Ձեր վստահելի աղբյուրը

Քանդակագործ և նկարիչ Մարիամ Հակոբյանը ստեղծում է այնպիսի մշակութային արժեքներ, որոնք զարդարում են ոչ միայն Հայաստանի, այլև Լիտվայի, Ավստրիայի, Չինաստանի, Արաբական Միացյալ Էմիրությունների բազմաթիվ քաղաքներ: Մարիամ Հակոբյան քանդակագործը ստեղծում է անհանգիստ ու դինամիկ արվեստ, որ, իր իսկ բնորոշմամբ, արդյունքն է ժամանակահատվածի, տարածաշրջանի ու, իհարկե, իր պահանջկոտ ու անհանգիստ խառնվածքի:

Նա աշխարհում հայտնի է իր բրոնզե քանդակներով և հուշարձաններով: Մասնակցել է բազմաթիվ ցուցահանդեսների, քանդակագործության գծով սիմպոզիումների և Հայաստանում, և արտասահմանում:

«Նախ ասեմ, որ ես ստեղծել եմ գործեր ամենատարբեր նյութերից` քար, մետաղ, կերամիկա… Երբեմն տարբեր նյութեր համադրել եմ մի քանդակի մեջ: Բայց բրոնզե քանդակները գերակշռում են, որովհետև ինձ գրավում է այդ նյութի ներքին ջերմությունը, ինչպես նաև դրա հետ աշխատելու բարդությունը: Բրոնզը թույլ է տալիս, որ ես ամբողջությամբ բացվեմ, արտահայտեմ իմ մտքերը: Ինչ վերաբերում է փոքր չափի բրոնզե քանդակներին, ապա դրանք իրագործման համար մեծ գումարներ ու պատվիրատու չեն պահանջում: Իսկ իրականում ես էությամբ մոնումենտալիստ եմ ու սիրում եմ մեծ գործեր ստեղծել: Պարզապես դրանց համար հատուկ պատվեր է պետք, որ հազվադեպ է լինում, թեպետ ես բազմաթիվ մոնումենտալ քանդակներ ունեմ տեղադրված արտերկրում, ինչպես նաև Հայաստանի մի շարք քաղաքներում:...

Քանդակագործությունը նախանշված է եղել ինձ համար: Այն գրավել է ինձ որպես մտքերի ու հույզերի արտահայտման ձև, թեև գործեր եմ ստեղծել նաև արվեստի այլ տեսակներում` գրաֆիկա, կարպետ, գեղանկարչություն, խեցեգործություն:…

Ինձ հետաքրքրող թեմաները բազմազան են: Ունեմ գործեր կյանքից վերցրած թեմաներով, գործեր, որ արտահայտում են կնոջ ներաշխարհը, նրա մարմնի պլաստիկան: Այդ քանդակներում արտաքին ֆորմայի մեջ արտահայտվում է կանացի հոգին, որ ոչ ոք ավելի լավ չի կարող զգալ, քան հենց կինը: Ունեմ բազմաթիվ խոհափիլիսոփայական գործեր, որոնց միջոցով փորձում եմ մարդկանց խորհել տալ կյանքի, իրականության, տիեզերքի կառուցվածքի ու տիեզերքում մարդու դերի մասին:…

Բոլոր ժամանակներում էլ արվեստը ծառայում է այն նպատակին, որ մարդիկ առնչվեն գեղեցիկի հետ: Ուրիշ բան, որ ժամանակները հիմա չափազանց բարդ են, և մարդիկ միշտ չէ, որ կարողանում են արվեստի գործեր ձեռք բերել: Այսպես է ողջ աշխարհում. նրանք, ովքեր սիրում ու գնահատում են արվեստը, մեծամասամբ համապատասխան գումար չունեն, և հակառակը, գումար ունեցողների ճնշող մեծամասնությանը արվեստը քիչ է հետաքրքրում» (աղբյուր՝ http://lararaqelyan.wordpress.com):

Հայկական արվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները`

Բախում և հետևանքներ... Արշակ Նազարյան (լուսանկարներ)

Մոնումենտալ քանդակագործության լավագույն վարպետներից… Սուրեն Նազարյան (լուսանկարներ)

«Արվեստին լուրջ չեն վերաբերվում, բացիթողի վիճակ է»... Գարիկ Կարապետյան (լուսանկարներ)

Արթուր Փինաջյան... Անհայտության մեջ մնաց մինչև մահը(լուսանկարներ)

Մանկավարժ-նկարչուհի… Գայանե Միքայելյան (լուսանկարներ)

Դասական արվեստագետ… Գագիկ Ղազարյան (լուսանկարներ)

Աբստրակտ նկարիչ… Համլետ Հովսեփյան (լուսանկարներ)

Արդյո՞ք արվեստի գործը մեր արտացոլանքն է, թե՞մենք ենք նրա արտացոլանքը... Աշոտ Ավագյան (լուսանկարներ)

Պահի նկարչություն… Մարիամ Համբարյան (լուսանկարներ)

«Վրձինն ու նկարիչը հոգու թելադրանքով են գործում»… Սարգիս Գարուկյան (լուսանկարներ)

Սիրամարգե տիկինը... Սիրուն Երիցյան (լուսանկարներ)

Աբստրակտ նատուրալիզմի հիմնադիր… Արթուր Օշականցի (լուսանկարներ)

Ես երջանիկ եմ... Անատոլի Ավետյան (լուսանկարներ)

Գույնը կյանք է, գույներով եմ ես խոսում. Ալեքսանդր Սադոյան (լուսանկարներ)

Բանաստեղծական խոսքով սփոփել մարդկանց, գեղանկարչության միջոցով բարիացնել կյանքը... Արևշատ Ավագյան (լուսանկարներ)

Պրոֆեսոր նկարիչ... Հրայր Գրիգորյան (լուսանկարներ)

Մանրանկարչության և արդի գեղանկարչության ավանդույթների միահյուսում... Արկո Բաղդասարյան (լուսանկարներ, տեսանյութ)

Դոցենտ նկարիչ... Վարդգես Գուլիկյան (լուսանկարներ)

Չուբարյանի ու Արծրունյանի սանը... Խաչիկ Հարությունյան (լուսանկարներ)

Բազմաժանր աշխատանքների հեղինակ...Վիկտոր Գրիգորյան (լուսանկարներ, տեսանյութ)

«Նայելով նկարներին` ակամայից հիշում եմ Բակունցի խոսքերը»… Մելքոն Հովհաննիսյան (լուսանկարներ)

Բազմաժանր նկարիչ... Պետրոս Մալայան (լուսանկարներ)

«Ես ինձ հիմա որպես մարդ ու արվեստագետ, տնային կալանքի եմ դատապարտել»... Զուլում Գրիգորյան (լուսանկարներ)

Երգիծանկարչության հիմնադիրը Եգիպտոսում… Ալեքսանդր Սարուխան (լուսանկարներ)

Իրենից սփռում է բարություն, գեղեցիկն ընկալելու անհագ ցանկություն… Ստեփան Մինասյան (լուսանկարներ)

«Հայրենիքը երազ էր ինձի համար»... Գրիգոր Նորիկյան (լուսանկարներ)

Մայրություն, անմեղություն, բարություն, կարոտախտ... Բյուզանդ Կոճամանյան (լուսանկարներ)

Իրապաշտական, սեզանական-կուբիստական պատկերային մտածողությունից մինչև սյուրռեալիզմ... Ռիշար Ժերանյան (լուսանկարներ)

Նկարիչ, քանդակագործ, կավագործ, դիզայներ և դասախոս… Լևոն Ժամկոչյան (լուսանկարներ)

Այնթափ, Սիրիա, Փարիզ… Բյուզանդ Թոփալյան (լուսանկարներ)

Ռեալիստական բնանկարների, կենցաղային պատկերների վարպետ ... Մանուել Թոլեկյան (լուսանկարներ)

«Պոպուլիստ» սալոնի առաջին մրցանակակիր... Արմիս (լուսանկարներ)