Ձեր վստահելի աղբյուրը

Բրիտանացի վիպասան Հենրի Փաթերսոնը, ով առավել հայտնի է Ջեք Հիգինս կեղծանվամբ, մահացել է 92 տարեկանում: Այս մասին հայտնել է նրա հրատարակիչը: Փաթերսոնը, ով սկսել է գրել ուսուցիչ եղած ժամանակ, հեղինակել է 85 վեպ 1959-ից 2017 թվականներին: Նրա առավել հայտնի գործերից է «Արծիվը վայրէջք է կատարել»-ը, որը վաճառվել է ավելի քան 50 միլիոն օրինակով և դարձել ֆիլմ: Փաթերսոնը մահացել է Ջերսիի իր տանը՝ ընտանիքով շրջապատված:

Աղբյուր՝ bbc.com

որոնք, ինչպես ասվում է, բերել են արևմտյան ուժեղ քամիները: Թեհրանում օդի որակը վտանգավոր էր, իսկ տեսանելիությունը՝ շատ ցածր ուրբաթ օրվա ողջ ընթացքում, ինչպես նաև շաբաթ օրը. սպիտակ և մոխրագույն մառախուղը պատել էր ամբողջ քաղաքը: Ըստ օդի որակի մոնիթորինգի շվեյցարական առցանց հարթակի՝ IQAir-ի ուրբաթ օրը Թեհրանը աշխարհի ամենաաղտոտված քաղաքն էր՝ 236 միավորով:

Աղբյուր՝ aljazeera.com

Չինաստանի մայրաքաղաքի իշխանությունները այս տարի նախատեսում են Պեկինի XII միջազգային կինոփառատոնը (BJIFF) անցկացնել օգոստոսի 13-20-ը: Այս մասին շաբաթ օրը հայտարարել է կինոփառատոնի կազմկոմիտեն: Սովորաբար BJIFF-ը տեղի է ունենում ամեն տարի գարնանը, որին ավանդաբար մասնակցում են լավագույն ֆիլմերը ամբողջ աշխարհից:

Աղբյուր՝ tass.ru

Իշխանությունները շաբաթ օրը հայտնել են, որ Չինաստանի ամենամեծ քաղաքը՝ Շանհայը, շուտով կսկսի վերացնել սահմանափակումները այն համայնքների համար, որոնք դրական դեպքեր չեն գրանցի COVID-19 թեստավորման հերթական փուլից հետո 14 օրվա ընթացքում:

Աղբյուր՝ apnews.com

YouTube-ի ալիքը, որը վարում է ռուսական համանուն հեռուստաալիքը, արգելափակման պատճառով այլևս հասանելի չէ ԱՄՆ-ին պատկանող Google-ի վիդեո հարթակում: Այս մասին Telegram-ում հայտնել է «Դումա TV»-ն։ Հրապարակման մեջ ասվում է, որ ալիքն ուներ ավելի քան 145 000 բաժանորդ, իսկ տեսանյութերի դիտումների թիվը գերազանցում էր 100 000 000-ը:

Աղբյուր՝ vesti.ru

Համացանցում տարածված տեսանյութում մի կին Մելբուրնի այգում ապրիլի 8-ին տեղի ունեցած հանրահավաքի ժամանակ ձու է կոտրում ավստրալացի քաղաքական գործիչ Քրեյգ Քելլիի գլխին՝ մեղադրելով նրան «նացիստների սիրահար» լինելու մեջ: «Միացյալ Ավստրալիա» կուսակցության առաջնորդ Քելլին արագանքել է՝ ասելով «դուք խայտառակություն եք»: Վիկտորիայի ոստիկանությունը տեղական լրատվամիջոցների միջոցով հայտնել է, որ հետաքննություն է սկսել:

Աղբյուր՝ euronews.com

Մոսկվայի Մ. Վ. Լոմոնոսովի անվան պետական համալսարանի Կենսաբանության ֆակուլտետի սնկաբանության և ալգոլոգիայի ամբիոնի առաջատար ինժեներ Մաքսիմ Դյակովը կարծում է, որ սնկերի՝ միմյանց հետ «շփվելու» ենթադրյալ ունակության մասին հայտարարությունները իրականությանը չեն համապատասխանում: Ըստ սնկաբանի, գիտական համայնքի կողմից նման հայտարարություններ անելը անհեթեթություն է:

Աղբյուր՝ gazeta.ru

Ըստ Jefferies-ի (JEF) հետազոտության, որն օգտագործել է Yuwa Population Research-ի տվյալները Հարավային Կորեան գլխավորում է ծնունդից մինչև 18 տարեկան երեխա մեծացնելու ամենաթանկ վայրերի ցանկը: Այն չափվում է մեկ շնչի հաշվով համախառն ներքին արդյունքի տոկոսով: Երկրորդ տեղում Չինաստանն է, որին հաջորդում է Իտալիան: Միացյալ Նահանգները գտնվում է 14 ամենաթանկ վայրերի ցանկի մեջտեղում՝ Գերմանիայի և Ճապոնիայի միջև:

Աղբյուր՝ cnn.com

Եվրոպական տիեզերական գործակալությունը (ESA) համաձայնագիր է կնքել Arianespace-ի հետ՝ արձակելու Copernicus համակարգի երրորդ ռադիոտեղորոշիչ արբանյակը, որը կարող է օգտագործվել Ռուսաստանի և այլ երկրների տարածքին հետևելու համար: Sentinel-1C արբանյակը նախատեսվում է արձակել Vega-C հրթիռով Ֆրանսիական Գվիանայի Կուրու քաղաքից 2023 թվականի առաջին կեսին:

Աղբյուր՝ lenta.ru

Իսրայելի պաշտպանության ուժերը շաբաթ օրը գնդակահարել են մի պաղեստինցու Հորդանան գետի Արևմտյան ափին գտնվող փախստականների ճամբարում` Ջենին քաղաաքում, որը Թել Ավիվում վերջերս զինված հարձակում իրականացրած անձի հայրենի շրանն է: Այս մասին հայտնում է Պաղեստինի առողջապահության նախարարությունը՝ հավելելով, որ ևս հինգը վիրավորվել են: Իսրայելական բանակը AFP-ին հայտնել է, որ Ջենինի ճամբարում ռազմական գործողությունը շարունակվում է:

 

«Արսենալի» հարձակվող Նիկոլյա Պեպեն կարող է հեռանալ ակումբից: Այս մասին հայտնում է Calciomercato-ն: Աղբյուրի տեղեկություններով՝ լոնդոնյան ակումբը պատրաստ է ամառային տրանսֆերային պատուհանի ժամանակ բաժանվել 26-ամյա կոտդիվուարցուց 30 միլիոն եվրոյի դիմաց:

Աղբյուր՝ sport-express.ru

Սանմատենգա նահանգի ռազմաբազայի վրա հարձակման հետևանքով զոհվել են առնվազն մեկ տասնյակ զինվորներ և չորս կիսառազմականներ: Ուրբաթ օրը հյուսիսային շրջանում տեղի ունեցած հարձակման ժամանակ նաև վիրավորվել է ավելի քան 20 զինվոր, ասվում է բանակի հայտարարության մեջ:

Աղբյուր՝ aljazeera.com

Ամերիկացի դերասանուհի Վուպի Գոլդբերգը կնկարահանվի Նիլ Գեյմանի «Անանսիի տղաները» վեպի էկրանավորման մեջ, հայտնում է Variety-ն: Նա խաղալու է Թռչուն կնոջ դերը: Սերիալում կնկարահանվեն նաև Մալաքայ Քիրբին, Դելրոյ Լինդոն, Հաքիմ Կաե-Կազիմը, Էմանուել Իգոդարոն, Այաննա Վիթեր-Ջոնսոնը և այլք: Սերիալը կթողարկվի Amazon-ում վեց սերիայով:

Աղբյուր՝ kulturomania.ru

Նովակ Ջոկովիչը հաջորդ շաբաթ կվերադառնա Մոնտե Կառլոյի Մասթերս մրցաշար, որտեղ նրան սպասում է Կարլոս Ալկարասը՝ դեռահասը, որը համարվում է երկարաժամկետ հետնորդը որպես աշխարհի առաջին ռակետի և Մեծ սաղավարտի բազմակի հաղթող: Ջոկովիչը, ով երկուշաբթի սկսում է իր 365-րդ շաբաթը վարկանիշային աղյուսակի առաջին հորիզոնականում, վերջին չորս ամսում ընդամենը մեկ մրցաշարի է մասնացրել:

Աղբյուր՝ france24.com

Օրգանիզմում երկաթի պակասը անքնության հաճախակի պատճառներից մեկն է: Այս մասին ասել է բժիշկ-քնաբան Ռոման Բուզունովը: Քնի խանգարումների դեպքում պետք է ուշադրություն դարձնել հեմոգլոբինի մակարդակին, եթե սպիտակուցի մակարդակը բավարար չէ, ապա դա կարող է վկայել երկաթդեֆիցիտային անեմիայի զարգացման սկզբի մասին, ինչը հանգեցնում է քնի հետ կապված խնդիրների: Եթե կան քնի հետ կապված խնդիրներ և անեմիայի կասկածներ, մասնագետը խորհուրդ է տալիս հանձնել ֆերիտինի արյան անալիզ:

Աղբյուր՝ gazeta.ru

Սմիթին 10 տարով արգելել են ներկա գտնվել «Օսկար»-ի մրցանակաբաշխությանը: Այս մասին հայտարարել է մրցանակները հանձնող ակադեմիան մոտ երկու շաբաթ անց այն բանից, երբ ամերիկացի դերասանը բեմում ապտակեց կատակերգու Քրիս Ռոքին: Խորհրդի նիստից հետո Կինոարվեստի և գիտության ակադեմիան ուրբաթ հայտնեց, որ նույն ժամանակահատվածում Սմիթին  թույլ չի տրվի նաև ներկա գտնվել ակադեմիայի կողմից անցկացվող որևէ այլ միջոցառման:

Աղբյուր՝ aljazeera.com

Կոլումբիայի մայրաքաղաք Բոգոտայում շարունակվում է WTA-250 շարքի Copa Colsanitas մրցաշարը՝ $240,000 մրցանակային ֆոնդով։ Ռուսաստանցի Էլինա Ավանեսյանը դուրս մնաց երրորդ տուրում: Ավանեսյանը երկու սեթում էլ պարտվել է կոլումբիացի Կամիլա Օսորիո-Սերանոյին՝ 1:6, 4:6 հաշվով:

Աղբյուր՝ vesti.ru

Ամերիկացի երգչուհի Բրիթնի Սփիրսի մայրը՝ Լինն Սփիրսը, դատարանի միջոցով դստերից պահանջում է 660 հազար դոլար: Այս չափ է Լինն Սփիրսը գնահատել՝ դստեր խնամակալության գործով դատավարության ընթացքում կատարած ծախսերը: Երգչուհու փաստաբաններն արդեն դիմել են դատարան՝ Լինն Սփիրսի միջնորդությունը մերժելու պահանջով:

Աղբյուր՝ kulturomania.ru