Կարճ լուրեր
Բիլլի Այլիշը և նրա ավագ եղբայր Ֆինիս Օ'Քոնելը կհայտնվեն «Սիմփսոններ»-ի առաջիկա կարճամետրաժ ֆիլմում, որը կոչվում է «Երբ Բիլլին հանդիպեց Լիզային»: Ինչպես հաղորդում է Variety-ին, սա երգչուհու առաջին դերը կլինի կինոնախագծում: Պրեմիերան կկայանա ապրիլի 22-ին:
Աղբյուր՝ gazeta.ru
Յոթ ամիս առաջ ծնվեց ռեփերներ Քարդի Բիի և Օֆսեթի որդին: Օֆսեթըհինգշաբթի Instagram-ի իր պաշտոնական էջում հրապարակել է փոքրիկի լուսանկարը՝ «Wave Set Cephus» մակագրությամբ: Նրա կինը թվիթերում տեսանյութ է հրապարակել, որում երևում է կախազարդով վզնոց՝ վրան գրված «Wave»: Քարդի Բին հայտնել է, որ ամուսինն առաջարկել է Վեյվ անունը, և երեխային հենց այդպես էլ կոչել են:
Աղբյուր՝ cnn.com
Մշակույթային հարցերով ՌԴ նախագահի խորհրդական Վլադիմիր Տոլստոյը սցենար է գրել իր հայտնի նախապապի՝ Լև Տոլստոյի մասին: Այս մասին պատմել է նրա կինը՝ «Յասնայա Պոլյանա» թանգարան-կալվածքի տնօրեն Եկատերինա Տոլստայան: Նա կարծում է, որ 2028 թվականին գրողի 200-ամյակի տոնակատարություններին ընդառաջ «շատ էկրանավորումներ և ներկայացումներ կլինեն Լև Տոլստոյի ստեղծագործությունների հիման վրա»:
Աղբյուր՝ ria.ru
Հինգշաբթի Մումբայում կայացել է Բոլիվուդի աստղեր Ալիա Բհաթի ու Ռանբիր Կապուրի ամուսնության համեստ արարողությունը: 29-ամյա Բհաթը և 39-ամյա Կապուրը հանդիպել են հինգ տարի, սակայն զույգի հարաբերությունների մասին մանրամասներ չեն եղել՝ բացի սոցցանցերում տարածված պատահական նկարներից: Արարողությունը տեղի է ունեցել Կապուրի տանը՝ Մումբայի Բանդրա արվարձանում: Հյուրերից պահանջել են՝ արարողությունից նկարներ կամ տեսանյութեր չտարածել:
Աղբյուր՝ reuters.com
Ինչի հետևանքով 27-ամյա երիտասարդը մահացել է, իսկ նրա հինգ հարևանները ծխահարվել են: Այս մասին հաղորդում է ՌԴ քննչական կոմիտե մայրաքաղաքային վարչությունը: Շենքի 17-րդ հարկում հրդեհը բռնկվել է ապրիլի 14-ին, ժամը 19:00-ի սահմաններում: Ըստ նախնական վարկածի՝ երիտասարդը աշխատանքից վերադառնալուց հետո միջանցքում լիցքավորման է դրել է իր երկանիվ սարքի մարտկոցը, սակայն այն պայթել է, և կրակն արագ պատել են միջանցքն ու մուտքի դուռը:
Աղբյուր՝ vesti.ru
«Բարսելոնայի» կիսապաշտպան Պեդրին վնասվածք է ստացել Եվրոպա լիգայի քառորդ եզրափակչում Ֆրանկֆուրտի «Այնտրախտից» կրած պարտության ժամանակ: Այս մասին ուրբաթ հայտարարել է իսպանական ակումբը: Հետազոտությունները ցույց են տվել, որ վնասվել է Պեդրիի ձախ ազդրի երկգլուխ մկանը: Ըստ կատալոնական ԶԼՄ-ների, Իսպանիայի հավաքականի 19-ամյա ֆուտբոլիստը, ամենայն հավանականությամբ, բաց կթողնի առնվազն մեկ ամիս:
Աղբյուր՝ france24.com
Իշխանություններն արգելել են ջրի օգտագործումը Սոնգկրան ազգային տոնի ժամանակ՝ կորոնավիրուսի տարածման վտանգի պատճառով: Անցյալ շաբաթ զբոսաշրջիկներն ու տեղացիները հավաքվել են երկրի մայրաքաղաք Բանգկոկում՝ նշելու ազգային փառատոնը, որը համընկնում էր Թաիլանդի Նոր տարվա մեկնարկի հետ: Այս տարի, սակայն, մարզային իշխանությունները հրամայել են մայրաքաղաքի կենտրոնում գտնվող բոլոր հաստատություններին կիրառել «ջուր ցողելու արգելքի» քաղաքականությունը:
Աղբյուր՝ gazeta.ru
Իսրայելը մի քանի հրթիռ է արձակել Դամասկոսի մերձակայքում գտնվող սիրիական ռազմական դիրքերի ուղղությամբ՝ պատճառելով նյութական վնաս, հայտնում է սիրիական բանակը: Պետական լրատվամիջոցները ուրբաթ, մեջբերելով անանուն զինվորականի խոսքերը, հայտնել են, որ հարձակումը տեղի է ունեցել հինգշաբթի կեսգիշերից քիչ առաջ՝ հավելելով, որ իսրայելական հրթիռներից մի քանիսը խոցվել են սիրիական հակաօդային պաշտպանության կողմից:
Աղբյուր՝ aljazeera.com
Երաժշտական գործիքը գողացվել է 2021 թվականի նոյեմբերին Ելիսեյան դաշտերի նվագախմբի անդամ Էնրիկո Թեդեից՝ Եվրոպա կատարած շրջագայության ժամանակ, գրում է Le Figaro-ն: Երաժիշտը գործիքը ձեռք է բերել 15 տարի առաջ վենետիկյան հայտնի ջութակագործ Ջուլիո Դեգանիից: Ջութակը եղել է անվնաս և վերադարձվել է տիրոջը:
Աղբյուր՝ kulturomania.ru
Շվեդիայի արևելյան ափին գտնվող Լինչոպինգ քաղաքի դեպքի վայրից արված կադրերում երևում է այրվող մեքենա, և տասնյակ դիմակավորված անձինք հարձակվում են ոստիկանական մեքենաների վրա: Անկարգությունները սկսվել են դանիացի հակամահմեդական քաղաքական գործիչ Ռասմուս Պալուդանի և նրա կուսակցության՝ Stram Kurs-ի («Կոշտ գիծ») պլանավորած ցույցից առաջ, որը պետք է ներառեր մահմեդական սուրբ գրքի՝ Ղուրանի այրումը:
Աղբյուր՝ theguardian.com
Ուկրաինացի ընդդիմադիր քաղաքական գործիչ Վիկտոր Մեդվեդչուկի կինը՝ Օքսանա Մարչենկոն, վստահություն է հայտնել, որ Թուրքիայի նախագահ Թայիփ Էրդողանը կօգնի իրեն ազատել ամուսնուն: Երեքշաբթի Ուկրաինայի անվտանգության ծառայության ղեկավարը Վլադիմիր Զելենսկիի անունից հայտարարել էր Մեդվեդչուկին կալանավորելու մասին: Ուկրաինայի դատախազությունը քաղաքական գործչի անհետացման մասին հայտնել էր փետրվարի վերջին:
Աղբյուր՝ ria.ru
Արքայազն Հարին և նրա կինը՝ Մեգանը, այցելել են 95-ամյա Եղիսաբեթ Երկրորդ թագուհուն Վինձոր ամրոցում: Սա նրանց առաջին համատեղ այցն է Մեծ Բրիտանիա այն բանց հետո, երբ նրանք ավելի քան երկու տարի առաջ հրաժարվեցին թագավորական տիտղոսներից և տեղափոխվեցին ԱՄՆ: Զույգի գրասենյակը հայտնում է, որ նրանք հինգշաբթի այցելել են Հարիի տատիկին՝ Invictus Games-ին մասնակցելու համար Նիդեռլանդներ մեկնելուց առաջ:
Աղբյուր՝ apnews.com
Բրազիլացի նախկին հարձակվողը գնել է «Կրուզեյրոյի» բաժնետոմսերի 90 տոկոսը և դարձել ակումբի սեփականատերը: Այդ մասին հաղորդվել է ակումբի պաշտոնական կայքում: «Ես հեռանկարում շատ բարդ աշխատանք եմ տեսնում։ Սակայն հիմա մենք պաշտոնական պայմանագիր ունենք, որպեսզի միասին արդյունք բերենք «Կրուզեյրոյին»: Ինձ համար պատիվ է գլխավորել ակումբի վերակառուցման գործընթացը»,- ասել է Ռոնալդոն: Մասնագետները ակումբը գնելու գործարքը գնահատում են մոտ 70 մլն դոլար:
Աղբյուր՝ gazeta.ru
Այս մասին ուրբաթ հաղորդում են պետական լրատվամիջոցները: Սակայն հայտնի չէ, թե երբ տեղի կունենա ռազմական շքերթը, որի ժամանակ ռեժիմը կարող է նոր զենքեր ցուցադրել: Արևի օր անվանումով հայտնի տոնը նշվում է ապրիլի 15-ին՝ հիմնադիր առաջնորդ Կիմ Իլ Սոնգի (ներկայիս առաջնորդ Կիմ Չեն Ընի պապիկը) ծննդյան օրը: Այն Փհենյանի քաղաքական օրացույցի ամենակարևոր ամսաթվերից մեկն է:
Աղբյուր՝ france24.com
Պենելոպա Կրուզը և Անտոնիո Բանդերասը նկարահանվել են «Գլխավոր դերը» (Official Competition) դրամատիկ ֆիլմում: Թրեյլերը YouTube-ում հրապարակել է IFC Films ընկերությունը։ Ֆիլմի վրա աշխատել են արգենտինացի ռեժիսորներ Գաստոն Դուպրան և Մարիանո Կոնը: «Գլխավոր դերը» ֆիլմի պրեմիերան կկայանա հունիսի 17-ին։
Աղբյուր՝ kulturomania.ru
Չինաստանն հայտարարել է, որ ուրբաթ զորավարժություններ է անցկացնում Թայվանի մոտակայքում, երբ ԱՄՆ Կոնգրեսի պատվիրակությունն այցելեց կղզի՝ ի նշան աջակցության բարեկամ երկրի ժողովրդավարությանը: Պեկինը մեղադրում է օրենսդիրներին իրենց «սադրիչ» այցով լարվածությունը սրելու մեջ:
Աղբյուր՝ reuters.com
Իսպանական «Բարսելոնան» Եվրոպա լիգայի տնային խաղում պարտվեց գերմանական «Այնտրախտին» (2:3) ու դուրս մնաց մրցաշարից: Կատալոնացիների մարզիչը նշել է, որ տրիբունաներում հյուրերը չափազանց շատ են եղել: «Մարզադաշտում տիրող մթնոլորտը մեզ չօգնեց, դա նման էր եզրափակչի, երբ երկու թիմերի երկրպագուները հավասար են տրիբունաներում: Ակումբը փորձում է պարզել, թե ինչպես է դա տեղի ունեցել: Ես տրիբունաներում սպասում էի «Բարսելոնայի» 70000 երկրպագուների, բայց այդպես չեղավ»,- ասել է Չավին:
Աղբյուր՝ vesti.ru
Հրշեջներն օգտվել են եղանակային կարճատև ընդմիջումից, սակայն ուրբաթ սպասվում է, որ ուժեղ քամիները կվերադառնան հարավային Նյու Մեքսիկո, որտեղ անտառային հրդեհը խլել է երկու մարդու կյանք և այրել ավելի քան 200 տուն: Հրդեհը ստիպել է տարհանել մոտ 5000 մարդու Ռուիդոսո լեռնային համայնքից, որտեղ հայտնաբերվել են ամուսինների մասունքները այրված տան կողքին: Ըստ ոստիկանության՝ նրանք փորձել են փախչել, սակայն հրդեհը թույլ չի տվել:
Աղբյուր՝ apnews.com
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
