Ձեր վստահելի աղբյուրը

«Հայաստանի աշխարհագրական ու բնակլիմայական պայմաններն այնպիսին են, որ մեր սննդակարգի շատ ուտելիքներ արդեն իսկ պարունակում են անհրաժեշտ վիտամիններ»,- այսօր լրագրողների հետ հանդիպման ժամանակ ասաց
տեխնիկական գիտությունների թեկնածու Վարդուհի Մելիքյանը՝ անդրադառնալով ալյուրի հարստացման ծրագրին:

«Հայ ազգը սիրում է հաց օգտագործել և ունի իր հացատեսակները, ուստի ոչ միայն հացը, այլ նաև հացահատիկի վերամշակմանը պետք է սրբորեն մոտենանք և այսպիսի մոտեցումներ չցուցաբերենք: Սննդային հավելանյութերը, որոնք կիրառվում են բազմաթիվ սննդամթերքների արտադրությունում՝ համային, բուրային, արտաքին տեսքի և մի շարք այլ տեխնոլոգիական հատկությունները լավացնելու համար, հիմա փորձում են այդ ամենը կիրառել նաև հացամթերքում՝ պատճառաբանելով, թե հացն ամենալավ օրինակ է հարստացնելու ֆոլաթթվով»,- ասաց Վ.Մելիքյանը:

Սակայն, ըստ նրա, շաքարախտով և մի շարք այլ հիվանդություններով տառապող մարդկանց կտրականապես արգելված է հարստացված ալյուրից պատրաստված մթերքներ օգտագործել:

Վ.Մելիքյանը կարծում է, որ սխալ է արտասահմանյան փորձը տեղափոխել Հայաստան և կիրառել այստեղ: «Մենք պետք է պահպանենք մեր ավանդույթները: Հեմոգլոբինի նվազման դեպքում կարելի է օգտագործել այլ սննդամթերք: Օրինակ՝ լոբին, տավարի միսը, կաթնաշոռը, մաղադանոսը, չորացրած մասուրը պարունակում են այդ վիտամինները եւ բավարար են երկաթի պահանջը հարուստ են երկաթով»,-ասաց նա:

Ասուլիսի մյուս բանախոս, կենսաբան Գագիկ Կարապետյանն էլ նշեց, որ ֆոլաթթուն կարող է չարորակ անեմիայի պատճառ դառնալ, որը շատ վտանգավոր է: «Մի շարք երկրներում համապատասխան եզրակացության համաձայն՝ չկան բավարար ապացույցներ պնդելու, որ ֆոլաթթուն քաղցկեղ է առաջացնում, սակայն ժխտելն անհնար է: Սա ինքնին նշանակում է, որ ֆոլաթթուն քաղցկեղ է առաջացնում»,- նկատեց Գ.Կարապետյանը:

Թեմային առնչվող նյութեր՝
«Ավելի լավ է մեկ կտոր կանաչի ուտեն, քան ֆոլաթթվով հարստացված հաց»
«Հանուն առողջ սննդի» քաղաքացիական նախաձեռնության պատասխանն առողջապահության նախարարին
Ալյուրի հարստացման ծրագիր. Ինչու բնակչությանն ընտրության հնարավորություն չի տրվում
Կոչ` ԱՆ-ին. Ինչո՞ւ եք պարտադրում, ում անհրաժեշտ է, կարող է դեղորայքի տեսքով օգտագործել ֆոլաթթու
Նախարարությունը պատրաստվում է բացահայտել ալյուրի հարստացման մասին ընդդիմախոսների ներկայացրած միֆերը
Ալյուրի հարստացումը հետաձգվեց մեկ տարով
ԱՆ. Ցորենի ալյուրի հարստացման ծրագիրը միտված է հիվանդությունների կանխարգելմանը