Կարճ լուրեր
Ապրիլի 12-ից 18-ը ԿԳՄՍ նախարարության ֆեյսբուքյան էջում հրապարակվել է ՀՀ պատմության և մշակույթի որևէ հուշարձանից մի հատվածի լուսանկար: Այն աշակերտը կամ սովորողը, որը մեկնաբանությունների հատվածում առաջինն է ճիշտ պատասխանել «Ո՞ր հուշարձանն է և ո՞ր մարզում է գտնվում» հարցին, դարձել է տվյալ օրվա հաղթողը: Մրցույթը նախատեսված էր 5-12-րդ դասարանների աշակերտների, ուսումնարանների ու քոլեջների սովորողների համար: Հաղթած աշակերտները կպարգևատրվեն խրախուսական նվերներով:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչույթուն
Ճապոնացի հետազոտողները մշակել են փայտիկներ, որոնք ուժեղացնում են աղի համը, ինչը հնարավորինս օգնում է նրանց, ովքեր պետք է նվազեցնեն նատրիումի քանակը իրենց սննդակարգում: Մեյձի համալսարանի պրոֆեսոր Հոմեյ Միաշիտայի և ըմպելիքներ արտադրող Kirin Holdings-ի կողմից համատեղ ստեղծված փայտիկներն ուժեղացնում են համը՝ էլեկտրական խթանման և ապարանջանի վրա եղած մինի համակարգչի միջոցով:
Աղբյուր՝ reuters.com
Տեղական ոստիկանությունը հայտնել է, որ վեց մարդ զոհվել է, տասնյակ մարդիկ վիրավորվել են Քաբուլի արևմուտքում գտնվող դպրոցում տեղի ունեցած pայթյունների հետևանքով: «18-րդ թաղամասի Աբդուլ Ռահիմ Շահիդի անվան ավագ դպրոցում երեք տարբեր պայթյուններ հանգեցրել են զոհերի մեր շիա հայրենակիցների շրջանում», - ասվում է իրավապահ մարմինների հաղորդագրության մեջ, որը տրամադրվել է «ՌԻԱ Նովոստի»-ին:
Հոլանդացի Էրիկ տեն Հագը այս ամառ կզբաղեցնի «Մանչեսթեր Յունայթեդի» գլխավոր մարզչի պաշտոնը: Ընթացիկ մրցաշրջանը Տեն Հեգը կավարտի «Այաքսում»: Նա կապված է «Այաքսի» հետ պայմանագրով, ուստի «Մանչեսթեր Յունայթեդը» ստիպված կլինի փոխհատուցում վճարել հոլանդական ակումբին: Որն, ըստ Championat.com-ի, կկազմի 2 մլն եվրո: Առաջիկա օրերին «Մանչեսթեր Յունայթեդը» կհայտարարի հոլանդացի մասնագետի նշանակման մասին:
Աղբյուր՝ vesti.ru
1992 թվականի այս օրը առաջին անգամ ընդունվել է «Հայաստանի Հանրապետությունում հարկերի մասին» ՀՀ օրենքը, որով մեր երկրում ձևավորվել են հարկային համակարգը, դրա սկզբունքները, հարկային մարմին և հարկ վճարող հարաբերությունները: Իսկ 2021 թվականին որոշում ընդունվեց ապրիլի 19-ը սահմանել որպես Հարկ վճարողի օր:
Աղբյուր՝ ՀՀ ՊԵԿ
87 տարեկան հասակում կյանքից հեռացել է Հարիսոն Բիրթվիսլը՝ համարձակ էքսպերիմենտալ ժամանակակից երաժշտության ստեղծողը, ով ճանաչվել է Մեծ Բրիտանիայի ժամանակակից մեծագույն կոմպոզիտորներից մեկը: Բիրթվիսլի հրատարակիչ Boosey & Hawkes-ը հայտնել է, որ նա մահացել է երկուշաբթի Մերեում՝ Անգլիայի հարավ-արևմուտքում գտնվող իր տանը: Մահվան պատճառ չի նշվում:
Աղբյուր՝ apnews.com
Կատվախոտ դեղատուի գերդոզավորումը կաող է առաջացնել ստամոքսի ցավ, գլխապտույտ և մկանային թուլություն: Այս հանգստացնողը չպետք է ընդունեն նաև նրանք, ովքեր սրտի կամ ուղեղի կաթված են տարել: Այս մասին ասել է բժիշկ-թունաբան, բժշկական գիտությունների դոկտոր Միխայիլ Կուտուշովը «Դոկտոր Պիտեր» պորտալին: Առանց բժշկի նշանակման հանգստացնող միջոցի ընդունումը կարող է հանգեցնել գերդոզավորման:
Աղբյուր՝ gazeta.ru
«Մանչեսթեր Յունայթեդի» ֆուտբոլիստ Կրիշտիանու Ռոնալդուն և նրա ընկերուհի Ջորջինա Ռոդրիգեսը հայտարարել են իրենց փոքրիկի մահվան մասին՝ ասելով, որ դա «ամենամեծ ցավն է, որը կարող է զգալ ցանկացած ծնող»: Պորտուգալիայի 37-ամյա ֆուտբոլիստը և 28-ամյա Ռոդրիգեսը երկվորյակների էին սպասում: Նրանց աղջիկը ողջ է մնացել, և նրանք ասել են, որ նրա ծնունդը «ուժ է տալիս ապրելու այս պահը որոշակի հույսով և երջանկությամբ»:
Աղբյուր՝ bbc.com
Ճապոնիայի կառավարությունը մտադիր է Ուկրաինային որպես լրացուցիչ օգնություն տրամադրել հատուկ հադերձանք և դիմակներ, որոնք կարող են պաշտպանել քիմիական նյութերից, ինչպես նաև անօդաչու թռչող սարքեր: Մարտին Ճապոնիան օգնություն էր ուղարկել Ուկրաինային ոչ մահաբեր պաշտպանական սարքավորումների տեսքով՝ զրահաբաճկոններ, սաղավարտներ, տաք հագուստ, վրաններ, հիգիենայի միջոցներ և այլն:
Աղբյուր՝ ria.ru
People-ին տված հարցազրույցում «Ընկերներ»-ի աստղը հայտնել է, որ տարիներ շարունակ տառապել է անքնությամբ և լուսնոտությամբ: Էնիսթոնի խոսքով՝ խնդիրները սկսվել են, երբ նա 30 տարեկան էր: Այժմ Էնիսթոնը քնելուց առաջ մի քանի կանոն է պահպանում: Օրինակ՝ քնելուց առաջ մարզումներ անելը կամ յոգայով զբաղվելը։ Նա նաև ննջարան չի տանում բջջային հեռախոսը: Թեև նկարահանումների պատճառով ոչ միշտ է հաջողվում պահպանել օրվա ռեժիմը:
Աղբյուր՝ vesti.ru
Ռաֆայել Նադալը երկուշաբթի վերադարձավ մարզումներին՝ կողոսկրի վնասվածքի պատճառով չորսշաբաթյա ընդմիջումից հետո: Իսկ Ռոլան Գարոսի Ֆրանսիայի բաց առաջնությանը մնացել է ընդամենը մեկ ամիս: Նադալը վնասվածք էր ստացել մարտի 22-ին Ինդիան Ուելսի եզրափակիչում ամերիկացի Թեյլոր Ֆրիցից կրած պարտությունից հետո՝ ասելով, որ դուրս է գալիս չորսից վեց շաբաթով:
Աղբյուր՝ france24.com
Այցի իմաստը մեկնաբանել է Majesty Magazine-ի գլխավոր խմբագիր, լրագրող Ինգրիդ Սյուարդը: Նրա խոսքով՝ օրը, որն ընտրել էին Հարին և Մեգանը թագուհու հետ հանդիպելու համար, պատահական չէր և կարող է ցույց տալ, որ նրանք ցանկանում են հաշտվել թագուհու հետ: Բանն այն է, որ Ավագ հինգշաբթին առանձնահատուկ օր է թագուհու համար, քանի որ քրիստոնեական օրացույցում այս ամսաթիվը նվիրված է ներողամտությանը: «Նա նա հիշաչար չէ և, կարծում եմ, գրկաբաց կընդուներ նրանց»,- ասել է լրագրողը:
Աղբյուր՝ lenta.ru
Ռուս թենիսիստ Դանիիլ Մեդվեդևը ATP-ի վարկածով վարկանիշում նահանջել է չորրորդ տեղ: Այսօր կազմակերպությունը թարմացրել է վարկանիշային աղյուսակ: Առաջատարն իսպանացի թենիսիստ Ռաֆայել Նադալն է։ Նա վաստակել է 3350 միավոր: Հույն Ստեֆանոս Ցիցիպասը բարձրացել է երեք հորիզոնականով: Նա երկրորդն է: Հույն թենիսիստը դարձել է Մոնտե Կառլոյի Մասթերս շարքի մրցաշարի հաղթող: Լավագույն եռյակը եզրափակում է իսպանացի Կարլոս Ալկարասը:
Աղբյուր՝ gazeta.ru
SpaceX-ի Falcon 9 հրթիռը կիրակի կրկին հաջողությամբ ԱՄՆ հետախուզական արբանյակ է արձակել Կալիֆոռնիայի Վանդենբերգ տիեզերական բազայից, հայտնել է ընկերությունը: Falcon 9-ը նախագծվել է Իլոն Մասկի SpaceX-ի կողմից՝ լինելով ուղեծրային դասի առաջին հրթիռը, որը կարող է մի քանի առաքելություններ արձակել՝ ծախսերը նվազեցնելու համար:
Աղբյուր՝ cnn.com
Հայաստանի բռնցքամարտի կանանց հավաքականը մայիսի 6-ին կմեկնի Ստամբուլ, որտեղ կմասնակցի աշխարհի առաջնությանը: Թիմի կազմում ընդգրկված են Անուշ Գրիգորյանը (50 կգ), Եկատերինա Սիչևան (54 կգ), Անի Հովսեփյանը (70 կգ) և Գայանե Տեր-Բարսեղյանը (48 կգ): Վերջինս իր նորամուտը կնշի խոշոր մրցաշարերում:
Աղբյուր՝ ՀՀ ԿԳՄՍ նախարարություն
Տրապիզոն նահանգում շարունակվող տեղումների հետևանքով առանձին հատվածներում սելավներ են գոյացել: Ինչպես նշել են Արտակարգ իրավիճակների կանխարգելման և հետևանքների վերացման գրասենյակից, աղետից ամենաշատը տուժել է Սուրմենե շրջանը:
Աղբյուր՝ tass.ru
«Մանչեսթեր Յունայթեդի» կիսապաշտպան Բրունո Ֆերնանդեշը երկուշաբթի ավտովթարի է ենթարկվել: Միջադեպի մասնակիցներից ոչ ոք լուրջ վնասվածքներ չի ստացել, հաղորդում է բրիտանական PA լրատվական գործակալությունը: 27-ամյա Ֆերնանդեշը կմարզվի «Լիվերպուլի» դեմ երեքշաբթի կայանալիք Պրեմիեր լիգայի խաղից առաջ:
Աղբյուր՝ apnews.com
Ինչպես հայտնում է Shafaq News-ը, «Իսլամական պետության» չորս գրոհայինների խումբը երկուշաբթի լուսադեմին մարտեր է սկսել անվտանգության ուժերի հետ Շեյխ Շաաբան շրջանում: Հարձակման ժընթացքում ականանետներ են արձակել սուննի մահմեդականների սրբավայրի վրա, ապա ներթափանցել ու պայթուցիկ սարքեր տեղադրել ներսում՝ վերածելով այն ավերակների:
Աղբյուր՝ vesti.ru
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
