Կարճ լուրեր
Սրտի ծանրաբեռնվածությունը հատկապես ուժեղանում է գարեջրի սիրահարների շրջանում: Այս մասին ասել է սրտաբան, բժշկական գիտությունների թեկնածու Աննա Կորենևիչը: Թույլ ալկոհոլը սխալմամբ համարվում է անվտանգ և քիչ վնասակար, հատկապես, երբ խոսքը գարեջրի մասին է: Խմիչքի փրփուրը կոբալտ է պարունակում, որը ծանրաբեռնում է սրտի մկանները և կարող է լուրջ հիվանդություններ առաջացնել:
Աղբյուր՝ gazeta.ru
Չորեքշաբթի Լեհաստանի հարավում գտնվող ածխահանքում տեղի ունեցած մեթանի պայթյունների հետևանքով չորս մարդ է զոհվել, 19-ը՝ վիրավորվել, հայտնում են իշխանությունները: Եվս յոթը անհետ կորել են: Պայթյունները տեղի են ունեցել տեղական ժամանակով գիշերը ժամը 12:15-ին Պաուլովիցեի մոտ 1000 մետր մակերեսով Պնիովեկ հանքավայրում, որը շահագործում է Jastrzebska Spolka Weglowa հանքարդյունաբերական ընկերությունը:
Աղբյուր՝ apnews.com
Դանիիլ Մեդեդևը և մյուս ռուս թենիսիստները չեն կարողանա մասնակցել թենիսի Ուիմբլդոնի մրցաշարին: Կազմակերպիչները ռուսներին հեռացրել են մասնակցությունից: Ռուս և բելառուս թենիսիստները միջազգային մրցաշարերին մասնակցում են որպես չեզոք մարզիկներ: Սակայն Ուիմբլդոնի կազմակերպիչները այժմ որոշել են ռուսաստանցի բոլոր թենիսիստներին ջնջել մասնակիցների ցուցակից:
Աղբյուր՝ vesti.ru
Մեթ Դեյմոնը հանդես կգա որպես պրոդյուսեր, սցենարիստ և գլխավոր դերակատար Nike-ի նախկին գործադիր տնօրեն Սոնի Վակկարոյի մասին կենսագրական ֆիլմում: Ֆիլմի ռեժիսորը կդառնա Բեն Աֆլեքը: Աֆլեքը նաև կմարմնավորի Nike-ի համահիմնադիր Ֆիլ Նայթին: Ֆիլմի նկարահանումները կիրականացնեն Amazon Studios-ը, Skydance Sports-ը և Mandalay Pictures-ը:
Աղբյուր՝ kulturomania.ru
Ապրիլի 20-ին մեծանուն գիտնական, ֆիզիկոս, Ռուսաստանի Գիտությունների ակադեմիայի ակադեմիկոս, Մենդելեևի անվան ՅՈԻՆԵՍԿՕ-Ռուսաստան միջազգային մրցանակի դափնեկիր, ՀՀ ԳԱԱ արտասահմանյան անդամ Յուրի Հովհաննիսյանը ծանոթացավ Բուսաբանական այգու հարուստ ու բազմազան բուսական հավաքածուներին: Նրան են ներկայացվել բրածո բույսերի հավաքածուն, որը ներառում է 30 հազար ցուցանմուշ: Ամենահին ցուցանմուշների տարիքը 350 միլիոն տարի է:
Աղբյուր՝ ՀՀ ԳԱԱ գիտության հանրայնացման և հասարակայնության հետ կապերի բաժին
Ռուսաստանի ֆուտբոլի միության (ՌՖՄ) զարգացման տնօրեն Մաքսիմ Միտրոֆանովը հայտարարել է, որ Ֆուտբոլի միջազգային ֆեդերացիան (ՖԻՖԱ) կասեցրել է 2018 թվականի աշխարհի առաջնության կազմակերպման և անցկացման համար վճարումները Ռուսաստանին: Նրա խոսքով, այս պահին Ռուսաստանը ստացել է ընդհանուր գումարի 30 տոկոսը:
Աղբյուր՝ gazeta.ru
Բելգիայի Մեխելեն քաղաքում համագործակցության հուշագիր է ստորագրվել Վայրի բնության և մշակութային արժեքների պահպանման հիմնադրամի (FPWC), ԱրԱվես (ArAves) բնապահպանական կազմակերպության, BirdLife International-ի (և Natuurpunt-ի միջև: Մոտ ապագայում կիրականացնեն մի շարք նախագծեր ուղված ջրաճահճային թռչունների կենսամիաջավայրերի պահպանությանը, վերականգմանը ինչպես նաև կրթական մի շարք այլ նախաձեռնություններ:
Աղբյուր՝ Վայրի բնության և մշակութային արժեքների պահպանման հիմնադրամ
Չորեքշաբթի Չինաստանը հաղորդել է Covid-19-ից մահվան յոթ դեպքի մասին Շանհայում, որտեղ զոհերի թիվը հասել է 17-ի: Իշխանությունները պայքարում են վարակների տարածումը զսպելու համար շաբաթներ տևած ծանր սահմանափակումներից հետո:
Աղբյուր՝ france24.com
Գևորգյան հոգևոր ճեմարան և Սևանի Վազգենյան հոգևոր դպրանոց կարող են ընդունվել ՀՀ և այլ երկրների մինչև 25 տարեկան արական սեռի այն քաղաքացիները, որոնք ունեն միջնակարգ (կամ ավելի բարձր) կրթություն և զավակն են Հայաստանյայց Առաքելական Սուրբ Եկեղեցու: Դիմել կարող են նաև Հայաստանի զինված ուժերում ծառայությունն ավարտած, զորացրված քաղաքացիները: Դիմումներն ընդունվում են ապրիլի 20-ից մինչև օգոստոսի 20-ը՝ շաբաթվա բոլոր օրերին, ժամը 10:00-15:00:
Աղբյուր՝ Մայր Աթոռ Սուրբ Էջմիածին
Հանդիպման ընթացքոըմ ՀՀ-ում ԳԴՀ արտակարգ և լիազոր դեսպան Վիկտոր Ռիխտերը՝ նշել է, որ այդ համակարգն օգնել է հաղթահարել Գերմանիայի տնտեսության ճգնաժամերը և հիմք հանդիսացել դրա հետագա զարգացման համար: Նա գոհունակություն է հայտնել, որ հայ գործընկերներն օգտվում են հենց գերմանական փորձից՝ այդ ոլորտում ՀՀ կառավարության հետ հետագա ակտիվ համագործակցության պատրաստակամություն հայտնելով:
Աղբյուր՝ ՀՀ ԿԳՄՍՆ հասարակայնության հետ կապերի և տեղեկատվության վարչություն
Ապրիլի 21-ին՝ ժամը 13:00-ին, Արագածոտնի մարզի Օրգով համայնքում անցկացվելու է «Բնակչության ազդարարում, տարահանում, պատսպարում» թեմայով ուսումնավարժանք: Գործարկվելու է համայնքում առկա շչակը:
Աղբյուր՝ ՀՀ ԱԻՆ
ԱՄՆ-ի և Եվրոպայի մի շարք երկրների առողջապահության ոլորտի ներկայացուցիչները ուսումնասիրում են երեխաների մոտ լյարդի ծանր հիվանդության դեպքերը: Այն առաջին անգամ հայտնաբերվել է Միացյալ Թագավորությունում: Հիվանդությունների կանխարգելման և վերահսկման եվրոպական կենտրոնը երեքշաբթի հայտնել է, որ հեպատիտի կամ լյարդի բորբոքման դեպքեր են հայտնաբերել Դանիայում, Իռլանդիայում, Նիդեռլանդներում և Իսպանիայում:
Աղբյուր՝ aljazeera.com
Ֆրանսիայի հավաքականի և «Մանչեսթեր Յունայթեդի» կիսապաշտպան Պոլ Պոգբան մոտ է «Պարի Սեն Ժերմեն» տեղափոխվելուն: Այս մասին հայտնում է Todofichajes-ը: 29-ամյա կիսապաշտպանը չորս տարվա պայմանագիր է համաձայնեցրել «ՊՍԺ»-ի հետ: Պոգբայի պայմանագիրը «կարմիր սատանաների» հետ կավարտվի 2022 թվականի ամռանը: Այդպիսով, նա ամառային տրանսֆերային պատուհանի ընթացքում կկարողանա միանալ փարիզեցիներին անվճար:
Աղբյուր՝ lenta.ru
և կանխատեսում, որ կարող է կորցնել 2,5 միլիոնին: Ավելի քան մեկ տասնամյակի ընթացքում նման պատկերն առաջին անգամն է: Մարտի սկզբին Ուկրաինա ներխուժումից հետո Ռուսաստանում ծառայությունը դադարեցնելու Netflix-ի որոշումը հանգեցրեց 700,000 անդամների կորստի: Դրա հետ մեկտեղ, երեքշաբթի կեսօրին ընկերության բաժնետոմսերն ընկել են 23 տոկոսով արտաբորսային առևտրում: Մինչդեռ նրա մրցակիցներ Roku-ն էժանացել է 6%-ով, Walt Disney-ը կորցրել է 4%, Warner Bros-ը՝ 2%:
Աղբյուր՝ dailymail.co.uk
Ամերիկյան General Motors ավտոարտադրողը հայտարարել է Ռուսաստանում աշխատանքի անժամկետ դադարեցման մասին: Այս մասին երեքշաբթի հայտնել է ընկերության մամուլի ծառայությունը:
Աղբյուր՝ ria.ru
Բրիթնի Սփիրսը ձերբակալվել է Կալիֆորնիայի ճանապարհային ոստիկանության կողղմից արագությունը գերազանցելու համար, հայտնում է The Blast-ը: Լրագրողների տեղեկություններով՝ երգչուհին մարտի 10-ին խախտել է ճանապարհային երթևեկության կանոնները: Նշվում է, որ Սփիրսը մեքենան վարել է ուրիշների համար ոչ անվտանգ ձևով: Նա դատարանի առաջ կկանգնի մայիսի 3-ին:
Աղբյուր՝ kulturomania.ru
«Լիվերպուլը» երկրորդ անգամ այս մրցաշրջանում խայտառակ պարտության մատնեց «Մանչեսթեր Յունայթեդին»՝ դառնալով Պրեմիեր լիգայի առաջատարը, Երեքշաբթի 4-0 հաշվով ջախջախիչ խաղի ընթացքում Մոհամեդ Սալահը դուբլի հեղինակ դարձավ: «Լիվերպուլը» երկու միավորով գերազանցում է աղյուսակում իրեն հաջորդող «Մանչեսթեր Սիթիին», բայց դեռ պետք է, որ Անգլիայի չեմպիոնը սայթաքի մրցաշրջանի մնացած յոթ խաղերում՝ չեմպիոնի տիտղոսը նվաճելու համար:
Աղբյուր՝ france24.com
Այդ մատակարարումների մանրամասները կհրապարակվեն առաջիկա օրերին: Այս մասին երեքշաբթի հայտարարել է վարչապետ Ջասթին Թրյուդոն: «Կանադան ծանր հրետանի կուղարկի Ուկրաինա, ավելի շատ մանրամասներ կհրապարակվեն մոտ օրերս»,- լրագրողներին ասել է Թրյուդոն: Նա հավելել է, որ այդ մատակարարումները կիրականացվեն ուկրաինական կողմի պահանջին համապատասխան:
Աղբյուր՝ ria.ru
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
