Ձեր վստահելի աղբյուրը

Մոսկվայի քաղաքային դատարանը կալանքի տակ է պահել գործարար Լևոն Հայրապետյանին: Այս մասին գրում է ԻՏԱՌ-ՏԱՍՍ-ը:

«Բասմանյան դատարանի որոշումը Հայրապետյանին կալանքի տակ պահելու մասին թողնել անփոփոխ, իսկ պաշտպանական կողմի բողոքը չբավարարել»,-ըստ աղբյուրի, ասված է Մոսկվայի քաղաքային դատարանի հայտարարության մեջ: 

Դատական նիստից հետ Հայրապետյանի փաստաբան Հենրի Ռեզնիկը դատարանի որոշումը որակել է «աղաղակող»:

«Նա մեղադրվում է մի հոդվածով, ըստ որի չի կարելի որպես խափանման միջոց ընտրել կալանքը, այդ իսկ պատճառով դա աղաղակող խախտում է: Ես կարող եմ բացատրել այն հանգամանքը, որ Հայրապետյանը շարունակում է մնալ մեկուսարանում, որ ինչ-որ հզոր պատվեր է եղել»,- ասել է նա:

Պաշտպանը նույնպես դատարանի ուշադրությունը հրավիրել է այն փաստի վրա, որ Հայրապետյանի առողջական վիճակը թույլ չի տալիս նրան մնալ մեկուսարանում: Մասնավորապես, Հայրապետյանը սրտի լուրջ խնդիր ունի: Նաև նա երկու անգամ ինսուլտ է տարել:

Ավելի վաղ Հայրապետյանը հրաժարվել էր մասնակցել դատական նիստին, բայց դատարանը որոշել էր, որ գործընթացը չի կարող առանց նրա մասնակցության տեղի ունենալ:

Հիշեցնենք, որ ավելի վաղ Մոսկվայի Բասմանյան դատարանը բավարարել էր հայազգի գործարար Լևոն Հայրապետյանի նկատմամբ որպես խափանման միջոց կալանքն ընտրելու մասին նախաքննական մարմնի միջնորդությունը և որոշել, որ նա պետք է մնա կալանքի տակ մինչև սեպտեմբերի 15-ը: Դատարանը կալանքի մասին որոշումը հիմնավորել էր նրանով, որ ազատության մեջ Հայրապետյանը կարող է օգտագործել իր կապերը ու թաքնվել նախաքննությունից: Բացի այդ, նշված քրեական գործի շրջանակներում դատարանը կալանքի տակ է դրել «Բանեֆթի» ակցիաների վրա, որոնց արժեքը անցնում է 300 մլն ռուբլին: Հայրապետյանը չի ընդունում իր նկատմամբ առաջադրված մեղադրանքը և հերքում է դրանք:

Նշենք, որ հայազգի գործարար և բարերար Լևոն Հայրապետյանին հուլիսի 24-ին ՌԴ քննչական կոմիտեն մեղադրանք էր առաջադրել ՌԴ Քրեական օրենսգրքի 160 (յուրացում և վատնում) ու 174 (փողերի լվացում) հոդվածների հատկանիշներով:

Ըստ նախաքննության, հանցագործությունը, որի վերաբերյալ քրեական գործ է հարուցվել և որի շրջանակներում կասկածվում է նաև Հայրապետյանը, իրականացվել է 2008-ին «ԱՖԿ Սիստեմա»-ին «Բաշնեֆթ»-ի վաճառքի մասին գործարքի ժամանակ, որում ներգրավված է եղել նաև Հայրապետյանը: Նշվում է, որ Հայրապետյանն այդ գործարքից խոշոր չափի գումար է ստացել: Հուլիսի 15-ի երեկոյան, գործարարին Դոմոդեդովո օդանավակայանում ձերբակալելուց հետո, Հայրապետյանի գրասենյակում կատարված խուզարկության ժամանակ առգրավվել են երկու տուփ փաթեթավորված փամփուշտներ:

Նախորդող`
Դատական նիստի ժամանակ Լևոն Հայրապետյանի ինքնազգացողությունը վատացել է
Վլադիմիր Պուտինը Սերժ Սարգսյանին խոստացել է ուսումնասիրել Լևոն Հայրապետյանի հարցը
«Ի պաշտպանություն Լևոն Հայրապետյանի» երթի մասնակիցները նամակներ հանձնեցին պետական մարմիններին (տեսանյութ)
«Ժառանգություն». Լ. Հայրապետյանի նկատմամբ առաջադրված մեղադրանքն ունի քաղաքական ենթատեքստ
Լևոն Հայրապետյանը կալանավայրում կորցրել է գիտակցությունը
Պաշտպանական կողմը բողոքարկել է Հայրապետյանին կալանավորելու մասին դատարանի որոշումը
Լևոն Հայրապետյանի հետ կատարվածի մեջ քաղաքական ենթատեքստ չկա. Փաստաբան
Հայրապետյանի փաստաբանները կբողոքարկեն դատարանի որոշումը (Տեսանյութ)
Պաշտոնական Ստեփանակերտը անտարբեր չէ Լևոն Հայրապետյանի հետ կատարվածին