Ձեր վստահելի աղբյուրը

«Gallup Internatiоnal» ասոցիացիայի հայաստանյան ներկայացուցչության կողմից սեպտեմբերին անցկացրած սոցհարցման մասնակիցները՝ 1105 մարդ, պատասխանելով հարցին, թե «Ինչպե՞ս եք վերաբերվում կառավարման կիսանախագահական ձևից անցմանը խորհրդարանական կառավարման ձևին», 5.5% -ն ասել է՝ լիովին դրական, 27.9%-ը՝ ավելի շուտ դրական, 25.7%՝ ավելի շուտ բացասական, 15.2%՝ ընդհանրապես բացասական, 25.7% դժվարացել է պատասխանել:

Լրագրողների հետ հանդիպման ժամանակ հարցման արդյունքները ներկայացրեց «Gallup Internatiоnal» ասոցիացիայի հայաստանյան ներկայացուցչության տնօրեն Արամ Նավասարդյանը: Հարցումն անցկացվել է սեպտեմբերի 10-21-ը, Հայաստանի տարածքում, հարցման մեթոդը՝ դեմ առ դեմ: 

«Տեղյակ եք արդյո՞ք ՀՀ սահմանադրական բարեփոխուﬓերի նախաձեռնության մասին» հարցին 61.6%-ը պատասխանել է՝ այո, 35.8%-ը՝ ոչ:

«Ըստ Ձեզ, արդյո՞ք ՀՀ-ում կա սահմանադրական բարեփոխուﬓեր իրականացնելու անհրաժեշտություն» հարցին ի պատասխան, ստացվել է հետևյալ պատկերը՝  39.4% -ը՝ այո, 34.1%-ը՝ ոչ, 26.5%-ը դժվարացել է պատասխանել:

39.4% -ը, ով տեսնում է ՀՀ-ում սահմանադրական բարեփոխումներ անցկացնելու անհրաժեշտություն, պատասխանել են նաև հետևյալ հարցին՝ «Ինչո՞ւ եք կարծում, որ անհրաժեշտ է իրականացնել սահմանադրական բարեփոխուﬓեր»: Ստացվել է հետևյալ պատկերը՝ 39.1%-ն ասել է՝ սահմանադրական բարեփոխուﬓերը կնպաստեն ժողովրդավարության ամրապնդմանը, 35.4%-ը՝ կնպաստեն երկրի բնականոն զարգացմանը, նաև՝ նոր սահմանադրությունը թույլ կտա հավասարակշռել կառավարման համակարգը, սահմանադրական բարեփոխուﬓերը կնպաստեն քաղաքական համակարգի կայունության ապահովմանը, սահմանադրական բարեփոխուﬓերը կնպաստեն ԱԺ դերակատարության բարձրացմանը:

«Ինչո՞ւ եք կարծում որ անհրաժեշտ չէ իրականացնել սահմանադրական բարեփոխուﬓեր» հարցին էլ (34.1%-ը) պատասխանել են՝ 33.4%-ը՝ սահամանադրական բարեփոխուﬓերն ուղղված են գործող իշխանության վերարտադրմանը, 25.5%-ը՝ գործող Սահմանադրությունն ավելի նպաստավոր է ՀՀ համար, նաև՝ սահմանադրական բարեփոխուﬓերը խոչընդոտում են երկրի առաջընթացին, նոր Սահմանադրությունը սպառնալիքներ կստեղծի ՀՀ անվտանգության համար, միևնույնն է ոչինչ չի փոխվելու, 2.7% -ի կարծիքով, ժողովրդի վիճակը կվատթարանա:

Հարցման մասնակիցներին նաև հարցրել են՝ «Տեղյակ եք արդյո՞ք, թե ներկա ՀՀ Սահմանադրության համաձայն ինչպիսի կառավարման ձև է գործում ՀՀ-ում», 69.8% -ն ասել է այո, 30.2%-ը՝ ոչ:

«Այո» ասածներին 55.3%-ը նշել է նախագահական, 8,6 %-ը խորհրդարանական, 36.2%-ը՝ կիսանախագահական:

«Ծանոթ եք արդյո՞ք ՀՀ գործող Սահմանադրությանը» հարցին 4.7% պատասխանել է՝ լիովին ծանոթ եմ, 37.0%-ը՝ մասամբ ծանոթ եմ, 27.8%-ը՝ ավելի շուտ ծանոթ չեմ, 28.1% ընդհանրապես ծանոթ չեմ:

Նախորդող հրապարակում՝
Կմասնակցեք արդյո՞ք սահմանադրական բարեփոխումների հանրաքվեին. Հարցման արդյունքները