Կարճ լուրեր
Ապրիլի 23-ից նոյեմբերի 27-ը Հայաստանը կմասնակցի հեղինակավոր հարթակ հանդիսացող միջազգային բիենալեին, որն այս տարի կազմակերպվում է «Երազների կաթը» («The Milk of Dreams») խորագրի ներքո: 2022թ.ին Հայաստանը կներկայանա հայ-լիտվացի արվեստագետ և կոմպոզիտոր Անդրիուս Հարությունյանի «Ղարիբ» նախագծով: Նախագծի շրջանակում նախատեսվում է «Ղարիբ» գրքի, ինչպես նաև նույնանուն գրքույկի հրատարակում: Հայկական տաղավարի պաշտոնական բացումը կկայանա 2022 թ. ապրիլի 21-ին:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ստորգետնյա ցնցումների էպիկենտրոնը գտնվել է Լեոն մոտ 88 կմ հարավ հեռավորության վրա: Օջախը գտնվել է 18 կմ խորության վրա: Ցունամիի սպառնալիքի, ավերածությունների ու զոհերի մասին տեղեկություն չկան:
Աղբյուր՝ tass.ru
Կրեմլի բանտարկված քննադատ Ալեքսեյ Նավալնին ֆրանսիացի ընտրողներին կոչ է արել նախագահական ընտրություններում աջակցել գործող նախագահ Էմանուել Մակրոնին՝ իր ծայրահեղ աջ հակառակորդ Մարին Լը Պենի կուսակցությանը մեղադրելով ՌԴ նախագահ Վլադիմիր Պուտինի հետ կապերի մեջ:
Աղբյուր՝ aljazeera.com
Կոշտ ցորենից պատրաստված մակարոնեղենը նվազեցնում է գլյուկոզայի կլանման արագությունը և կանխում արյան մեջ շաքարի մակարդակի բարձրացումը: Այս մասին հայտնել է սննդաբան, բժշկական գիտությունների դոկտոր Միխայիլ Գինցբուրգը «Ռոսիա 1» հեռուստաալիքի «Ամենակարևորի մասին» հաղորդման եթերում:
Աղբյուր՝ gazeta.ru
Իրավապահ մարմինների բազմաթիվ աղբյուրների համաձայն՝ Ռակիմ Մայերսը, ով ավելի հայտնի է որպես ռեփեր A$AP Rocky ձերբակալվել է չորեքշաբթի Լոս Անջելեսի միջազգային օդանավակայանում՝ 2021 թվականի նոյեմբերին տեղի ունեցած հրաձգության առնչությամբ: Մայերսը մասնավոր ինքնաթիռով ժամանել էր Բարբադոսից, որտեղ հանգստանում էր իր ընկերուհու՝ երգչուհի Ռիհաննայի հետ:
Աղբյուր՝ nbcnews.com
Ավստրալիայում բնակվող բարերար Հերոս Դիլանչյանը ՀայՓոստին է նվիրել փոստի մշակման և ծրարավորման երկրորդ համակարգը, որի շնորհիվ կրկնակի արագացել են ծրարավորման աշխատանքները: Փոստի մշակման և ծրարավորման համակարգը հնարավորություն է տալիս ՀայՓոստին 1 ժամում թողարկել շուրջ 12 000 ծրար, ինչպես նաև այժմ հնարավոր է ծրարներում միանգամից դնել ներդրանք՝ խնայելով ժամանակային և մարդկային ռեսուրսները:
Աղբյուր՝ ՀայՓոստ
«Ժայռ» մականունով հայտնի, դերասան Դուեյն Ջոնսոնը կլինի «It Takes Two»-ի համապրոդյուսերը, հայտնում է Variety-ն: Չի բացառվում, որ Ջոնսոնը, ով նախկինում նկարահանվել է «Rampage», «Doom» և «Ջումանջի» կինոադապտացիաներում, միանա նաև դերասանական կազմին: It Takes Two-ը պատմում է Մեյի և Քոդիի՝ ամուսնալուծության միջով անցնող զույգի մասին: Ըստ սյուժեի նրանք դառնում են տիկնիկներ, որոնց պատրաստել է նրանց դուստր Ռոուզը:
Աղբյուր՝ gazeta.ru
ՀՀ քննչական կոմիտեի նախագահի հրամանով արդարադատության երրորդ դասի խորհրդական Դավիթ Սեյրանի Զաքարյանը 2022 թվականի ապրիլի 20-ին նշանակվել է ՀՀ քննչական կոմիտեի զինվորական քննչական գլխավոր վարչության իններորդ կայազորային քննչական բաժնի պետ:
Աղբյուր՝ ՀՀ քննչական կոմիտե
Չորեքշաբթի Բելգրադում կայացած ATP մրցաշարի իր մեկնարկային խաղում Նովակ Ջոկովիչը բարդ պայքար մղեց Լասլո Ջերեի՝ խուսափելով երրորդ անընդմեջ պարտությունից: Աշխարհի առաջին ռակետը երկրորդ սեթում զիջում էր 4-3 հաշվով, սակայն 3 ժամ 21 րոպե տևած լարված դիմակայությունում հաղթեց սերբ համերկրացուն՝ 2-6, 7-6 (8/6), 7-6 (7/4) հաշվով:
Աղբյուր՝ france24.com
Ապրիլի 22-ին՝ ժամը 10:00-ից 14:00-ն ընկած ժամանակահատվածում, Վայոց ձորի մարզային փրկարարական վարչությունը Արենի համայնքի Գնիշիկ և Մոզրով բնակավայրերում իրականացնելու է «Բնակչության ազդարարում, տարահանում, պատսպարում» թեմայով վարժանք։ Գործարկվելու են բնակավայրերի շչակները:
Աղբյուր՝ ՀՀ ԱԻՆ
Չորեքշաբթի մեկնարկեց Դիեգո Մարադոնայի մարզաշապիկի աճուրդը, որը Մարադոնան կրում էր, երբ երկու գոլ խփեց Անգլիայի դեմ 1986 թվականի աշխարհի առաջնությունում, ներառյալ տխրահռչակ «Աստծո ձեռքի» գոլը: Լոտը գնահատվում է ավելի քան 5 միլիոն դոլար: Sotheby's-ը վաճառում է Արգենտինայի 10 համարի կապույտ վերնաշապիկը առցանց վաճառքի շրջանակներում, որը կգործի մինչև մայիսի 4-ը:
Աղբյուր՝ france24.com
Մեքսիկայի իշխանությունները ամեն օր աշխատում են անվտանգության ոլորտու իրավիճակի բարելավման ուղղությամբ, սակայն սպանությունների թվի հետ կապված իրադրությունը շարունակում է մնալ բարդ: Այս մասին չորեքշաբթի մամուլի ասուլիսում հայտարարել է Լատինական Ամերիկայի պետության ղեկավար Անդրես Մանուել Լոպես Օբրադորը: Իշխանությունների տվյալներով՝ անցած ամիս գրանցվել է նման հանցագործությունների ամենաբարձր թիվը՝ 2730, տարվա սկզբից ի վեր:
Աղբյուր՝ tass.ru
ԱՄՆ կառավարությունը պետք է դադարի թերագնահատել Չինաստանի վճռականությունը և ազգային շահերը պաշտպանելու կարողությունը: Այս մասին չորեքշաբթի իր ամերիկացի գործընկեր Լլոյդ Օսթինի հետ հեռախոսազրույցում հայտարարել է Չինաստանի, պաշտպանության նախարար Վեյ Ֆենհեն: Նա հավելել է, որ Պեկինը հույս է դնում Վաշինգտոնի հետ հարաբերությունների կայուն զարգացման վրա, սակայն պաշտպանելու է իր ինքնիշխանությունը:
Աղբյուր՝ tass.ru
Մարիա Շարապովան, ով իր կարիերայի ընթացքում նվաճել է թենիսի «Մեծ սաղավարտի» բոլոր չորս տիտղոսները, երեքշաբթի տոնել է իր 35-ամյակը, սակայն այդ օրը կհիշվի մեկից ավելի պատճառով, քանի որ Շարապովան հայտնել է, որ սպասում է իր առաջնեկին փեսացու Ալեքսանդր Գիլքսից: Թենիսի նախկին աստղը Instagram-ում լուսանկար է հրապարակել: «Երկու հոգու տեղ ծննդյան տորթ ուտելը միշտ եղել է իմ մասնագիտությունը»,- մակագրել է նա նկարը:
Աղբյուր՝ cnn.com
Արգենտինացի հարձակվողը չի պատրաստվում լքել ակումբը, որի հետ պայմանագիր ունի մինչև 2023 թվականի հունիսի վերջ: Ավելի վաղ տեղեկություններ էին պտտվում առաջիկայում «ՊՍԺ»-ից արգենտինացի բոլոր ֆուտբոլիստների՝ Լիոնել Մեսսիի, Մաուրո Իկարդիի, Լեանդրո Պարեդեսի և Անխել դի Մարիայի հեռանալու մասին: Սակայն պարզվեց, որ Մեսսին, ի տարբերություն իր հայրենակիցների, ոչ մի տեղ չի գնում:
Աղբյուր՝ vesti.ru
Չորեքշաբթի բրիտանացի դատավորը Ջուլիան Ասանժի գործը փոխանցել է ներքին գործերի նախարար Պրիտի Պատելին, որը կորոշի, թե արդյո՞ք Wikileaks-ի հիմնադիրը պետք է արտահանձնվի Միացյալ Նահանգներին՝ ԱՄՆ-ի գաղտնի փաստաթղթերի հրապարակման համար:
Աղբյուր՝ reuters.com
Իտալիայի գավաթի կիսաեզրափակչում «Ինտերը» 3:0 հաշվով հաղթեց «Միլանին» և դուրս եկավ մրցաշարի եզրափակիչ: Ակումբը 2011 թվականից ի վեր առաջին անգամ է դուրս գալիս Իտալիայի գավաթի եզրափակիչ:
Աղբյուր՝ sport-express.ru
Ամերիկացի դերասան Էզրա Միլերը ձերբակալվել է Հավայան կղզիներում՝ կնոջ վրա հարձակվելու մեղադրանքով: Ոստիկանության տվյալներով՝ «Ֆանտաստիկ գազանների» աստղը կնոջ վրա աթոռ է նետել՝ նրա ճակատին վնասվածք առաջացնելով: Միլերը ձերբակալվել է երեքշաբթի վաղ առավոտյան Պահոա մեծ կղզում գտնվող մասնավոր սեփականության վրա երկրորդ աստիճանի հարձակման համար՝ այդ մասին հաղորդումներից հետո:
Աղբուր՝ bbc.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
