Կարճ լուրեր
Եգիպտոսից Մալթա դիզվառելիք տեղափոխող լցանավը խորտակվել է շաբաթ օրը Գաբեսի ծոցում՝ Թունիսի հարավարևելյան ափերի մոտ: Լցանավի երկարությունը 58 մետր է, լայնությունը՝ 9 մետր, ասվում է նավի մոնիթորինգով զբաղվով vesseltracker.com կայքում: Թունիսի իշխանությունները տարհանել են յոթ հոգանոց անձնակազմին:
Աղբյուր՝ france24.com
Իսլամաբադը մի շարք ավիահարվածներ է հասցրել Աֆղանստանի Խոստ և Քունար նահանգներին: Այսպիսի հայտարարություն է արել շաբաթ օրը աֆղանական The Khaama Press գործակալությունը՝ վկայակոչելով տեղական իշխանությունների տվյալները: Նրանց տվյալներով՝ ռմբակոծությունն իրականացվել է ուրբաթ գիշերը պակիստանյան անհայտ թվով ինքնաթիռների կողմից: Մահացել է 39 մարդ:
Աղբյուր՝ tass.ru
Դերասան Ալեք Բոլդուինը սոցցանցերում հայտարարել է, որ ծնող լինելը հիանալի է, այդ իսկ պատճառով նա և կինը՝ Հիլարին, ցանկացել են ևս մեկ երեխա ունենալ: Օրերս արտիստը տեսանյութ է հրապարակել, որում նրա կրտսեր դուստրը՝ Մարիա Լուսիան, զարմացած նայում է առջևի տեսախցիկի էկրանին երևացող իր արտացոլանքին և ծիծաղում: «Մարդիկ հարցնում են՝ ինչու է նա այդքան երեխաներ ունենում: Ահա թե ինչու: Ծնող լինելը մեծագույն ճանապարհորդություն է»,- գրել է Բոլդուինը:
Աղբյուր՝ gazeta.ru
Մրցաշարի գործող չեմպիոն Ստեֆանոս Ցիցիպասը ուրբաթ օրը խուսափեց 0:4 հաշվով պարտությունից՝ եզրափակիչ սեթում հաղթելով Դիեգո Շվարցմանին և դուրս գալով Մոնտե Կառլոյի Մասթերսի կիսաեզրափակիչ, որտեղ կհանդիպի օլիմպիական չեմպիոն Ալեքսանդր Զվերևի հետ:
Աղբյուր՝ france24.com
Ուրբաթ հրապարակված ռազմական հայտարարության համաձայն, Պակիստանի ռազմական պաշտպանության ուժերին Աֆղանստանի սահմանի մոտ՝ Պակիստանի թալիբների նախկին հենակետում, դարանակալել են, ինչի հետևանքով տեղի է ունեցել ինտենսիվ փոխհրաձգություն, որի ընթացքում յոթ զինվոր և զինված խմբավորման չորս անդամներ սպանվել են:
Աղբյուր՝ aljazeera.com/news
Ինտերը Ա Սերիայի առաջատարի դիրքում մնաց ընդամենը մի քանի ժամ: Միլանը սեփական հարկի տակ 2:0 հաշվով հաղթեց Ջենոային և վերականգնեց դիրքերը: Առաջին խաղակեսում հյուրերի դարպասը գրավեց Ռաֆայել Լեանը: Երկրորդ գոլը տանտերերը խփեցին եզրափակիչ սուլիչից երեք րոպե առաջ: Աչքի ընկավ փոխարինման դուրս եկած Ժունիոր Մեսսիասը: Միլանն ունի 71 միավոր և երկու միավորով առաջ է երկրորդ տեղում ընթացող Ինտերից:
Աղբյուր՝ vesti.ru
Ծնվել է ամերիկացի դերասան, և «Էմմի»-ի դափնեկիր երաժիշտ Դարեն Քրիսի առաջնեկը: Այս մասին նա հայտնել է սոցիալական ցանցերում: Քրիսի կինը՝ կինոպրոդյուսեր Միան, ապրիլի 11-ին աղջիկ է լույս աշխարհ բերել, ում անվանել են Բլյուզի Բել: 35-ամյա դերասանը համացանցում լուսանկար է հրապարակել կնոջ և դստեր հետ:
Աղբյուր՝ kulturomania.ru
Անցած կիրակի Ֆիլիպիններին պատուհասած «Մեգի» արևադարձային փոթորկի հետևանքով առնվազն 167 մարդ է մահացել: Եվս 110 մարդ անհետ կորած է համարվում, և 1,9 միլիոնը տուժել է, հայտնում է Արտակարգ իրավիճակների կառավարման ազգային խորհրուրդը: Կենտրոնական Լեյթե նահանգի գյուղերից մեկում՝ Պիլարում, տների մոտ 80%-ը հեղեղը քշել է ծովը:
Աղբյուր՝ bbc.com
Չափավոր ֆիզիկական ակտիվությունը բարենպաստ ազդեցություն է ունենում մարդու ձայնի վրա, իսկ հում ձուն ոչ մի ազդեցություն չի ունենում ձայնի որակի վրա և կարող է նույնիսկ վնասակար լինել առողջության համար: Այս մասին «ՌԻԱ Նովոստի»-ին հայտնել են հարցված բժիշկները՝ Ձայնի միջազգային օրվա կապակցությամբ: Իսկ ծանրաբեռնվածությունը, որը հոգնածության, մկանների գերլարվածության է հանգեցնում՝ հատկապես ուսագոտու վերին հատվածում, վատ է ազդում են ձայնի որակի վրա:
Բահրեյնում գտնվող մասնավոր կապիտալի ընկերությունը բացառիկ բանակցություններ է վարում Եվրոպայի յոթակի չեմպիոն «Միլանը» գնելու և Իտալիայի լիգայի առաջին մերձավորարևելյան ներդրողը դառնալու համար: Այս մասին «Associated Press»-ին հայտնել է գործընթացին ծանոթ անձը: Investcorp-ի կողմից գնման արդյունքում Ա Սերիայի առաջատարը կարող է վաճառվել մոտ 1 միլիարդ եվրոյով:
Մասնագետները հաստատել են, որ հունվարին Պերուում տեղի ունեցած նավթի արտահոսքի հետևանքով մոտ 900 կենդանիներ են սատկել, այդ թվում՝ անհետացման վտանգի տակ գտնվողներ: Այս մասին ուրբաթ օրը հայտնել են երկրի օմբուդսմենի գրասենյակից: Երկրի օմբուդսմենի գրասենյակը ուշադրություն է հրավիրել այն փաստի վրա, որ արտահոսքի հետևանքների վերացման աշխատանքները դեռ ավարտված չեն:
Աղբյուր՝ tass.ru
CCTV պետական հեռուստաալիքը հաղորդում է, որ երեք չինացի տիեզերագնացները շաբաթ օրը վայրէջք կատարեցին Չինաստանի հյուսիսում՝ 183 օր տիեզերքում անցկացնելուց հետո՝ ավարտելով երկրի մինչ այժմ ամենաերկարատև տիեզերական առաքելությունը: Երկու տղամարդ և մեկ կին՝ Չժայ Չժիգանգը, Յե Գուանգֆուն և Վան Յապինգը, բարեհաջող վայրէջք են կատարել Պեկինի ժամանակով առավոտյան ժամը 10:00-ին մոտ՝ վեց ամիս Չինաստանի «Տյանգուն» տիեզերակայանի գլխավոր մոդուլում անցկացնելուց հետո:
Աղբյուր՝ aljazeera.com
Բրուքլին Բեքհեմի տատիկը Նիկոլա Պելտցին նվիրել է Nike Air Force 1 հատուկ դիզայնով սպորտային կոշիկներ՝ նրանց ամուսնության առթիվ: Նկարիչ Ադամ Քլերիջը զարդարել է սպիտակ սպորտային կոշիկները մինիմալիստական գրություններով և նկարներով: Դրանց վրա կարելի է գտնել Նիկոլային ուղղված հաղորդագրություններ, ինչպես նաև թիթեռներ, վարդեր և Բրուքլինի՝ հրեշտակի պատկերով դաջվածքի կրկնօրինակը:
Աղբյուր՝ mirror.co.uk
Վոլգոգրադի մարզի Կամիշին քաղաքում Վոլգայի վրա նավակ է շրջվել, մեկ մարդ մահացել է, չորսը վնասվածքներ են ստացել, փրկարարները շարունակում են երեխայի որոնումները: Այս մասին «ՌԻԱ Նովոստի»-ին հայտնել են շրջանի արտակարգ իրավիճակների ծառայությունից: Կամիշին քաղաքի ափամերձ հատվածում զբոսանավակը, որում վեց մարդ է եղել, շրջվել է նախորդ գիշերը:
Իսլամական հեղափոխության պահապանների կորպուսը ուրբաթ հայտարարել է, որ իրենք երկու նավ են առգրավել երկրի ափերի երկայնքով՝ Պարսից և մոտակա Օմանի ծոցում, վառելիքի մաքսանենգության համար: Իրանը, որն ունի վառելիքի աշխարհի ամենաէժան գները՝ մեծ սուբսիդիաների և իր արժույթի անկման պատճառով, պայքարում է վառելիքի մաքսանենգության դեմ՝ ցամաքային ճանապարհով դեպի հարևան երկրներ և ծովով դեպի Պարսից ծոցի արաբական երկրներ:
Աղբյուր՝ reuters.com
Ամերիկացի դերասանուհի Սյուզան Սարանդոնը կմարմնավորի չարագործի Անխել Մանուել Սոտոյի «Կապույտ բզեզ» ֆիլմում՝ DC կոմիքսների հիման վրա: Այս մասին հայտնում է TheWrap-ը: Սարանդոնի հերոսուհու անունը Վիկտորյա Կորդ է: Ֆիլմում գլխավոր դերում կլինի Շոլո Մարիդուենյան: Կինոժապավենի պրեմիերան նախատեսված է 2023 թվականի օգոստոսի 18-ին:
Աղբյուր՝ kulturomania.ru
Կաննի կինոփառատոնը կմեկնարկի ռեժիսոր Միշել Խազանավիչուսի «Z» կատակերգությամբ: ֆիլմն ընդգրված չէ մրցութային ծրագրում: Այն պատմում է ցածր բյուջետային մարտաֆիլմի նկարահանումների մասին, որը խաթարվում է իրական զոմբիների ներխուժմամբ: Կինոնկարի պրեմիերան նախատեսված էր 2022 թվականի սկզբին, սակայն այն հետաձգվել էր կորոնավիրուսային համաճարակի պատճառով:
Աղբյուր՝ kulturomania.ru
Բժիշկների հաղորդմամբ առնվազն 158 պաղեստինցիներ վիրավորվել են Հորդանանի Արևմտյան ափին գտնվող Մզկիթի տարածքում բախումների հետևանքով: Հարյուրավոր մարդիկ ձերբակալվել են: Իսրայելական ոստիկանությունը գործողությունները սկսել է ուրբաթ լուսաբացից առաջ, երբ հազարավոր հավատացյալներ հավաքվել էին մզկիթում առավոտյան աղոթքի համար:
Աղբյուր՝ aljazeera.com
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
