Ձեր վստահելի աղբյուրը

Աբովյան 32 շենքի բնակիչները օրերս նամակ են ստացել քաղաքաշինական պետական տեսչության գլխավոր տեսուչից, որտեղ ներկայացված են տեսչության կողմից կատարված ուսումնասիրության արդյունքները:

Հիշեցնենք,  որ 1934 թվականին կառուցված, նախկինում արվեստագետներով ու գիտանականներով, իսկ այսօր նրանց գործը շարունակող երեխաներով բնակեցված այս շենքն ընդգրկված է Երևան քաղաքի պատմության և մշակույթի անշարժ հուշարձանների պետական ցուցակում: Սակայն քաղաքապետարանի որոշման համաձայն, շենքի նկուղի նոր սեփականտերը շինարարական աշխատանքներ է իրականացնում, որոնք, ըստ բնակիչների նախ իրականացվել են նախագծի որոշ խախտումներով, ապա նորմալ փորձաքննություն չի իրականացվել: Բնակիչները պնդում են, որ շենքի ձախ հատվածում գտնվող բնակարանների պատերին առաջացած ճաքերը հենց այդ աշխատանքների հետևանք են:

Panorama.am-ը տեղեկացրել էր, որ բնակարաններում առաջացած ճաքերն ու դրանց առաջացման պատճառներին ծանոթանալու համար շենքէր այցելել տեսչության աշխատակիցը: Տեսչության պետ Նորայր Մնոյանը Panorama.am-ի հետ զրույցում ասաց, որ իր հրահանգով շինարարական աշխատանքները կասեցվել են, նյութերն էլ ուղարկվել են փորձաքննության, որը դեռ չի ավարտվել:

Նամակում տեսչությունը համաձայնվում է բնակիչների պնդմանը, թե «համաձայնեցված նախագիծն առանձին դեպքերում չի համապատասխանում ճարտարապետահատակագծային առաջադրանքին»:
Քաղաքաշինության նախարարության աշխատակազմի քաղաքաշինական պետական տեսչության կողմից տեղում կատարված ուսումնասիրություններից պարզվել է ու նաև նամակում նշված է, որ շենքի բնակարաններում առաջացել են բազմաթիվ ճաքեր և առկա էին դժվար բացվող դռներ: «Կառուցապատողին տրվել է պարտադիր կատարման ցուցում` օբյեկտում շինարարական աշխատանքները դադարեցնելու և շենքի տեխնիկական վիճակի կրկնակի հետազոտություն իրականացնելու վերաբերյալ»,-ասված է բնակիչների ստացած նամակում:

Մշակույթի նախարարությանը հասցեագրված նամակին էլ մշակությի փոխնախարար Արև Սամուելյանն է պատասխանել: Նրա խոսքով, Աբովյան փ. հ 32 բազմաբնակարան հուշարձան-շենքի նկուղային հարկի տարածքում իրականացվող շինարարական աշխատանքների համար Երևանի քաղաքապետարանի կողմից տրված նախագծային փաստաթղթերին, ապա ՀՀ մշակույթի նախարարության համաձայնեցմանը այն չի ներկայացվել: