Կարճ լուրեր
Հանգստյան օրերին Invictus Games-ի միջոցառումներին մասնակցելու ընթացքում Մեգանին պաշտպանում էր Քրիստոֆեր Սանչեսը: Երբ Հարին և Մեգանը հրաժարվեցին թագավորական պարտականությունից և մեկնեցին ԱՄՆ, նրանք զրկվեցին թագավորական զինված թիկնազորից: ԱՄՆ գաղտնի ծառայության նախկին գործակալ Սանչեսը պաշտպանել է նախագահներ Ջորջ Բուշ կրտսերին և Բարաք Օբամային՝ թիկնազորում աշխատելով ընդհնուր առմամբ հինգ տարի:
Աղբյուր՝ thesun.co.uk
Ֆլորիդայի բնակիչ Ռամիրո Ալանիսը դիտել է «Սարդ-Մարդ. Տունդարձի ճանապարհ չկա»-ն 292 անգամ: Ալանիսն ընդհանուր առմամբ 30 օր է ծախսել ֆիլմը դիտելու և կինոթատրոն գնալու վրա: Նա եռամսյա ցուցադրության ընթացքում ամեն օր գնացել է կինոթատրոն, առաջին շաբաթներին մասնակցելով բոլոր սեանսերին՝ օրական հինգ անգամ: Տոմսերի վրա երկրպագուն ծախսել է մոտ 3,4 հազար դոլար: Ալանիսի խոսքով՝ ինքը որոշել է համաշխարհային ռեկորդ սահմանել՝ ի պատիվ տատիկի, որը մահացել է 2019թ-ին:
Աղբյուր՝ kulturomania.ru
Երեք մարդ վիրավորել է արևելյան Նորչյոպինգ քաղաքում կիրակի օրը, երբ ցուցարարները բողոքել են ծայրահեղ աջ խմբավորման կողմից Ղուրանի օրինակներն այրելու պլանների դեմ: «Ոստիկանները մի քանի նախազգուշական կրակոց են արձակել։ Ըստ երևույթին, երեք մարդ վիրավորվել է ռիկոշետից և այս պահին գտնվում են հիվանդանոցում»,- ասվում է ոստիկանության հաղորդագրության մեջ: Կիրակի տեղի ունեցած բախումները երկրորդն էին չորս օրվա ընթացքում:
Աղբյուր՝ france24.com
Տոմսկում վիրաբույժներին հաջողվել է կեսարյան հատումից անմիջապես հետո ամբողջությամբ հեռացնել արգանդի վզիկի չարորակ նորագոյացությունը: Տղան ծնվել է հղիության 28-րդ շաբաթում: Կեսարյան հատումից անմիջապես հետո փոքրիկին ռեանիմոբիլով տեղափոխել են պերինատալ կենտրոն, իսկ կինը երկրորդ վիրահատության է ենթարկվել: Կինն այժմ հակաուռուցքային քիմիաթերապիայի կուրս է անցնում, և նրա մոտ դրական դինամիկա է նկատվում:
Աղբյուր՝ gazeta.ru
Նիգերիայի, Նիգերի և Կամերունի միացյալ ռազմական ուժերը կիրակի հայտարարել են, որ վերջին մի քանի շաբաթների ընթացքում սպանել են ավելի քան 100 իսլամիստ ապստամբների, այդ թվում՝ 10 հրամանատարների: Միացյալ ուժերը ակտիվացնում են ցամաքային և օդային հարձակումը Չադ լճի շրջանում: «Բոկո Հարամ»-ը և նրանից անջատված ճյուղը ավելի քան մեկ տասնամյակ պայքարում են Նիգերիայի բանակի դեմ հակամարտությունում, որը տարածվել է նաև հարևան պետությունների վրա:
Աղբյուր՝ reuters.com
Թուրքական բանակի հրետանին երկուշաբթի հրթիռակոծել է Սիրիայի Հասաքա Մարզի հյուսիսում գտնվող Աբու Ռասեյն շրջանը: SANA գործակալության տվյալներով՝ կրակը արձակվել է թուրքական զորքերի կողմից 2019 թվականին ստեղծված սահմանային անվտանգության գոտում տեղակայված զենքերից և ականանետերից: Արդյունքում՝ նյութական վնաս է հասցվել բնակելի շենքերին. կան տուժածներ խաղաղ բնակիչների շրջանում: Նրանց թիվը ճշտվում է:
Աղբյուր՝ tass.ru
Հյուսիսային Կորեան հայտարարել է, որ հաջողությամբ նոր զենք է փորձարկել, որը զգալիորեն կբարձրացնի իր մարտավարական միջուկային հնարավորությունները: Լուսանկարներում երկրի առաջնորդ Կիմ Չեն Ընը ժպտում է և ծափահարում, երբ դիտում է նոր հրթիռի արձակումը: Փորձագետները կարծում են, որ սա նշան է, որ Հյուսիսային Կորեան պատրաստվում է փորձարկել կոմպակտ միջուկային զենք, այլ կերպ ասած՝ մարտավարական միջուկային զենք:
Աղբյուր՝ bbc.com
Tesla-ի և SpaceX-ի ղեկավարը TED-ի հարցազրույցի ընթացքում ասել է, որ սեփական տուն չունի, ուստի քնում է ընկերների տներում: Այս մասին հայտնում է Business Insider պորտալը։ «Ես հիմա նույնիսկ տուն չունեմ. Եթե ես գնում եմ Բեյ Արեա, որտեղ գտնվում է Tesla-ի արտադրության մեծ մասը, ապա ես ապրում եմ ընկերներիս մոտ», - ասել է Մասկը: 2021 թվականի դեկտեմբերին նա վաճառեց իր Կալիֆորնիայի տունը 30 միլիոն դոլարով և սկսեց ապրել համատեղ վարձակալած տանը:
Աղբյուր՝ gazeta.ru
Իրանի նախագահ Էբրահիմ Ռաիսին երկուշաբթի նախազգուշացրել է, որ զինված ուժերը հանգիստ չեն տա ոխերիմ թշնամի Իսրայելին, եթե վերջինս գործողություններ ձեռնարկի իսլամական հանրապետության դեմ: «Դուք պետք է իմանաք, որ եթե փորձեք որևէ քայլ ձեռնարկել Իրանի ժողովրդի դեմ, մեր զինված ուժերը ձեզ հանգիստ չեն թողնի», - ասել է Ռաիսին Ազգային բանակի օրվան նվիրված զորահանդեսի ժամանակ:
Աղբյուր՝ france24.com
Մադրիդի «Ռեալի» ֆուտբոլիստները Իսպանիայի առաջնության 32-րդ տուրում հյուրընկալությամբ հաղթեցին «Սևիլիաին»՝ 3:2 հաշվով: Հաղթողների կազմում գոլերը խփեցին Ռոդրիգոն, Նաչոն և Կարիմ Բենզեման համապատասխանաբար 50-րդ, 83-րդ և 92-րդ րոպեներին, իսկ «կարմրասպիտակների» համար գոլերի հեղինակ դարձան Իվան Ռակիտիչը 21-րդ և Էրիկ Լամելան և 25-րդ րոպեներին: «Ռեալը» 75 միավորով գլխավորում է մրցաշարային աղյուսակը:
Աղբյուր՝ vesti.ru
Առնվազն 443 մարդ է զոհվել Հարավային Աֆրիկայի ԿվաԶուլու-Նատալ նահանգը ավերած ջրհեղեղների հետևանքով: Փրկարարները փնտրում են տասնյակ մարդկանց, որոնք դեռևս անհետ կորած են համարվում հարավ-արևելյան ափամերձ շրջանում: Աֆրիկայի ԿվաԶուլու-Նատալի վարչապետ Սիհլե Զիկալալան հայտնել է, որ զոհվածների թվում են շտապ օգնության երկու աշխատակից և հավելել է, որ ևս 63 մարդ անհայտ կորած է մնում:
Աղբյուր՝ aljazeera.com
Թուրքիայի Ստամբուլ քաղաքի Բեյօղլու շրջանում պայթյուն է որոտացել: Սաստիկ ծխի պատճառով բնակիչները շենքից տարհանվել են, գրում է Sabah թերթը: Զոհերի մասին տեղեկություն չի նշվում:
Աղբյուր՝ ria.ru
Կիրակի վաղ առավոտյան Փիթսբուրգում տնային խնջույքի ժամանակ հնչած կրակոցների հետևանքով 17-ամյա երկու երիտասարդ է զոհվել և առնվազն ութ մարդ վիրավորվել, հայտնում է ոստիկանությունը: Հարյուրավոր մարդիկ՝ մեծամասամբ անչափահասներ, հավաքվել էին կարճաժամկետ վարձակալած տան մոտ, երբ տեղի է ունեցել վիճաբանություն և կրակոցներ են հնչել գիշերը ժամը 12:30-ի սահմաններում: Կրակոցներ են հնչել թե՛ վարձակալած տան ներսում, թե՛ դրսում:
Աղբյուր՝ apnews.com
Անգլիայի գավաթի խաղարկության կիսաեզրափակչում Լոնդոնի «Ուեմբլի» ստադիոնում «Չելսիի» ֆուտբոլիստները 2:0 հաշվով հաղթեցին «Քրիսթալ Փելասին»: Հանդիպման հաղթողներից աչքի ընկան Ռուբեն Լոֆտուս-Չիքը և Մեյսոն Մաունտը, ովքեր գոլեր խփեցին 65-րդ և 76-րդ րոպեներին: Այսպիսով, Թոմաս Տուխելի սաները դուրս եկան մրցաշարի եզրափակիչ, որտեղ կհանդիպեն «Լիվերպուլին», որը շաբաթ օրը 1/2 եզրափակչում ուժեղ գտնվեց «Մանչեսթեր Սիթիից»:
Աղբյուր՝ vesti.ru
Երկուշաբթի Շանհայը հայտարարեց, որ երեք մարդ է մահացել Covid-19-ից: Դրանք առաջին հաստատված մահերն են բռնկման հետևանքով, որի պատճառով մեգապոլիսը հայտնվեց շաբաթներ տևած արգելափակման մեջ՝ առաջացնելով համատարած զայրույթ և հազվադեպ բողոքի ցույցեր:
Աղբյուր՝ france24.com
Թուրքիայի պաշտպանության նախարարությունը նոր ռազմական գործողություն է սկսել Քրդստանի աշխատավորական կուսակցության (PKK) զինյալների դեմ: Այն ընթանում Իրաքի հյուսիսային հատվածում, հայտնում է թուրքական «Անադոլու» գործակալությունը, որի տվյալներով օպերացիայում ներգրավված են հատուկ նշանակության ուժեր եւ օդուժ:
Աղբյուր՝ ria.ru
Քիլիան Մըրֆին վերադարձել է հայրենի Իռլանդիա, որպեսզի իր երեխաները անգլիական առոգանություն չունենան: Այս մասին նա խոսել է «Armchair Expert with Dax Shepard» փոդքաստում: «Մենք ցանկանում էինք, որ մեր երեխաները իռլանդացի լինեն: Մենք տեղափոխվեցինք նրանց պատանեկության տարիներին: Մինչ Իռլանդիա վերադառնալը նրանք ունեին հիանալի անգլիական առոգանություն, բայց ես դա այնքան էլ ինձ դուր չէր գալիս, ուստի մենք որոշեցինք վերադառնալ», - ասել է Մըրֆին:
Աղբյուր՝ gazeta.ru
Քեյ–փոփ ոճում աշխարհում առաջին անիմացիոն ֆիլմի «Փայլող աստղի» ցուցադրությունը Ռուսաստանում տեղի կունենա մայիսի 12-ին: Գունագեղ մուլտֆիլմի հիմքում ընկած է հարավկորեական հայտնի սերիալը, որը հիթ է դարձել MBC-ում և այլ մանկական ալիքներում՝ ընդհանուր առմամբ ավելի քան 2 միլիարդ դիտումներով:
Աղբյուր՝ kinoafisha.info
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
