Ձեր վստահելի աղբյուրը

Շաբաթ օրը Ազգային Ժողովի շուրջ 60 աշխատակիցներ ստորագրահավաք են կազմակերպել ընդդեմ պարտադիր կուտակային բաղադրիչի` այդպիսով միանալով «Դեմ! եմ» նախաձեռնությանը:

Panorama.am-ի հետ զրույցում նրանցից մեկն ասաց, որ իրենք տհաճ անակնկալի են եկել, երբ պարզել են, որ հունվար ամսվա աշխատավարձից պահում է արվել, մինչդեռ հույս ունեին, որ Սահմանադրական դատարանի հայտնի որոշումը ինչ-որ բան փոխել է իրավիճակում:

Հարցին` չե՞ն վախենում, որ այդ ստորագրահավաքին մասնակցելը կարող է ազդել իրենց աշխատանքի վրա, խորհրդարանի ըմբոստացած աշխատակիցները նշեցին` ոչ, քանի որ իրենք իրենց իրավունքների պաշտպանության համար են դա արել:

Հիշեցնենք, որ հունվարի 24-ին ՍԴ-ն որոշել էր կասեցնել օրենքի 76-րդ հոդվածը, որը սահմանում է պատասխանատվությունը պարտադիր կուտակային վճարները չկատարելու կամ ուշացումով կատարելու համար: Եվ այլ հոդվածներ ևս ընկել էին կասեցման տակ:

Նախորդիվ`

Սահմանադրական դատարանի որոշումը վիճահարույց օրենքի դրույթները կասեցնելու վերաբերյալ