Ձեր վստահելի աղբյուրը

«Մի մարեք վերջին հույսը, խնդրում եմ, անվստահությունը կատաստրոֆիկ աստիճանի խորացել ա»,- այսօր «Դ!եմ եմ» նախաձեռնության անդամ Դավիթ Մանուկյանը այսպես ասաց Բաղրամյան 26 հասցեում պարտադիր կուտակային համակարգի դեմ ակցիայի մասնակիցների հետ հանդիպման եկած նորանշանակ վարչապետ Հովիկ Աբրահամյանին:

Դրան ի պատասխան Հովիկ Աբրահամյանը պնդեց նախկինում արված իր առաջարկը հանդիպելու ու քնանրկելու մասին:

«Առաջարկում եմ վաղն առավոտյան հանդիպենք, ձևակերպեք ձեր պահանջներ: Մենք արդեն գնացել ենք զիջումների Ոչ մեկ օրենքից վեր չէ»,-ասաց նա:

«Դ!եմ եմ» նախաձեռնության անդամները համաձայնեցին հանդիպել Կառավարության ներկայացուցիչներին՝ իրենց պահանջները բավարարելուց հետո միայն: Իսկ նրանք պահանջում են հրապարակել իրավական ակտ, որով կվերանայվի նախորդ կառավարության մոտեցումը, ըստ որի՝ ՍԴ որոշումից հետո պետք է պահումները շարունակեն գանձել:

«Մենք այսօր ստացել ենք ձեր առաջարկները, հիմա քննարկում ենք: Չգիտեմ արդյոք վաղը կարո՞ղ ենք պատասխան տալ, որովհետև բոլոր հարցերը ֆինանսական հետևանքներ ու իրավական հարցրեր են պարունակում: Մեզ ժամանակ է հարկավոր, բայց որ քայլեր են արվելու, հավատացեք, խնդրում եմ: Ժամանակ տվեք»,-ի պատասխան ցուցարարների պահանջին՝ հայտարարեց Աբրահամյանը:

Ակցիայի մասնակիցներից հաշվապահ Մանե Թանդիլյանը հետաքրքրվեց, թե մինչև ապրիլի 28-ը կարո՞ղ են տեսնել Ազգային ժողովին ներկայացվող նախագիծը, վարչապետը դրական պատասխան տվեց:

Վարչապետի հետ հանդիպման մասին համաձայնության գալուց հետո «Դ!եմ եմ»-ի ակցիայի մասնակիցները Բաղրամյան 26-ից երթով իջան դեպի Ազատության հրապարակ:


Նախորդող հրապարակումներ`

«Գնանք, միասին քննարկենք». Նախագահական նստավայրի մոտ է եկել վարչապետը

«Դ!եմ եմ»-ը հստակեցրել է պահանջը ՀՀ նախագահից

Ոստիկանությունը Ձեր կողքին կանգնած է. Փոխոստիկանապետը` «Դ!եմ եմ»-ի մասնակիցներին

«Դ!եմ եմ»-ի ակցիան այս անգամ նախագահականի դիմաց է