Ազգային երգ ու պար՝ զինվորական հավաքակայանում
Այլ տեսանյութեր
ՀԱՄԱՑԱՆՑ
«Կրթությունը նորաձև է» արշավի մասին հայտարարած Փաշինյանի կինն արդեն հասցրել է հիասթափվել։ Նա գրել է.
«2025 թվականը Կրթվելու տարի հայտարարելու առաջարկով նախորդ գրառումից հետո 22 ժամվա ընթացքում ֆեյսբուքյան 2 էջերիս դիտումներն ավելացել են 1 միլիոն 100-200 հազարով։
Սա մի կողմից շատ ոգևորիչ է, մյուս կողմից հիասթափեցնող։
Ոգևորիչ, որովհետև ապացում է, որ ԿՐԹՎԵԼԸ օրակարգային է։
Հիասթափեցնող, որովհետև մեկ միլիոն մոտ 190 հազար մարդ պասիվ հետևող էր, և միայն 30-50 հոգի գաղափարը ակտիվորեն աջակցելու, գաղափարը սեփական անձի վրա կրելու քայլ արեց։ Համենայն դեպս՝ այս 22 ժամվա ընթացքում։
Այնինչ, Տգիտությանը հաղթելու համար ագրեսիվ արշավ է անհրաժեշտ։ Եթե դանդաղենք ու ծուլանանք անպայման կրկին կպարտվենք»։
Աննա Հակոբյանը գրում է.
«Պարզվում է երեք սոցիալական էջերով միասին վերցրած մեկ ամսվա ընթացքում ես 17-18 միլիոն դիտում կարող եմ ունենալ։ Ինձ համար սա խիստ պարտավորեցնող փաստ է։
Բայց նաև հնարավորություն է, որ պետք է օգտագործել։
Այս առիթով խոնարհաբար շնորհակալություն եմ հայտնում այլ ազգերի ներկայացուցիչներին, ում հետաքրքիր է իմ համեստ և փոքրիկ անձը։
Նաև՝ ամենաջերմ հայաստանյան ողջույններն եմ հղում բոլոր սփյուռքահայերին:
Իսկ Հայաստանի Հանրապետության բոլոր քաղաքացիներին, որ հետևում են իմ սոցիալական էջերին, շատ կոնկրետ առաջարկություն ունեմ.
Եկեք 2025 թվականը հայտարարենք կրթվելու տարի: և խոսքը բոլորովին էլ ակադեմիական կրթության մասին չէ:
Խոսքը այնպիսի գիտելիքներ ձեռքբերելու մասին է, որոնք անհրաժեշտ են մեր սեփական կյանքը, մեր միջավայրը էլ ավելի լավը դարձնելու համար:
Սա նշանակում է մեկ տարով արձակուրդ ուղարկել մեր ինքնության՝ ամեն ինչ իմացողի, և բոլորին ամեն ինչ անդադար սովորեցնողի այդքան հարազատ դարձած կերպարը, և բոլոր երևույթների, իրավիճակների և իրադարձությունների նկատմամբ սեփական անձը դիրքավորել կասկածանքով, շարունակ ինքներս մեզ տալով հետևյալ հարցը՝ իսկ ես բավարար չափով գիտելիք ունե՞մ.......:
Իսկ ես բավարար չափով գիտելիք ունե՞մ տվյալ երևույթը գնահատելու համար:
Իսկ ես բավարար չափով գիտելիք ունե՞մ այս աշխատանքին հավակնելու համար:
Իսկ ես բավարար չափով գիտելիք ունե՞մ իմ աշխատանքը մաքսիմալ արդյունավետ կատարելու համար:
Իսկ ես բավարար չափով գիտելիք ունե՞մ հարստանալու և իմ պետությունը հարստացնելու համար:
Իսկ ես բավարար չափով գիտելիք ունե՞մ երջանիկ լինելու և իմ սիրելիներին երջանկացնելու համար:
Իսկ ես բավարար չափով գիտելիք ունե՞մ կարծիք արտահայտելիս ծիծաղելի չլինելու համար:
Իսկ ես բավարար չափով գիտելիք ունե՞մ ինձ հետ պատահած դժբախտությունը արժանապատիվ կրելու համար:
Իսկ ես բավարար չափով գիտելիք ունե՞մ այս պնդումն անելու համար։
Իսկ ես բավարար չափով գիտելիք ունե՞մ ընտանեկան բյուջե հաշվարկելու և պլանավորելու համար:
Իսկ ես բավարար չափով գիտելիք ունե՞մ ուրիշներին ծաղրելու, փնովելու, դատելու և դատափետելու համար:
Իսկ ես բավարար չափով գիտելիք ունե՞մ ամուր և սիրով լի ընտանիք ունենալու համար:
Իսկ ՄԵՆՔ բավարար չափով գտելիք ունե՞նք ուժեղ և հարատև պետություն՝ Հայաստանի Հանրապետություն ունենալու համար:
Եթե պարզվի, որ ոչ՝ յուրաքանչյուրս առանձին և բոլորս միասին բավարար չափով գիտելիք չունենք, ապա մեկ տարվա ընթացքում կարող ենք փոխել իրավիճակը, մերօրյա տեխնոլոգիաներն ու գործիքները հաստատապես տալիս են դրա հնարավորությունը, իսկ մնացածը ընդամենը ցանկության և տեխնիկայի իհարց է: Ուստի եկեք՝
2025 ԹՎԱԿԱՆԸ ՀԱՅՏԱՐԱՐԵՆՔ ԿՐԹՎԵԼՈՒ ՏԱՐԻ
ՁԵՌՆՈՑ ՆԵՏԵՆՔ ՏԳԻՏՈՒԹՅԱՆԸ
ԳԻՏԵԼԻՔԸ և ԿՐԹՎԵԼԸ ԴԱՐՁՆԵՆՔ ՆՈՐԱՁև
ՆՈՐ ՀՄՏՈՒԹՅՈՒՆՆԵՐ ՅՈՒՐԱՑՆԵՆՔ
ՉԿՐԹԵՆՔ
ՄԻԱՅՆ՝ ԿՐԹՎԵՆՔ
ՍՈՎՈՐԵՆՔ ՄԵՐ ԱՆՁՆԱԿԱՆ ԿՅԱՆՔԸ և ՄԵՐ ՄԻՋԱՎԱՅՐԸ ԱՎԵԼԻ ԼԱՎԸ ԴԱՐՁՆԵԼ
ՍՈՎՈՐԵՆՔ ՀԱՐՍՏԱՆԱԼ և ՀԱՐՍՏԱՑՆԵԼ
ՍՈՎՈՐԵՆՔ ԵՐՋԱՆԿԱՆԱԼ և ԵՐՋԱՆԿԱՑՆԵԼ
ՍՈՎՈՐԵՆՔ ՈւԺԵՂԱՆԱԼ և ՈւԺԵՂԱՑՆԵԼ
ԿՐԹՎԵԼԸ ՆՈՐԱՁև է»։
Ռուս հայտնի Ռեփեր Գուֆը (Ալեքսեյ Դոլմատով) մտադիր է Մոսկվայում համերգ տալ էլեկտրոնային թևնոցով, որը նրան հագցրել են դատարանի որոշմամբ։ Եթե դա նրան հաջոցվի, կլինի առաջին դեպքը ռուսական շոու բիզնեսի պատմության մեջ։ Այս մասին հայտնում է Mash թելեգրամյան ալիքը։
Շոուն նախատեսվում է անցկացնել Մոսվայում նոյեմբերի 22-ին։ Գուֆն այժմ բուժում է անցնում թմրամոլների վերականգնողական կենտրոնում։ Mash-ի աղբյուրը պնդում է, որ ռեփերը բժիշկներին խնդրել է մեկ երեկո իրեն ազատել կլինիկայից, որից հետո խոստացել է վերադառնալ այնտեղ։
Գուֆը հոկտեմբերի 23-ին լոգարանում ծեծկռտուքից հետո հայտնվել է թմրամոլների վերականգնողական կենտրոնում։ Ռեփերի դեմ գործ է հարուցվել, և նրան պարտավորեցրել են էլեկտրոնային թևնոց կրել մինչև դատարանի որոշումը։
Հիշեցնենք, որ նոյեմբերի 16-ին Կարեն Դեմիրճյանի անվան մարզահամերգային համալիրում պետք է տեղի ունենար Սևակին, Խչոյին և Գուֆի համատեղ համերգը։ Սակայն Գուֆը չէր եկել Երևան։
Երգի պետական թատրոնի հիմնադիր Արթուր Գրիգորյանի դուստրը՝ Մանե Գրիգորյանը ինսթագրամիր իր էջում լուսանկարներ է հրապարակել «Առաջին սերունդ» նախագծի ընթացքից ու գրել.
«Փոքր Մանեն ուզում էր վազել բեմ ու գրկել Առչկային, Շուշոյին, Նունեին, Առամոշային, Էմուլին, Իսպիրին, Իննային, Իռուսիկին, բայց մեծ Մանեն ասում էր՝ նրանք մեծ արտիստներ են՝ Արաքսիա Մուշեղյանը, Շուշան Պետրոսյանը, Նունե Եսայանը, Արամոն, Էմմա Պետրոսյանը, Արթուր Իսպիրյանը, Իննա Չիլինգարյանը, Իրինա Դանիելյանը, պետք է լինել պրոֆեսիոնալ և վայելել նրանց վերադարձը ՏՈՒՆ:
Թատրոնի առաջին սերունդը մեծ ընտանիք է։
Դեռ թատրոնը չէր բացվել, մեր տանն էին փորձեր անում, ու ես բառի ուղիղ իմաստով նրանց գիրկն էի մեծանում։ Իմ ընտանիքն է, իմ ավագ քույրերն ու եղբայրներն են, որոնք միշտ կողքիս են ու ամուր հենարան են։ Նրանք են Պապայի հետ կառուցել այն թատրոնը, որը դարձավ տուն թե՛ արտիստների, թե՛ հանդիսատեսի համար։ Առաջին սերունդին պետք է շնորհակալ լինենք, որ այսօր մեր քաղաքում կա Երգի պետական թատրոնը։ Եվ նրանց կրկին տեսնել թատրոնի բեմում՝ անչափ հուզիչ էր։
Մեկ շաբաթ շարունակ փորձերից ու համերգներից հետո թույլ տվեք մի պահ մոռանալ մեծ Մանեին ու փոքր Մանեի նման վազել բեմ ու գրկել իմ ընտանիքին։
Էռնա Յուզբաշյան, Գրիշա Աղախանյան, Արման Աղաջանյան, Իդա Ջանիբեկյան, Արմեն Պապիկյան, Սրբուհի Ստամբոլցյան, Անահիտ Մանուկյան, Անահիտ Շարյան, Գրիգոր Անտոնյան՝ ձեզ էլ ենք սպասում տանը)։
Միշտ հիշում ենք Արմեն Գևորգյանին ու Աշոտ Հախեյանին»։
Դերասանուհի Միլենա Վարդանյանը Հայաստանում Կանադայի դեսպան Էնդրյու Թըրների հետ պսակադրությունից լուսանկարներ է հրապարակել։ Արարողությունը տեղի է ունեցել նոյեմբերի 14-ին։
Ինչպես երևում է լուսանկարներում, պսակադրությանը մասնակցել են Հայաստանում հավատարմագրված այլ երկրների արտակարգ ու լիազոր դեսպաններ. ՀՀ–ում Չեխիայի դեսպան Պետր Պիրունչիկը, Հայաստանում ԵՄ պատվիրակության ղեկավար, դեսպան Վասիլիս Մարագոսը և այլք։
Այս տարվա սեպտեմբերին դերասանուհին հայտարարել էր. «Ուրախ ենք նշելու մեր ամուսնության գրանցումը և անհամբեր սպասում ենք ձեզ հետ նոյեմբերին նշելու հարսանեկան արարողությունը: Պարոն և տիկին Թերներ»։
Երգչուհի Շերը իր «Cher: A Memoir, Part First» գրքում նշել է, որ կորցրել է կուսությունը 14 տարեկանում՝ ընկերոջից վրեժ լուծելու համար: Հուշերից մեջբերումներ ներկայացնում է The Independent-ը:
Շերը պատմել է, որ դեռահաս տարիքում հարաբերություններ է ունեցել իտալացի ավագ դասարանցու հետ, ով ապրում էր իր հարևանությամբ՝ Սան Ֆերնանդո հովտում: Երգչուհու խոսքով՝ երբ իրենք մենակ են եղել, երիտասարդն իրեն բարյացակամ է պահել, սակայն ընկերների հետ հանդիպելուն պես իրեն վերաբերվել է ինչպես «անփույթ երեխայի»։ Երգչուհին հիշել է, թե ինչպես է իր սիրելին խայտառակել իրեն.
«Մի օր, երբ նրա ընկերներն առաջարկեցին գնալ Bob's Big Boy, նա ասաց. «Լավ, ես կվերցնեմ Շերին»: Նրանք ծիծաղեցին և ասացին. «Այս երեխային ես տանելո՞ւ»: «Եվ նա թողեց ինձ»,-«Գազետա ռու»-ի փոխանցմամբ՝ իր կյանքի մանրամասներից կիսվել է աստղը:
Շերը հայտարարել է, որ այն իրեն շատ է ցավ պատճառել, ուստի որոշել է սեքսով զբաղվել այդ տղայի հետ՝ նրանից վրեժ լուծելու համար։ Երգչուհին բացատրել է, որ այն առաջին անգամն է եղել։
«Ես հարցրեցի նրան. «Սա՞ էր ամբողջը: Մենք վերջացրեցի՞նք»: Հետո ասացի, որ գնա տուն ու այլևս չվերադառնա»,-ասաց էստրադային երգիչը։
Ներկայումս Շերը հարաբերությունների մեջ է երաժշտական պրոդյուսեր Ալեքսանդր Էդվարդսի հետ։
Ռեժիսոր Սարիկ Անդրեասյանն ու դերասանուհի Լիզա Մորյակը կիսվել են ուրախալի լուրով՝ շուտով զույգը երկրորդ երեխան կունենա։ Այս լուրով զույգը կիսվել է սոցցանցերում։
«Կան գաղտնիքներ, որոնք ուզում ես կիսվել: Մայրիկ և հայրիկ լինելը մեծ երջանկություն է և մեծ պատասխանատվություն, որին մենք պատրաստ ենք և որից մեծ հաճույք ենք ստանում։ Բոլոր հաջողությունները, հաղթանակները և սերն ավելի խորը նշանակություն են ստանում, երբ կողքիդ երեխաներ կան։ Սպասում ենք քո լույս աշխարհ գալուն, մեր արդեն սիրելի փոքրիկը», - նշված է եղել գրառման մեջ։
Լիզա Մորյակն ու Սարիկ Անդրեասյանն ամուսնացել են 2022 թվականի աշնանը։ 2023 թվականի փետրվարին զույգը դուստր է ունեցավ։ Անդրեասյանի հետ ամուսնությունն առաջինն էր դերասանուհու, բայց ոչ ռեժիսորի համար։ peopletalk-ը հիշեցնում է, որ նախկինում նա ամուսնացած է եղել ռեստորատոր Ալենայի հետ։ Նրանք երկու երեխա ունենա։
Հրավառություն օդանավակայնում, աղ ու հաց, դհոլ-զուռնա։ Եվրատեսիլում 8-րդ տեղը զբաղեցրած հայաստանցի մասնակցին՝ Լեոյին այսպիսի դիմավորում են կազմակերպել Երևանում։
Տեսանյութն ինսթագրամի իր էջում հրապարակել է Լոյի մայրը՝ երգչուհի Հռիփսիմե Հակոբյանը։
Նիկոլ Փաշինյանը հայրենի Իջևանից լիալուսնի լույսի ներքո հեծանիվով հասել է Ենոքավան, հետ եկել։
Հեծանիվ վարելու և Աննա Հակոբյանի հետ Իջևանում հանգիստն անցկացնելու մասին տեսագրությունները Փաշինյանը հրապարակել է իր ֆեյսբուքյան էջում։
Ռուս հայտնի դերասան Պավել Պրիլուչնին Դուբայում է կնոջ՝ դերասանուհի Զեփյուռ Բրուտյանի, մեկամյա որդու՝ Միքայելի, զոքանչի՝ Գայանե Սողոմոնյանի հետ։
Պավել Պրիլուչնին Դուբայում նկարահանումների է։
Բրուտյանն իր միկրոբլոգում պարծեցել է որդու նոր տաղանդով՝ հասկացնելով, որ նա աստիճանաբար տիրապետում է հայերենին։ Նա տատիկին «տատա» է ասում։ Սա ուրախացրել և հուզել է նրան։
tv.mail.ru-ն գրում է, որ, ըստ երևույթին, Միքայելը հայերեն խոսք է լսում նույնքան հաճախ, որքան ռուսերենը, քանի որ արդեն աստիճանաբար սովորում է բառերը։
««Տատի» հայերեն նշանակում է տատիկ» - նշել է Բրուտյանը։
34-ամյա Պրիլուչնին և 26-ամյա Բրուտյանն իրենց հարաբերություններն օրինականացրել են 2022 թ. մայիսի 12-ին, իսկ հարսանեկան արարողությունը կայացել է օգոստոսի 25-ին։
