Ձեր վստահելի աղբյուրը

«Որոշում եմ ընդունում, բերան չեմ փակում: Իմ որոշումը, մտքերը ոչ թե նրան են, որ բերան փակվի, այլ գործ արվի, ով սխալ է արել, պետք է քանդի ու վերականագնի այնպես, ինչպես որ եղել է»,- այսպիսին էր «Հայնախագիծ» ԲԲԸ տնօրեն (կոնստրուկտոր) Գրիգոր Ազիզյանի արձանագանքը Panorama.am-ի հարցին, թե նախօրեին մշակույթի նախարարության գիտամեթոդական խորհրդի նիստում ընդունված եզրակացությունը Փակ շուկայի համար արդյո՞ք բավարար հիմք է, որպեսզի կառուցապատողը դադարեցնի ապօրինի շինարարությունը, թե հերթական անգամ «բղոքողների բերանը փակելու միջոց է», ինչպես պնդում են շատերը:

Նա նաև համոզված ասած, որ շինարարությունն այս պահին կանգնեցված է: Իսկ եթե այսուհետ շինարարական աշխատանքներ ընթանան, ապա դրա պատասխանատուն քաղաքապետարանն է. «Քաղաքապետարանի սուրբ գործն է թույլ չտալ անօրինական շինարարությունը»: Գ. Ազիզյանը տեղեկացրեց, որ դատախազությունը պատրաստում է գործ հարուցել:

Հիշեցնենք, որ նախօրեին մշակույթի նախարարությունում կայացել է գիտամեթոդական խորհրդի հերթական նիստը, որի ընթացքում Երևանի Մաշտոցի պողոտայի Կենտրոնական ծածկած շուկայի հարցի վերաբերյալ մասնագիտական եզրակացություն է տրվել` իրականացնել նախագծով նախատեսված Կենտրոնական ծածկած շուկայի հետնամասի պահպանված պատերի վերականգնման, ուժեղացման, ամրակայման, ինչպես նաև նորակառույց ծավալի երկաթբետոնյա հիմնական հատվածի ապամոնտաժման աշխատանքները նախագծով ներկայացված և խորհրդի կողմից որոշված ընդունելի ծավալով: Վերոնշյալ աշխատանքների ավարտից հետո մշակել շուկայի վերականգնման նախագիծը՝ շինության տեխնիկական վիճակի մասին նոր եզրակացության հիման վրա և այն սահմանված կարգով ներկայացնել ՀՀ մշակույթի նախարարության համաձայնեցմանը:

Ներկայացնում ենք գիտամեթոդական խորհրդի մասնակիցներին (անդամներ և հրավիրածներ)

1. Սամուելյան Արև - ՀՀ մշակույթի նախարարի տեղակալ (գիտամեթոդական խորհրդի նախագահ, ճարտարապետ)
2. Գրիգորյան Արտյոմ - ԵրՃՇՊՀ դասախոս (ճարտարապետ)
3. Սարգսյան Արմենակ - ՀՀ մշակույթի նախարարության մշակութային ժառանգության և մշակութային արժեքների վարչության պետ
4. Առուշանյան Դորվարդ – Պատմության և մշակույթի հուշարձանների գործակալության վերականգնման բաժնի պետ
5. Հովսեփյան Աշոտ - Պատմության և մշակույթի հուշարձանների գործակալության վերականգնման բաժնի գլխ. մասնագետ
6. Առաքելյան Սերժիկ - պատմաբան
7. Ազիզյան Գրիգոր - «Հայնախագիծե ԲԲԸ տնօրեն (կոնստրուկտոր)
8. Մինասյան Մկրտիչ - Ճարտարապետների միության նախագահ
9. Մանասյան Աշոտ - Ճարտարապետ վերականգնող
10. Նալբանդյան Գրիգոր - Մայր Աթոռ Սուրբ Էջմիածնի գլխ. ճարտարապետի տեղակալ
11. Սանամյան Հովհաննես - «Պատմական ժառանգության գիտահետազոտական կենտրոնե ՊՈԱԿ, /ճարտարապետության դոցենտ/
12. Բարսեղյան Լավրենտի – ԵՊՄՀ մշակութաբանության և թանգարանագիտության ամբիոնի վարիչ
13. Զուրաբյան Ալբերտ - ճարտարապետ
14. Հակոբյան Կարինե - Պատմության և մշակույթի հուշարձանների գործակալության Երևանի տարածքային բաժնի գլխավոր մասնագետ, գիտամեթոդական խորհրդի քարտուղար
15. Ղաֆադարյան Կորյուն -«Պատմական ժառանգության գիտահետահետազոտական կենտրոնե ՊՈԱԿ-ի փոխտնօրեն
16. Եգանյան Գագիկ - «Հուշարձանների վերականգնման կենտրոնե ՓԲԸ-ի տնօրեն
17. Արմեն Աբրոյան - Պատմության և մշակույթի հուշարձանների գործակալության պետ
18. Կարո Այվազյան - Պատմության և մշակույթի հուշարձանների գործակալության Երևանի տարածքային բաժնի պետ
19. Նալբանդյան Ստեփան - վերականգնող ճարտարապետ
20. Արտավազդ Նազարեթյան - Մայր Աթոռ Սուրբ Էջմիածնի գլխավոր Ճարտարապետ
21. ՍուրենՄելիք-Քարամյան - Երևանի քաղաքապետարանի գլխավոր մասնագետ
22. Հրաչիկ Պողոսյան - Երևանի ավագանու անդամ
23. Արտակ Ղուլյան - վերականգնող ճարտարապետ
24. Լիլիթ Գալստյան - Ազգային Ժողովի պատգամավոր

Լիլիթ Գալստյանից ուզում էինք ճշտել իր դիրքորշումը կայացված որոշման վերաբերյալ ու պարզվեց, որ ոչ թե խորհրդի անդամ է, այլ ուղղակի «շահագրգիռ կողմ»: Ի դեպ, նախարարության տրամադրած ցանկում Լիլիթ Գալստյանը ներկայացված է որպես Ազգային ժողովի պատգամավոր, մինչդեռ 2012 թ. խորհրդարանակն ընտրություններից հետո նա այլևս պատգամավոր չէ: Նախարարության նման «անփույթ» վերաբերմունքը արդեն շատ բանի մասին է վկայում:

Նախորդող նորություններ`
ՄԻՊ գրասենյակը կրկնակի գրությամբ դիմել է Երևանի քաղաքապետին` Փակ շուկայի հարցով
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1
Փակ շուկա… Մինչ նախագիծը քննարկվում է, «վանդալը բարբարոսաբար ոչնչացնում է հուշարձանը»