Ձեր վստահելի աղբյուրը

Հունիսի 2-ին «Հայկական Հաբիթաթի» և Միջազգային Հաբիթաթի միջև ստորագրվել է համաձայնագիր, որը արդյունք էր նշված կազմակերպությունների միջև համագործակցության դադարեցման:

Դադարեցնելով համագործակցությունը «Հայկական Հաբիթաթը» իննամյա գործունեությունից հետո կատարում է անվանափոխություն` վերանվանվելով «Կացարան» բարեգործական հասարակական կազմակերպություն: Այն, հավատարիմ մնալով «Հայկական Հաբիթաթի» որդեգրած առաքելությանը, շարունակելու է աշխատել իր 408 շահառու ընտանիքների հետ, ինչպես նաև հանդես գալ նոր ծրագրերով: Այս մասին հայտնեցին «Կացարան»-ի մամուլի ծառայությունից:
Նշենք, որ այս երկու կազմակերպությունները չսկսեցին համագործակցել այն բանից հետո, երբ Միջազգային Հաբիթաթն առաջարկեց ու սկսեց գումար տրամադրել 10 տոկոս տոկոսադրույքով: Հայկական Հաբիթաթն էլ հրաժարվեց նման պայմաններով աշխատել շահառուների հետ:

Սկսած 2008թ-ից «Կացարան» ԲՀԿ-ն իր նոր ծրագրերն իրականացնում է համագործակցելով «Ֆուլեր Տնաշինական Կենտրոն» Հայաստան ԲՀԿ-ի հետ, որը նույնպես նպատակ ունի Հայաստանում նպաստել տնազրկության վերացմանը` ցածր եկամուտ ունեցող ընտանիքներին տրամադրելով անտոկոս, երկարաժամկետ (մինչև 20 ժամկետով ) փոխառություն` բարելավելով նրանց բնակարանային պայմանները:

Այսօր արդեն Հայաստանում «Ֆուլեր Տնաշինական Կենտրոնը» իր առատաձեռն նվիրատուների շնորհիվ, համագործակցելով «Ֆուլեր Սենթր ֆոր Հաուզինգ» միջազգային բարեգործական կազմակերպության հետ, Հայաստանի 4 մարզերի 9 համայնքներում կարողացել է աջակցել 50 ընտանիքների, որից 28-ը կիսակառույց տների ավարտ, 16-ը նոր տան շինարարություն` համագործակցելով «ԱՌԴԱ՚ բարեգործական հիմնադրամի և Վանաձորի քաղաքապետարանի հետ, և 6 տան վերանորոգում, ինչպես նաև ընդունել է «Գլոբալ Բիլդեր» միջազգային կամավորների 4 թիմ:

Նախորդող հրապարակում` http://www.panorama.am/am/society/2008/08/19/bhk/: