Ձեր վստահելի աղբյուրը

ՀՀ ՏԿԱԻ նախարարի հրամանով ստեղծված աշխատանքային խմբերը շարունակում են ուսումնասիրությունները հանրապետության ԱԳԼՃԿ-ներում:

Դրանց արդյունքում հունիս և հուլիս ամիսներին Երևան քաղաքի, Կոտայքի, Սյունիքի, Տավուշի, Լոռու, Արագածոտնի, Վայոց ձորի, Շիրակի և Գեղարքունիքի մարզերի 173 ԱԳԼՃԿ-ների համար կազմվել են արձանագրություններ՝ հրդեհային անվտանգության կանոնները չկատարելու կամ խախտելու վերաբերյալ, իսկ դրանցից 158-ն արդեն իսկ ենթարկվել են վարչական տուգանքի՝ 25-150 հազար դրամի չափով (ընդամենը՝ 10 385 000 դրամ):

ՏԿԱԻՆ-ից տեղեկացնում են, որ չորս ԱԳԼՃԿ-ների նկատմամբ, հրդեհային անվտանգության պահանջների խախտման համար, կայացվել են որոշումներ՝ դրանց հետագա շահագործումը դադարեցնելու վերաբերյալ:

Առավել տարածված հակահրդեհային թերությունները հետևյալն են՝
- ԱԳԼՃԿ-ի արտաքին հրդեհաշիջման համար նախատեսված չէ հակահրդեհային ջրավազան կամ հրշեջ հիդրանտ.
- պահպանված չեն ինչպես ԱԳԼՃԿ-ի և գազալցակայանին չպատկանող շենքերի ու շինությունների, այնպես էլ` ԱԳԼՃԿ-ի տարածքում իրեն պատկանող շենքերի, շինությունների և սարքավորումների միջև նորմերով պահանջվող հակահրդեհային միջտարածությունները.
- ԱԳԼՃԿ-ներն ապահովված չեն հրդեհաշիջման սկզբնական միջոցներով, մասնավորապես՝ կրակմարիչներով.
- էլեկտրասարքավորումները շահագործվում են հրդեհային անվտանգության կանոնների խախտումներով.
- ԱԳԼՃԿ-ի տարածքի տեսանելի վայրերում փակցված չեն ծխելու և բաց կրակի օգտագործումն արգելող ցուցանակներ և այլն:

Տասներկու ԱԳԼՃԿ-ում կազմվել են արձանագրություններ՝ «Տեխնիկական անվտանգության ապահովման պետական կարգավորման մասին» ՀՀ օրենքի պահանջներին չհամապատասխանելու վերաբերյալ: Դրանցից երեքը, տեխնիկական անվտանգության փորձաքննություն չանցկացնելու համար, տուգանվել են մեկական միլիոն դրամով:

Ըստ աղբյուրի, երկու շարժական գազալցակայանների համար կազմվելենէ արձանագրությունններ՝ հրդեհային անվտանգության կանոնները չկատարելու, ինչպես նաև «Տեխնիկական անվտանգության ապահովման պետական կարգավորման մասին» ՀՀ օրենքի 11-րդ հոդվածով նախատեսված տեխնիկական անվտանգության փորձաքննություն չանցկացնելու վերաբերյալ:

Օբյեկտների ղեկավարներին տրվել են կարգադրագրեր՝ հրդեհային անվտանգության կանոնները պահպանելու և առկա թերությունները վերացնելու համար: Նրանց իրազեկել են նաև հրդեհային ու տեխնիկական անվտանգության ոլորտի օրենսդրության հիմնական պահանջներին, դրանց կատարման համար պարտականություններին, ինչպես նաև չկատարման դեպքում՝ ՀՀ օրենսդրությամբ նախատեսված պատասխանատվության միջոցների մասին:

Առաջիկայում խստացված ռեժիմով ստուգայցերը շարունակվելու են Արարատի և Արմավիրի մարզերում՝ վերահսկողության տակ պահելով նաև շարժական գազալցակայանները:

Գազալցակայաններում տեղի ունեցած միջադեպերի մասին կարդացեք՝

Արմեն Երիցյան. Գազալցակայանների նկատմամբ մոտեցումը խստացվելու է
Գազալցակայանի պայթյունի հետևանքով տուժածներից մեկի վիճակը ծայրահեղ ծանր է
Պայթյուն` Էջմիածնի մայրուղու գազալցակայանում
Գազալցակայանի պայթյունի հետևանքով հիվանդանոց է տեղափոխվել Ճոյտի որդին
Պայթյուն երևանյան գազալցակայաններից մեկում
Նոր մանրամասներ` Մրգաշատի գազալցակայանի պայթյունից
Գառնիում գազալցակայանի պայթյունի հետևանքով կա զոհ ու տուժածներ
Հովսեփյան. Էջմիածնի գազալցակայանը անվտանգության փորձաքննություն վերջին անգամ հինգ տարի առաջ էր անցել
Գազալցակայանի պայթյունի հետևանքով հիվանդանոց է տեղափոխվել Ճոյտի որդին