու ժողովուրդների բարեկամության:
Աղբյուր՝ ՀՀ Ազգային ժողով
Հայաստանի պետական սիմֆոնիկ նվագախմբի ծրագրի առաջին բաժնում ներառված էին ժամանակակից կոմպոզիտորների ստեղծագործություններ. դիրիժոր Էլայաս Բրաունի ղեկավարմամբ նվագախումբը կատարեց Բրիթնի Բենթոնի «Մթնշաղ» սիմֆոնիկ պոեմը, Ռեյն Ուորթինգթոնի «Անուրջների ամպեր» սյուիտը, Դիեգո Վեգայի «Կասկադ և Բոու» երկու սիմֆոնիկ պոեմը։ Համերգի երկրորդ բաժնում հանդիսատեսն ունկնդրեց Կամիլ Սեն-Սանսի «Կենդանիների դիմակահանդես» սյուիտը։
Աղբյուր՝ Հայաստանի պետական սիմֆոնիկ նվագախումբ
Ռուսաստանի Դաշնության ժողովրդական արտիստ Բեդրոս Կիրկորովը Ֆյոդոր Սելեզնևի «Թեյախմություն Սոսնովկայում. մայիս 1972 թ.» կտավը կնվիրի Հաղթանակի թանգարանին, հայտնում է հաստատության մամուլի ծառայությունը: Կիրկորովը ապագա ցուցանմուշը կհանձնի ապրիլի 23-ին՝ «Մեծ պատերազմի իմ հերոսները» մանկապատանեկան ստեղծագործական 5-րդ միջազգային մրցույթ-փառատոնի հաղթողների մրցանակաբաշխության ժամանակ:
Աղբյուր՝ ria.ru
Ապրիլի 20-24 Դալլասում, Տեխասի նահանգում անց է կացվում EarthX ամենամյա, բարձրաստիճան բնապահպանական միջոցառումը: Միջոցառման նպատակն է ամբողջ աշխարհից հրավիրել տարբեր ոլորտներում նորարություններ իրականացրած մարդկանց, ովքեր կկիսվեն Երկրագնդի բարելավման իրենց փորձով: Հայկական պատվիրակությունը ևս կմիանա էկո-փառատոնին և կունենա միջազգային տաղավար:
Աղբյուր՝ «Դի Էն Էյ»
ՀՀ քննչական կոմիտեի նախագահի հրամանով արդարադատության երրորդ դասի խորհրդական Նարեկ Սոսի Մանանդյանը 2022 թվականի ապրիլի 21-ին նշանակվել է Հայաստանի Հանրապետության քննչական կոմիտեի Շիրակի մարզային քննչական վարչության Արթիկի և Անիի քննչական բաժնի պետ:
Աղբյուր՝ ՀՀ Քննչական կոմիտե
Դերասանը երեքշաբթի՝ ապրիլի 19-ին, հայտարարեց, որ իր կինը՝ Լոուրեն Փարսեկյանը, լույս աշխարհ է բերել իրենց երկրորդ զավակին՝ որդուն: «Ամբողջ ծանրությամբ» սերիալի 42-ամյա աստղը նշել է, որ որդուն անվանել են Ռեյդին, հավելելով, որ խնդրել է Բրայան Քրենսթոնին դառնալ երեխայի կնքահայրը:
Աղբյուր՝ usmagazine.com
Դերասան Ալեք Բոլդուինի փաստաբանը հինգշաբթի հայտնել է, որ Նյու Մեքսիկոյի հետաքննությունը անմեղ է ճանաչել իր պաշտպանյալին «Ժանգը» ֆիլմի նկարահանման հրապարակում տեղի ունեցած մահացու ելքով կրակոցների դեպքով՝ նշելով, որ զեկույցում ասվում է՝ դերասանը կարծել է, թե իր ատրճանակը միայն դատարկ փամփուշտներ է կրում:
Աղբյուր՝ reuters.com
Ինչպես հայտնում է «Ֆրանսպրես»-ը, Renault-Nissan-Mitsubishi ալյանսի նախկին ղեկավարը հետախուզման մեջ է «ֆինանսական չարաշահումների և փողերի լվացման» գործով հետաքննության շրջանակներում:
Աղբյուր՝ tass.ru
Այսօր նոր բախումներ են տեղի ունեցել իսրայելական ոստիկանության և պաղեստինցի ցուցարարների միջև: Իսրայելի ոստիկանությունը ներխուժել է համալիր և արցունքաբեր գազ և ռետինե փամփուշտներ արձակել պաղեստինցի երիտասարդների վրա, որոնք քարեր էին նետում: Այս մասին դեպքի վայրից հայտնել է AFP-ի լուսանկարիչը: Ժամը 04:00-ի սահմաններում պաղեստինցիները սկսել են քարեր նետել Լացի պատի վրա, որը համարվում է, որտեղ հրեաների ամենասուրբ վայրը:
«Մանչեսթեր Յունայթեդի» ապագա մարզիչ Էրիկ տեն Հեգը 120 միլիոն ֆունտ ստերլինգ կստանա՝ հաջորդ մրցաշրջանից թիմը գլխավորելու համար, հայտնում է Sky Sports-ը: Միևնույն ժամանակ, «Մանչեսթեր Յունայթեդը» «Այաքսին» կվճարի երեք միլիոն եվրոյի չափով փոխհատուցում. 52-ամյա հոլանդացին նախկին ակումբի հետ պայմանագիր ուներ մինչև 2023 թվականը:
Աղբյուր՝ sport-express.ru
Ինչը հյուսիսկորեական պետական լրատվամիջոցները անվանել են դրական նորությունների հազվադեպ պահ երկու երկրների համար: Այս շաբաթվա սկզբին Մունը նամակ է ուղարկել Կիմին՝ ասելով, որ կշարունակի աշխատել Կորեայի միավորման ուղղությամբ՝ պաշտոնաթողությունից հետո: Կիմն իր հերթին շնորհակալություն է հայտնել Մունին՝ հանուն «ազգային մեծ գործի» կատարած աշխատանքի համար:
Աղբյուր՝ aljazeera.com
Ամեն ինչ տեղի է ունեցել Սան Ֆրանցիսկո-Ֆլորիդա չվերթի ինքնաթիռում: Վայրէջքից հետո ուղևորներից մեկը, գտնվելով հարբած վիճակում, ինչ-որ բան է շշնջացել նրա ականջին, փորձել սելֆի անել: Սկզբում բռնցքամարտիկը իրեն զուսպ է պահել և զգուշացրել պնդաճակատ ուղեկցին: Բայց ինչ-որ պահի, ըստ երևույթին, Թայսոնի համբերությունը հատել է: Նա կտրուկ կանգնել է, մի քանի անգամ հարվածել է տղամարդու դեմքին ու դուրս եկել ինքնաթիռից:
Աղբյուր՝ vesti.ru
Մեծ Բրիտանիայի բժիշկները կարծում են, որ իրենք արձանագրել են քովիդի ամենաերկարատև վարակը: Հիվանդի մոտ, որին նրանք բուժել են, վիրուսի աշըանիշները պահպանվել են ընդհանուր առմամբ 505 օր: Անձն, ում անունը չի բացահայտվել, ունեցել է այլ ուղեկցող հիվանդություններ և, ցավոք, մահացել է հիվանդանոցում 2021 թվականին:
Աղբյուր՝ bbc.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
