Կարճ լուրեր
Բրազիլիայի բնակչուհին այնքան նման է երգչուհի Ռիհաննային, որ մարդիկ չեն կարողանում նրանց տարբերել: Կինը վստահեցնում է, որ պլաստիկ վիրահատություն չի արել, և իր արտաքինը բնության պարգև է: Պրիսցիլա Բեատրիսը պատմել է, որ Ռիհաննայի հետ նմանությունն իրեն հայտնի է դարձրել ոչ միայն Բրազիլիայում, այլև ողջ աշխարհում: Նրան բազմիցս հրավիրել են հեռուստատեսություն, և անգամ երգչուհին է մի անգամ մեկնաբանել է բրազիլուհու գրառումը սոցցանցերում:
Աղբյուր՝ gazeta.ru
Չորեքշաբթի հորդառատ անձրևներն ու ջրհեղեղները պատուհասել են Հարավային Աֆրիկայի արևելյան ափին, որի հետևանքով զոհվել է առնվազն 306 մարդ, վնասվել են ճանապարհներ և ավերվել տներ: Ծովափնյա Դուրբան քաղաքի մոտակայքում գտնվող կամուրջը քանդվել է, ինչի հետևանքով մարդիկ երկու կողմից մնացել են արգելափակված:
Աղբյուր՝ cnn.com
ԱՄՆ նախկին նախագահ Դոնալդ Թրամփը պաշտպանել է Սպիտակ տան ներկայիս ղեկավար Ջո Բայդենի և պետքարտուղարի տեղակալ Վիկտորյա Նուլանդի հայտարարությունները՝ Ուկրաինայում տեղի ունեցողը որակելով «ցեղասպանություն»: Այս մասին Թրամփը հայտարարել է Fox News-ի հետ հեռախոսազրույցում:
Աղբյուր՝ vesti.ru
Պաշտոնյաները հայտնել են, որ Ֆիլիպիններում սողանքների և ջրհեղեղների հետևանքով զոհերի թիվը ավելացել է՝ հասնելով 123-ի, տասնյակ մարդիկ անհետ կորել են, և մեծ է հավանականությունը, որ մահացել են: Փրկարարները շարունակում են որոնումները և ավերված գյուղերում փորում-հանում նոր դիեր: «Մեգի» փոթորկի զոհերը մեծամասամբ կենտրոնական Լեյտե նահանգից են:
Աղբյուր՝ theguardian.com
Ամերիկյան Monotype ընկերությունը, որին պատկանում են Times New Roman, Arial, Verdana, Tahoma և Helvetica տառատեսակների իրավունքները, փակել է կայքում իր գրադարանի մուտքը ռուսաստանցի օգտատերերի համար: Այս մասին հայտնում է «Վեդոմոստի» թերթը՝ վկայակոչելով ռուսական ՏՏ ընկերությունների աղբյուրները: Տառատեսակների կատալոգի էջը բացելիս օգտատերը տեսնում է հաղորդագրություն մուտքի արգելքի մասին: Այդուհանդերձ, VPN-ի կիրառման դեպքում կատալոգը հասանելի է դառնում:
Աղբյուր՝ gazeta.ru
Կոլումբիայի հավաքականի նախկին կիսապաշտպան Ֆրեդի Ռինկոնը մահացել է չորեքշաբթի 55 տարեկան հասակում ճանապարհատրանսպորտային պատահարի հետևանքով ստացած վնասվածքներից, հայտնում են բժիշկները: Ռինկոնը գլխի ծանր վնասվածք էր ստացել երկուշաբթի հարավ-արևմտյան Կալի քաղաքում՝ ավտոմեքենայի և ավտոբուսի բախման հետևանքով:
Աղբյուր՝ france24.com
Չորեքշաբթի «քաղաքայինները» ոչ-ոքի խաղացին Մադրիդի «Ատլետիկոյի» հետ՝ 0:0: Առաջին խաղն ավարտվել էր «Սիթիի» նվազագույն հաշվով հաղթանակով: Այսպիսով, անգլիական ակումբը ընդհանուր հաշվարկով դուրս եկավ մրցաշարի կիսաեզրափակիչ: «Երկրորդ խաղակեսում մադրիդցիները մեզանից լավ խաղացին: Մեր բախտը բերեց, որ չզիջեցինք: Բայց այնուամենայնիվ, ի վերջո, կիսաեզրափակչում մենք ենք և արժանի ենք»,- Խոսեպ Գվարդիոլայի խոսքերը մեջբերում է ՈՒԵՖԱ-ի մամուլի ծառայությունը:
Աղբյուր՝ vesti.ru
Տեղեկատվական և հաղորդակցական տեխնոլոգիաների (ՏՀՏ) ոլորտում Հարավային Կորեայի արտահանումը այս տարվա մարտին կազմել է 23,26 մլրդ դոլար: Դա 33,6 տոկոսով ավելի է 2021 թվականի նույն ամսվա ցուցանիշից: Այս մասին հինգշաբթի հաղորդել Գիտության և տեղեկատվական և հաղորդակցական տեխնոլոգիաների նախարարությունը: Գերատեսչության տվյալներով՝ սա ամսական ռեկորդ է 1996 թվականից ի վեր, երբ սկսվել է համապատասխան վիճակագրության հավաքագրումը։
Աղբյուր՝ tass.ru
Օկուպացված Արևմտյան ափին Իսրայելական զինվորները կրակել և սպանել են երեք պաղեստինցիների, այդ թվում՝ 14-ամյա մի տղայի, Իսրայելի ներսում մի շարք մահացու հարձակումներից հետո իսրայելական զորքերի ռազմական ստուգայցերի ընթացքում: Պաղեստինի առողջապահության նախարարության տվյալներով՝ երեք անձինք սպանվել են չորեքշաբթի:
Աղբյուր՝ aljazeera.com
2024 թվականին Փարիզում կայանալիք օլիմպիական խաղերի նախապատրաստությունը պատշաճ կազմակերպելու վերաբերյալ: Հուշագրի շրջանակում ՀԱՕԿ կոմիտեն Ծաղկաձոր քաղաքի նախկին Գլխավոր մարզահամալիրի 3-րդ մասնաշենքը, 30 տարով անհատույց օգտագործման իրավունքով, պետք է ամբողջությամբ հիմնանորոգի մեկ տարվա ընթացքում և դրա կառավարումը և շահագործումը իրականացնի Հայաստանի Հանրապետության և ՀԱՕԿ կոմիտեի հավասար մասնակցությամբ առևտրային կազմակերպության միջոցով։
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
«Ռեալ Սոսյեդադը» ցանկանում է երկարաձգել պայմանագիրը կիսապաշտպան Դավիդ Սիլվայի հետ, հայտնում է Mundo Deportivo-ն: Ակումբը 36-ամյա իսպանացուն առաջարկում է նոր պայմանագիր մինչև 2023 թվականի հունիսի վերջ՝ աշխատավարձի կրճատմամբ: Ինքը՝ ֆուտբոլիստը, շահագրգռված է թիմում մնալով: Սիլվայի գործող պայմանագիրը նախատեսված է մինչև 2022 թվականի հունիսի վերջը:
Աղբյուր՝ sport-express.ru
Ապրիլի 15-ին` ժամը 10:00-ից 14:00-ն ընկած ժամանակահատվածում, Վայոց ձորի մարզային փրկարարական վարչությունը Վայք համայնքի Գոմք բնակավայրում իրականացնելու է «Բնակչության ազդարարում, տարահանում, պատսպարում» թեմայով վարժանք։ Գործարկվելու է բնակավայրի շչակը:
Աղբյուր՝ ՀՀ ԱԻՆ
Չորեքշաբթի 96 տարեկան հասակում մահացել է Ֆրանսիական բեմի և էկրանի լեգենդ Միշել Բուկեն, որը հայտնի է իր համագործակցությամբ «նոր ալիքի» ռեժիսորների հետ, ինչպիսիք են Ֆրանսուա Տրյուֆոն և Կլոդ Շաբրոլը: Բուկեն մահացել է Փարիզի հիվանդանոցներից մեկում: Այս մասին «Ֆրանսպրես»-ին հայտնել է նրա խոսնակը: Բուկեի մասնակցությամբ հայտնի ֆիլմերից է «Խաղալիքը» (1976) կատակերգությունը, որտեղ նա խաղում էր Պիեռ Ռիշարի հետ։
Համաշխարհային բանկի նախագահ Դեյվիդ Մալպասը, երեքշաբթի ելույթ ունենալով Վարշավայի տնտեսագիտության դպրոցում, հայտնել է, որ կազմակերպությունն օգնում է Ուկրաինային առաջին անհրաժեշտության ծառայություններ մատուցել, ներառյալ՝ հիվանդանոցների աձնակազմի աշխատավարձերը, կենսաթոշակները և սոցիալական ծրագրերը:
Աղբյուր՝ aljazeera.com
Երկուշաբթի գիշերը սկսված անձրևները հեղեղել են բնակավայրերը, ավերել տները, քշել-տարել ճանապարհներին ամեն բան և տասնյակ մարդկանց ստիպել լքել իրենց տները։ Չորեքշաբթի տարածած հայտարարության մեջ նահանգային կառավարությունը, որը հաստատել է մահացածների թիվը, նշել է, որ զոհերի թիվը կարող է ավելի մեծանալ:
Աղբյուր՝ aljazeera.com
Ֆրանսիայի նախագահ Էմանուել Մակրոնը երեքշաբթի հայտարարել է, որ ծայրահեղ աջ «Ազգային միավորում» կուսակցության նախագահի թեկնածու Մարին Լը Պենը ձգտում է երկիրը դուրս բերել Եվրամիությունից, հայտնում է DPA-ն: Նա ցանկանում է հեռանալ (ԵՄ-ից), բայց չի կարծում, որ անվտանգ է այդ մասին խոսել»,- ասել է Մակրոնը Մյուլուզ քաղաքում նախընտրական քարոզարշավի ժամանակ:
Աղբյուր՝ interfax.ru
Մահացածներից չորսը ֆրանսիացիներ են, մեկը՝ բելգիացի, մնացած հինգը էգիպտոսցիներ են: Եվս 14 մարդ՝ ութ ֆրանսիացի և վեց բելգիացի, տեղափոխվել են հիվանդանոց՝ «կոտրվածքներով, կապտուկներով և մակերեսային վնասվածքներով», սակայն բոլորի վիճակը կայուն է: Այս մասին հայտնել է հարավային Ասուան նահանգի նահանգապետը: Վթարը տեղի է ունեցել չորեքշաբթի վաղ առավոտյան, երբ ավտոբուսը բախվել է զբոսաշրջիկներին տեղափոխող մեքենային:
Աղբյուր՝ france24.com
Գերմանիայի կանցլեր Օլաֆ Շոլցն ասել է, որ նախագահ Ֆրանկ-Վալտեր Շտայնմայերին այցով ընդունելու Կիևի մերժումը տարակուսանք է առաջացնում: Bild տաբլոիդը, հղում անելով ուկրաինական կառավարության շրջանակներին, հայտնում է, որ Վլադիմիր Զելենսկին հրաժարվել է Կիևում հյուրընկալել Շտայնմայերին «վերջին տարիներին Ռուսաստանի հետ ունեցած նրա սերտ կապերի պատճառով»: Պարբերականի տվյալներով՝ վերջինս ծրագրում էր Ուկրաինա այցելել ապրիլի 13-ին:
Աղբյուր՝ ria.ru
Լրահոս
Տեսանյութեր
Իմ կարծիքով, շատ տգեղ բան եք անում. Եղոյանը՝ Լուսինե Հակոբյանին
