Կարճ լուրեր
Այս մասին ասվում է ընկերության պաշտոնական հաղորդագրության մեջ: Նշվում է, որ որոշումը կայացվել է այն բանից հետո, երբ Ռուսաստանը հատուկ գործողություն է սկսել Ուկրաինայում: Վերջին շաբաթների ընթացքում ընկերությունը դադարեցրել է մատակարարումները, կանգնեցրել նոր բիզնեսը և Ռուսաստանից տեղափոխել սահմանափակ գիտահետազոտական գործունեությունը:
Աղբյուր՝ gazeta.ru
Երկու երկրների միջև ապրանքաշրջանառությունը 2021 թվականին աճել է մոտ 13%-ով և հասել 2,6 մլրդ ԱՄՆ դոլարի, մինչդեռ միայն 2022 թվականի հունվարին փոխադարձ առևտուրը նախորդ տարվա նույն ժամանակահատվածի համեմատ աճել է 50%-ով: ՀՀ-ում գործում են ավելի քան 40 ռուսական խոշոր ընկերություններ։ Ռուսաստանը Հայաստանի տնտեսության իրական հատվածում ներդրել է շուրջ 2 մլրդ ԱՄՆ դոլար: Այսօր Հայաստանը հարաբերություններ է պահպանում Ռուսաստանի ավելի քան 70 շրջանների հետ:
Աղբյուր՝ ՀՀ էկոնոմիկայի նախարարության տեղեկատվության և հասարակայնության հետ կապերի վարչություն
Արցախի Ասկերան քաղաքում ապրիլի 12-ին քնարկվել են հանրապետությունում տիրող ռազմաքաղաքական իրավիճակին, անվտանգության ապահովմանն առնչվող, ինչպես նաև սոցիալ-տնտեսական բնույթի մի շարք հարցեր: Շեշտվել է, որ ստեղծված աշխարհաքաղաքական պայմաններում անհրաժեշտ է հետևողական ջանքեր գործադրել գյուղատնտեսական աշխատանքներն ակտիվացնելու, անմշակ հողատարածքները և բոլոր հնարավոր տնտեսական ռեսուրսներն արդյունավետ օգտագործելու ուղղությամբ:
Աղբյուր՝ ԱՀ նախագահի աշխատակազմ
Իտալիայի վարչապետ Մարիո Դրագին հայտարարել է, որ համաձայնագիրը կարևոր քայլ է՝ ռուսական էներգակիրների ներկրումից իր կախվածությունը նվազեցնելու Իտալիայի ջանքերում:
Աղբյուր՝ aljazeera.com
Նախկին փոխվարչապետ, Վրաստանի խորհրդարանի նախկին նախագահ Գեորգի Բարամիձեն Ուկրաինայում կռվում է «Վրացական լեգեոնի» վարձկանների կազմում, հայտարարել է Գերագույն ռադայի պատգամավոր Ալեքսեյ Գոնչարենկոն: Ավելի վաղ ուկրաինական լրատվամիջոցները հայտնել էին, որ Ուկրաինա ժամանած վրացի վարձկանների խումբը գլխավորում է Վրաստանի պաշտպանության նախկին նախարար Իրակլի Օկրուաշվիլին:
Աղբյուր՝ ria.ru
Իսրայելը 2021 թվականին վաճառել է 11,3 միլիարդ դոլարի զենք: Սա 3 միլիարդ դոլարով ավելի է, քան 2020 թվականին, հայտնել է Իսրայելի պաշտպանության նախարարությունը: Գերատեսչությունում նշել են, որ դա զենքի արտահանման ռեկորդ է: Կնքված նոր պայմանագրերի թիվն աճել է գրեթե մեկ երրորդով:
Աղբյուր՝ vesti.ru
Թիշ Սայրուսը ամուսնալուծության հայց է ներկայացրել իր 28 տարվա ամուսնուց՝ քանթրի երաժշտության աստղ Բիլլի Ռեյ Սայրուսից։ Երկուշաբթի CNN-ի կողմից ձեռք բերված իրավական փաստաթղթերի համաձայն, նա անցյալ շաբաթ հայտ է ներկայացրել Թենեսի նահանգի Ուիլյամսոն շրջանի դատարան՝ վկայակոչելով «անհաշտելի տարաձայնությունները: Փաստաթղթում նշվում է, որ որ 1993 թվականին ամուսնացած զույգը երկու տարուց ավելի միասին չի ապրում:
«ԿՈՊԵՐՆԻԿՈՒՍ ԲԵՌԼԻՆ» ասոցիացիան մայիս ամսին կազմակերպում է երկու դասընթաց.
«Թվային արթնացում»՝ կրթությունից, աշխատաշուկայից և վերապատրաստումներից դուրս մնացած երիտասարդների համար. տևողությունը՝ 18.05.2022-26.05.2022, վայրը՝ Իսպանիա:
«Մարդու իրավունքների ԿԱՆԱՉ հիմնահարցեր». տևողությունը՝ 25.05.2022- 02.06.2022, վայրը՝ Իտալիա:
Դասընթացների աշխատանքային լեզուն անգլերենն է: Գրանցումը՝ մինչև ս.թ. ապրիլի 17-ը:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ֆրանսիայի նախագահական ընտրությունների առաջին փուլում Ռուբե կոմունայի ընտրողը քվեարկել է Մադրիդի «Ռեալի» հարձակվող Կարիմ Բենզեմայի օգտին։ Այս մասին հայտնում է Foot Mercato-ն: Աղբյուրի փոխանցմամբ՝ «սերուցքայինների» հարձակվողին տրված ձայնը ընտրական հանձնաժողովը հաշվի չի առել, քանի որ նա գրանցված թեկնածու չի եղել։
Աղբյուր՝ gazeta.ru
Ապրիլի 1-ից Խնկո Ապոր անվան ազգային մանկական գրադարանում մեկնարկած շաբաթի ընթացքում կազմակերպվեց այցելություն Հայաստանում Իրանի Իսլամական Հանրապետության դեսպանատուն, որտեղ հայ-իրանական դիվանագիտական հարաբերությունների 30-ամյակի շրջանակում ծառատունկ իրականացվեց: Շաբաթի փակումը տեղի ունեցավ ապրիլի 8-ին, որի շրջանակում կազմակերպված գրական ցերեկույթին հրավիրվել էին ժամանակակից հայ մանկագիրները՝ Է.Միլիտոնյանը, Ա. Վարդանյանը, Ս. Ղազարյանը, Օ. Դարյանը, Ա. Հովսեփյանը և Մ. Սարգսյանը:
Աղբյուր՝ Խնկո Ապոր անվան ազգային մանկական գրադարանի հանրային կապերի բաժին
Բրիթնի Սփիրսը հայտարարել է իր հղիության մասին մի քանի ամիս անց այն բանից հետո, երբ նա ազատվեց իրավական կարգավորումից, համաձայն որի հայրը վերահսկում էր ամերիկացի երգչուհու կյանքի շատ ասպեկտներ: Երգչուհին Instagram-ի իր 40 միլիոն հետևորդներին հայտնել է, որ երեխայի է սպասում զուգընկեր Սեմ Ասղարիից: 40-ամյա Բրիթնին, ով ունի երկու դեռահաս որդի, պատմել է նաև, որ նախորդ հղիության ընթացքում տառապել է դեպրեսիայով:
Աղբյուր՝ bbc.com
Էշլի Քոուլին թալանել են սեփական տանը: Բացի Քոուլից, տանը եղել են նաև նրա ընկերուհին և երկու երեխաները: Կողոպտիչները ներխուժել են և անմիջապես հարձակվել ֆուտբոլային աստղի վրա՝ ամբողջ ընտանիքի աչքի առաջ նրան ծնկի են բերել, ձեռքերը կապել մեջքի հետևում և սպառնացել կտրել մատները: Քոուլի ընտանիքին փրկել է այն փաստը, որ նրա ընկերուհի Շերոնը հասցրել էր փրկարար ծառայություն կանչել նախքան կողոպտիչները աստիճաններով տուն կմտնեին:
Աղբյուր՝ vesti.ru
Հոլիվուդյան աստղ Ջիմ Քերիի թոշակի անցնելու մասին հայտարարությունից հետո նրա գործընկեր Մարկ Ուոլբերգը հայտարարել է համանման որոշման մասին: Ուոլբերգը կինոյից իր հեռանալը կապում է նրա հետ, որ ցանկանում է ավելի շատ ժամանակ տրամադրել իր ընտանիքին: «Պետք է ինչ-որ յուրաահատուկ առիթ լինի, որ ստիպի ինձ վերադառնալ, լքել տունն ու ընտանիքիս, քանի որ դա ինձ համար հնարավոր ամենամեծ զոհողությունն է»,- ասել է դերասանը:
Աղբյուր՝ kulturomania.ru
Իսրայելի հետ լարվածության աճի ֆոնին պաղեստինցիների կողմից վանդալիզմի է ենթարկվել օկուպացված Հորդանան գետի Նաբլուս քաղաքում գտնվող օբյեկտը, որտեղ թաղված է համարվում աստվածաշնչյան կերպար Հովսեփը: Իսրայելի վարչապետը կատարվածն անվանել է «ավերման մոլեգնություն»: Վերջին օրերին իսրայելցիների և պաղեստինցիների սպանության մի շարք դեպքեր են գրանցվել, ներառյալ մահացու հարձակումները, որոնք ցնցել են ողջ Իսրայելը:
Աղբյուր՝ bbc.com
ՀՀ էկոնոմիկայի տեղակալն այսօր այցելել է կարկտապաշտպան ցանցերի արտադրությամբ զբաղվող «ՎԱԲԱՏԵՔՍ» ՍՊԸ ծանոթացել ընկերության գործունեությանը և արտադրանքին։
Աղբյուր՝ ՀՀ էկոնոմիկայի նախարարություն
Երկրում նոր ավտոմեքենայի գնման պատվերների կատարումը երկարաձգվել է, հայտնում է The Korea Times-ը: Ըստ Hyundai-ի և Kia-ի տվյալների՝ երկիրն ունի մոտ մեկ միլիոն նոր ավտոմեքենաների պակաս՝ մասերի մատակարարման խնդիրների պատճառով: Մինչև մարտ ամիսը մեկ միլիոն մեքենաների չկատարված պատվերների ծավալը ձևավորվել է մասերի մատակարարման ընդհատումների և գործարանի աշխատանքի դադարեցման պատճառով:
Աղբյուր՝ vesti.ru
Կուրտ Քոբեյնի հայտնի կապույտ կիթառը,որով նա նվագել է Nirvana-ի 90-ականների «Smells Like Teen Spirit» տեսահոլովակում, սպասվում է, որ հաջորդ ամիս աճուրդում կվաճառվի 800 000 դոլարով: «Smells Like Teen Spirit»-ը YouTube-ում հավաքել է ավելի քան 1,4 միլիարդ դիտում, և 1969 թվականի կապույտ Fender-ը, հավանաբար, ռոքում ամենահայտնիներից մեկն է, ասում է Julien’s Auctions-ի գործադիր տնօրեն Մարտին Նոլանը: Առցան աճուրդը տեղի կունենա Նյու Յորքում մայիսի 20-22-ը:
Աղբյուր՝ reuters.com
ՀՀ ուսանողական մարզական 23-րդ խաղերի շրջանակում կայացավ սեղանի թենիսի՝ աղջիկների առաջնությունը, որին մասնակցություն ունեցան 8 բուհերի թիմեր: ԵՊՀ եվրոպական լեզուների և հաղորդակցության ֆակուլտետի 3-րդ կուրսի ուսանողուհի Էլեն Բախչաջյանը անհատական պայքարում գրավեց առաջին մրցանակային տեղը: Երկրորդ տեղում ՀՖԿՍՊԻ-ի ուսանողուհի Մարինա Գալստյանը, երրորդում՝ ՀՊՏՀ ուսանողուհի Լիանա Պետրոսյանը:
Աղբյուր՝ Երևանի պետական համալսարան
Լրահոս
Տեսանյութեր
Իմ կարծիքով, շատ տգեղ բան եք անում. Եղոյանը՝ Լուսինե Հակոբյանին
