Ձեր վստահելի աղբյուրը

2014 թվականը Հայաստանի պաշտպանության նախարարությունը հայտարարել է մասնագիտական կատարելագործման և կարգապահության ամրապնդման տարի: Նախարար Սեյրան Օհանյանի խոսքով, սահմանների տարածքում և շփման գծում պաշտպանության խնդիրն ամենակարևորներից մեկն է:

«Վերջին տարիներին լուրջ աշխատանք է կատարվել ինժեներական ոչ պայթյունային և պայթյունային արգելափակոցների ստեղծմամբ հակառակորդի դիվերսիոն հետախուզական գործողությունների հետմղման ուղղությամբ: Վերջին դիվերսիոն գործողությունների հետմղման ժամանակ ինժեներական կառույցները բավական մեծ դերակատարություն են ունեցել»,-հարավ-արևմտյան սահմանագոտում տեղակայված հենակետ այցելության ժամանակ տված մամուլի ասուլիսում ասաց նա:

Սեյրան Օհանյանը հավելեց, որ այն դիրքերում, որոնք ավելի մոտ են հայ-ադրբեջանական սահմանին, տեսադիտարկման համակարգ, տեխնիկական միջոցներ չկան: Միևնույն ժամանակ նա վստահեցրեց, որ այդ ուղղությամբ աշխատանք կատարում են:

«Մենք լուրջ աշխատում ենք և առաջին, և երկրորդ դիրքի կահավորման ուղղությամբ, և կորպուսային ու բանակային բնագծերի հետ: Լուրջ ճանապարհային ցանց է ձևավորված»,-հավելեց  նախարարը:

Անդրադառնալով ամառային զորակոչին և զինված ուժերի համալրմանը` Սեյրան Օհանյանն ասաց, որ զորակոչը նորմալ ընթացքի մեջ է, իսկ լուրջ խախտումներ չկան: Համապատասխան վերահսկողական մարմինների միջոցով թերությունները բացահայտվում են, քայլեր՝ իրականացվում: Պլանները, նրա խոսքով, գերակատարվում են:

Նախորդող նորություններ՝

ՊՆ արձագանքը խաղաղապահների հնարավոր տեղակայմանը

Սեյրան Օհանյանը՝ սահմանային լարվածության, 7 շրջանների «վերադարձի» և ստատուս քվոյի մասին