Դուք չկարողացաք դառնալ առաջնորդ. Ռ. Վարդանյանը՝ Ա. Հարությունյանին
Այլ տեսանյութեր
ՀԱՄԱՑԱՆՑ
Երգչուհի Աննա Սեդոկովան հոսպիտալացումից հետո առաջին անգամ խոսել է իր նախկին ամուսնու՝ բասկետբոլիստ Յանիս Տիմայի հուղարկավորության և իր վիճակի մասին։ Նա իր սոցցանցում այս մասին գրառում է արել։
kulturomania.ru-ն գրում է, որ երգչուհին պատմել է, որ ինքը և Տիմայի մայրն ու քույրը փորձում են «արժանապատիվ կերպով կազմակերպել նրա հրաժեշտի արարողությունը»: Սեդոկովան նաև խոստովանել է, որ ցավում է նախկին ամուսնու համար, թեև նրա մահը նրան հիմար կատակ է թվում:
Բացի այդ, երգչուհին կոչ է արել լրատվամիջոցներին ստուգել այն մարդկանց, ումից հարցազրույց են վերցնումլ։ Սեդոկովան հայտարարել է, որ մեկնաբանությունները տալիս են մարդիկ, որոնց ոչ Սեդոկովան, ոչ Տիման երբևէ չեն տեսել իրենց կյանքում։ Երգչուհուն վրդովեցրել է, որ մարդիկ փորձում են ողբերգությունն օգտագործել իրենց օգտին։
Յանիս Տիման մահացել է դեկտեմբերի 16-ի լույս 17-ի գիշերը։ 32-ամյա մարզիկի դին հայտնաբերվել է մասնավոր հոսթելներից մեկի մուտքում, որը գտնվում է Մոսկվայի կենտրոնում գտնվող հինգ հարկանի շենքում։ Նրա կողքին ընկած է եղել հեռախոս, որի վրա գրված էր Սեդոկովայի համարը և «Զանգիր Աննային» հաղորդագրությունը էկրանապահին։ Ըստ նախնական տեղեկությունների, լատվիացի խաղացողն ինքնասպան է եղել։
Զույգը հարաբերությունների մեջ էին եղել 2019 թվականից, ամուսնացել էին 2020 թվականին։ Այս աշնանը երգչուհին ամուսնալուծության հայց էր ներկայացրել, որը դատարանը պաշտոնապես ընդունել էր այն բասկետբոլիստի մահից մեկ շաբաթ առաջ՝ դեկտեմբերի 9-ին։
Ռուս ճանաչված դերասան 44-ամյա Եվգենի Պրոնինը սոցիալական ցանցում հայտնել է կնոջից՝ Քրիստինա Առուստամովայից բաժանվելու մասին։
Զույգը միասին է եղել ութ տարի։ Ամուսնալուծության նախաձեռնողը դերասանի կինն է։ «Քրիստինան ընտրեց ճանապարհն առանց ինձ, ես դա հարգում եմ: Հավանաբար չափահասի կողմից կշռադատված որոշում է: Դա նրա ընտրությունն է»,- գրել է Պրոնինը սոցցանցում։
Պրոնինը նշել է, որ միշտ երախտապարտ է լինելու իր նախկին կնոջը. «Ութ տարվա ընթացքում մենք շատ բան ենք անցել՝ Covid, արտագաղթ, մենք միշտ միասին ենք եղել, աջակցել ենք միմյանց դժվարին իրավիճակներում։ Ես գրում եմ այս խոսքերը մեծ երախտագիտությամբ և սիրով և չեմ հավատում, որ ամեն ինչ ավարտված է: Շնորհակալ ենք միասին անցած ճանապարհի համար, և ամենակարևորը մեր որդու համար: Ես նայում եմ նրան ու հասկանում, որ ամեն ինչ իզուր չէ»։
«Այս Նոր տարին կդիմավորեմ իմ սիրելի Երևանում առանց ընտանիքիս, բայց կտեսնեմ որդուս, ով, ճակատագրի բերումով, նույնպես ծնվել է դեկտեմբերի 31-ին, ինչպե՞ս կարելի է դրանից հետո չհավատալ հրաշքներին։
Խաղաղություն և սեր ձեր ընտանիքներին:
Շնորհավոր գալիք Նոր տարի»:
Հաղորդավարուհի, դերասանուհի Նազենի Հովհաննիսյանը գրում է.
«Ասես ծուղակում լինենք. նայում ես շուրջբոլորդ, քանդվող բոլոր կառույցներիդ, որոնք խորքային ճաք են տալիս, հետո նայում ես մեջբոլորդ, որ քեզ գոնե գտնես ու գոնե մի կետ. հենման կետ:
Հետո նայում ես վերև, որ լույս գտնես, ու աստիճան՝ խավարից դեպի լույսը տանող:
Ու նորից հասկանում ես, որ լույսն էլ, կետն էլ, Սերն էլ քո մեջ պիտի գտնես. ոչ շուրջբոլորդ, ոչ էլ վերև նայելով: Եթե չկա , ուրեմն չկա...
Ու, թե չես գտնում, ուրեմն ծուղակում ես:
Ծուղակում ենք:
Մարդ Դարերով ինքնազարգացավ, որ իբր բան հասկանա, բայց հասավ մի կետի, երբ սիրով թողնում է, որ իրեն բթացնեն, ավելին՝ ուզում է, որ բթացնեն, իր փոխարեն որոշում կայացնեն ու որոշեն, որ էլ մարդ չի:
Որ էլ պետք չի մարդ լինել, որ անիմաստ մի ճոխություն է դա:
Մարդը, որի խելքն իր պատուհասն է դարձել՝ Հոգու պատուհանը բացելու փոխարեն:
Մարդը, մահվան վախն աչքերում կամ իրեն անմահ կարծող մարդը).... Որն այդպես էլ չսովորեց ամենապարզը. մարդ լինել կամ գոնե մնալ:
...ամենամոլորված դարում, իր պատերազմներն այդպես էլ չհաղթահարած, բայց աչքն ուրիշի «խաղաղությանը»՝ «մարդը»:
Իր իսկ դեմ պայքարող
իր կյանքի
իր պետության
իր արժեքների
իր հոգևորության ու
ոգևորության...
իր մարդկայնության դեմ մարտնչող...
«մարդը»:
Մարդուն ձգտող ու էդ նույն մարդուն կործանող Մ...Արդը:
Դերասանուհի Անահիտ Կիրակոսյանը սրտնեղել ու վիրավորվել է կեղծ լուրեր տարածող կայքերից։
Ինսթագրամի սթորի բաժնում նա տեսանյութ է հրապարակել ու պարզաբանել, որ հինգերերոդ բալիկի սպասում է ոչ թե ինքը, այլ իր ընկերուհին։
«Ովքեր ինձ ճանաչում են, գիտեն, որ ես շատ քիչ եմ անդրադառնում վատ խոսքին, վատ մեկնաբանություններին, կամ սուտ լուրին, որ տարածում է լրատվ ականը։ Բայց արդեն բավական է, էլի։ Մի չափ գոյություն ունի, որին էլ չեմ դիմանում։ Եթե ես որոշում եմ իմ հետևորդների հետ կիսվել, ասել բարի լուր, որ իմ ընկերուհին ունենալու է իր հինգերորդ բալիկին , պետք չէ դա վերագրել ինձ»,-նշում է Ա. Կիրակոսյանը։
Starnews-ը գրում է․
«Օրեր առաջ ԱՄՆ-ում՝ Dolby թատրոնում տեղի ունեցավ «Armenian music Video Awards» հեղինակավոր մրցանակաբաշխությունը, որին մասնակցեցին հայ արտիստներ՝ Հայաստանից և ԱՄՆ-ից։
Մրցանակաբաշխությանը ներկա էր նաև երգիչ Անդրեն՝ ով ելույթ ունեցավ և ստացավ մրցանակ։
StarNews-ի աչքից չէր վրիպել այն, որ Անդրեի կողքին չէր կինը՝ երգչուհի Անի Օհանյանը։ Հարկ է նշել, որ մինչ այդ հանրային և ոչ այդքան բոլոր միջոցառումների ժամանակ Անին ամուսնու կողքին էր լինում»։
Սա էլ բավական չէ` Անին նաև իր սոցիալական էջերից հեռացրել է Անդրեի հետ ունեցած բոլոր լուսանկարները, և զույգը դադարել է հետևել իրար ինստագրամում։
Այս ամենը թույլ է տալիս ենթադրել, որ զույգը խնդիրներ ունի և հնարավոր է, որ բաժանման որոշում է կայացրել»։
Հաղորդավար, հումորիստ Եվգենի Պետրոսյանի ավագ դուստրը պահանջում է ԴՆԹ անալիզ՝ համոզվելու, որ Տատյանա Բրուխունովայի երեխաների հայրը հենց իր հայրն է։
kp.ru-ն գրում է, որ Վիկտորինան երբեք չի տեսել իր կրտսեր եղբորը՝ Վահանին և քրոջը՝ Մաթիլդային։ Նա ապրում է Ամերիկայում և խզել է բոլոր կապերը իր հոր հետ։
Եվգենի Պետրոսյանը Ելենա Ստեպանենկոյից բաժանվելուց հետո դադարել է շփվել իր ավագ դստեր՝ Վիկտորինայի հետ․ նրա մայրը բալետի պարուհի Բելլա Կրիգերն է։ Վիկտորինան շատ մտերիմ է եղել խորթ մոր հետ և խնդրել է հորը փոխել միտքը և չամուսնանալ Տատյանա Բրուխունովայի հետ։
Նշվում է, որ Վիկտորինան չի հավատում հոր հինգերորդ կնոջ զգացմունքների անկեղծությանը: 5-tv.ru-ի հաղորդմամբ, նա կասկածում է, որ կինը խաբել է հորը, երեխաների հայրը Եվգենի Պետրոսյանը չէ։
Նա կարծում է, որ երեխաներն ամենևին էլ նրանից չեն։ Ըստ լուրերի, Պետրոսյանը հրաժարվում է ԴՆԹ անել՝ պնդելով, որ երեխաներն իրենն են։
Վերջերս Եվգենի Պետրոսյանը դատական հայց է ներկայացրել իր ավագ դստեր դեմ։ 79-ամյա Պետրոսյանը պահանջում է, որ 56-ամյա Վիկտորինային Մոսկվայի իր բնակարանի գրանցումից հանեն։ Բնակելի տարածքի արժեքը մոտ 20 միլիոն ռուբլի է:
Գրեթե մեկ շաբաթ է անցել լատվիացի բասկետբոլիստ, երգչուհի Աննա Սեդոկովայի նախկին ամուսնու՝ Յանիս Տիմայի ողբերգական մահից, սայան նրա դիակը շարունակ է մնալ դիահերձարանում։
Նա ինքնասպան է եղել դեկտեմբերի 17-ին՝ ամուսնալուծությունից մեկ շաբաթ անց։ Նրա նախկին կինը, իմանալով այս մասին, նյարդային խանգարումով հայտնվել է հիվանդանոցում։
Միևնույն ժամանակ Սեդոկովայի ներկայացուցիչները հայտարարել են, որ երգչուհին պատրաստ է վճարել նախկին ամուսնու մարմնի հուղարկավորության և հայրենիք տեղափոխելու ծախսերը։
Վեստի.ռու-ի հաղորդմամբ, լրատվամիջոցներում տեղեկություններ են հայտնվել, որ Լատվիայում դրամահավաք է հայտարարվել Տիմայի տեղափոխման և հուղարկավորության համար, քանի որ նրա ընտանիքը դրա համար բավարար գումար չունի։
Տիմայի մարմինը դեռ մնում է դիահերձարանում։ NEWS.ru-ի աղբյուրը հայտնել է, որ դեռ ոչ ոք չի դիմել փաստթղթերի ձևակերպման համար։ Բացի այդ, նրա մոտ անձնագիր չի հայտնաբերվել։
«Եթե նա ունի ռուսական անձնագիր, ապա ավելի հեշտ կլինի, եթե այլ երկրի անձնագիր է, ապա այն պետք է վավերացվի նոտարական կարգով», - պարզաբանել է հրատարակության զրուցակիցը։
Բացի այդ, նման դեպքերում մարմնի տեղափոխման համար փաստաթղթերի մշակման այլ առանձնահատկություններ էլ կան: Ուստի, ըստ աղբյուրի, Սեդոկովայի նախկին ամուսնու մարմինը, ըստ երևույթին, դեռ երկար ժամանակ կմնա դիահերձարանում։
«Այս տարին ինձ համար շատ կորուստների տարի եղավ, թե՛ մարդկային, թե՛ նյութական և թե՛ առողջական: Բայց ի վերջո շատ բան ինձ հաջողվեց փրկել, վերականգնել կամ վերադարձնել: Այն, ամենն, ինչ իմաստ ուներ և կարևորություն կամ գոնե հնարավոր էր»,-գրում է լրագրող, մոդել Անի Քոչարը։
Նա նշում է.
«Այս տարի կյանքս լրիվ կինո էր, ես էլ լրիվ կինոյի աղջիկը ու ես հաջողեցի. անգամ իմ հավատը չի գալիս (ու, թեև ոչ մի փակագիծ բացել չեմ կարող, բայց հավատացեք չեմ չափազանցնում):
Բաներ կար, որ բաց թողեցի, թողեցի ու հերթական անգամ համոզվեցի, թե որքան ներողամիտ ու շռայլ եմ գտնվել ոմանց հարցում, իսկ իրենք դա վերագրել են իրեց արժանիքներին:
Ես դատը միշտ թողնում եմ Տիրոջը։
Միայն այն, որ ես ողջ մնացի այս տարում, արդեն իսկ մեե՜ծ բարեբախտություն է և այդքանով իսկ կարելի է հաջողակ համարել . էլի ու էլի փառք Տիրոջը:
Հաջողակ էր նաև այն պարզ պատճառով, որ հենց այս տարի հրատարակվեց իմ 2-րդ գիրքը՝ «Կյանքը երկրորդ փորձից» և արդեն իսկ վերահրատարակվել է:
Ամենաթանկն ու կարևորը, որ երկու ձագերս կողքիս են ու ինձ ունեն, մի չհանձնվող մամա ունեն»։
Հաղորդավարուհի, դերասանուհի Նազենի Հովհաննիսյանը գրում է.
«մի մոլորակ կա երկնքում. Մայրս է...
Կիրակիները՝ խնկաբույր, մորս հոտն ունեին, տունն էր խնկարկում, ու չարաճճի ժպիտով մտնում մեր սենյակ)))....
Երեք՝ իր սիրած արտահայտությունն ուներ, հա հնչում են իմ ուղեղում. գիտեր մարդկանց ու կյանքը.
ասում էր
1. Օֆ, Աման, Ով ինչ կա, էն Էլ կա՜:
...նկատի ուներ, որ չսպասենք մարդուց, թե կփոխվի, մարդը չի փոխվում, տարիների հետ միայն ընդգծվում է իր թերին կամ լավը, որակն ու տկարը...
Շա՜տ էր սիրում մարդուն, անգամ էն ամենավերջին սրիկայի մեջ լույս էր գտնում...
անհնարին խավարի մեջ էր լույս գտնում.
ԱՍՈւՄ ԷՐ.
2. Իմ վասալի վասալը՝ իմ վասալը չէ,( իմ ծառայի ծառան՝ իմ ծառան չէ):
Նկատի ուներ, որ դիմացինին իր գործով դատիր, ոչ թե իր ծագումով կամ ընտանեկան անորակությամբ, նկատի ուներ, որ մարդուն վատ ճակատագիր կարող է բաժին հասած լինել, բայց նրան հնարավորություն տվեք ապրելու ԻՐ՛ կյանքն ու իր ձևով ներկայանալու...
էս արտահայտության վրա շատ էինք ծիծաղում, երբ փոքր էինք, մեծացանք ու խորքային հասկացանք, թե որքան մարդասեր ու լայնախոհ էր Մայրս... Թումանյանական հումանիզմով լի... որին այդպես էլ չհասկացան ու չճանաչեցին:
Բայց ճիշտն իր է՛ն ասածն էր, որ ով ինչ կա՝ էն էլ կա... ու հա, մարդիկ ԵՐԲԵՔ ՉԵՆ ՓՈԽՎՈւՄ, եթե անգամ՝ ապա դեպի վատը..
Մայրս, օվկիանոս սիրտ ուներ ու տեղ ուներ բոլորի համար, չգիտեմ մեկին, որ չսիրեր նրան:
և...3- ը
3. ՄԵՆԱԿ եմ, ախր ես մենակ եմ...
ու չէի հասկանում, ինչի՞ց է մենակ, ինչու՞ է մենակ կամ ումից՞...
ախր մենք կանք, կա Հայրս, կան իր եղբայրներն ու քույրը(էն ժամանակ բոլորն էլ կային)....
հետո ինքը գնաց՝ անժամանակ, իմ 29 նոր բոլորած գնաց, իր 60-ը կիսատված գնաց, իր ամենաքաղցր տարիքը, կյանքը վերջապես վայելելու պահին՝գնաց, 1 վայրկյանում:
Ալիսիա Կիրակոսյանն ասում էր.
Ինձ հարց են տալիս,
– Հայաստանն ի՞նչ է…
Բայց միթե այդքան հեշտ է բացատրել
Ամբողջությունը,
Մի՞թե հավատը մեկնաբանել է,
Թե ի՞նչ է Աստված…
ես էլ կասեի. մի՞թե կա ԲԱՌ, որը կարող է ամփոփել Սերը, կարոտն ու երախտագիտությունը դեպի մեր Մայրեր...
... էն ամենամեծ երազանքս, որ մարդկանց մեջ մենակ չմնան Մայրերը, կմնա երևի անփարատ:
Բայց երկնքում( ինչպես որ երկրի վրա) նրանք Աստված ունեն...
Անպարագիծ Սերն ունեն, որը մեզ են տվել կյանքով մեկ...
հուսով եմ՝ էլ չունեն միայնություն:
ՄԱՄԱՍ, նոր թխած հացի պես համով ու ջրի պես անհրաժեշտ: Իմ ազնվական Իշխանուհին՝ մաքուր արյամբ ու սրտով»։
Մահացել է «Թիմ Ռեսուրս» ՀԿ-ի նախագահ, REGIONS TV-ի հիմնադիր և ԳԱԼԱ TV-ի նախկին գործադիր տնօրեն Կարինե Հարությունյանը։
«Ցավակցում ենք Կարինե Հարությունյանի հարազատներին, մտերիմներին և լրագրողական համայնքին։ Նրա ներդրումը մարզային լրագրության զարգացման գործում իսկապես անգնահատելի է։
Այս լուսանկարը մեկ ամիս առաջ ենք արել Գյումրիում, երբ տեղի ԶԼՄ-ների ներկայացուցիչների հետ՝ տիկին Կարինեի ակտիվ ներգրավվածությամբ ու հումորով, քննարկում էինք ապագա ծրագրեր»,- նշված է «Հանրային լրագրության ակումբ»-ի էջում՝ հրապարակելով լուսանկար։
Լրագրող Հասմիկ Բուդաղյանը գրել է. «Անցյալ տարի մասնագիտական քննարկումներից մեկի ժամանակ իմացանք, որ Կարինեն անձնական նպատակներով հավաքած գումարն ամբողջությամբ ծախսել էր արցախցիների տեղահանումը, նրանց խնդիրները լուսաբանելու վրա։ Արդյունքում շատ արցախցիներ հասցեական օգնություն ստացան, ինչը նրանց ապրելու և արարելու հնարավորություն տվեց Հայաստանում։
Գործն է անմահ, լա՛վ իմացեք,
Որ խոսվում է դարեդար,
Երնե՜կ նրան, որ իր գործով
Կապրի անվերջ, անդադար…»։
