Հակոբյան. Թող որևէ մեկը Ծածկած շուկայի խնդրի մեջ վերջակետ չփորձի դնել, այն պետք է բերվի նախկին տեսքին
Շինարարական ապօրինությունների դեմ պայքարը լակմուսի թղթի նման ցույց է տալիս կառավարման համակարգի խորը խոցերը, ասում է «Նախախորհրդարանի» համակարգող Գարեգին Չուգասզյանը: «Վիշապը բազմագլուխ է: Շատերը կարծում են, որ վիշապի մի գլուխը կտրող պայքարն անօգուտ է, որովհետև նոր գլուխներ կաճեն: Բայց հենց պայքարի ընթացքում նոր գործիքներ են գտնվում վիշապի ամբողջ հարցը լուծելու համար: Առանց պայքարելու, երբեք ամբողջական հաղթանակ չի կարող լինել»,- այսօր լրագրողների հետ հանդիպմանն ասաց նա:
Գարեգին Չուգասզյանը նկատեց, որ նոր գործիքներ են կիրառվում հասարակական ակտիվությունը ճնշելու համար, փորձում են կեղծել քաղաքացիական շարժումը. «Սա արվում է մի ուժի կողմից, որը հայտնի է իր կեղծիքներով:
Փորձում են հասարակությանը հուսահատեցնել, որ վարչակազմին զսպելու ի վիճակի քաղաքացիական հասարակությունն է խեղդվելու, որ մարդիկ չկարողանան կոմնորոշվել՝ ով ով է: Մեր հասարակության որոշ անդամների նկատմամբ բարոյական հանցագործություններ են կատարվում՝ կանանց նվաստացնելով, պարեցնելով, այծեր բերելով: Գործ ունենք հասարակության տականք շերտերի հետ, քրեական տեսակի հետ»:
«Նախախորհրդարանի» անդամ Վարդան Հակոբյանն էլ հայտարարեց. «Թող տպավորություն չստեղծվի, թե մենք ընկած փնտրում ենք որտեղ է ապօրինի շինարարություն գնում, մենք արձագանքում ենք բնակիչների ահազանգերին»:
Նա վստահություն հայտնեց, որ ամենօրյա երթերով հասնելու են նրան, որ Ծածկած շուկան բերվի իր նախկին տեսքին: «Մշակույթի նախարարն ասում է հոգնել է Ծածկած շուկայից: Հոգնելուց մարդ չի ազատվում իր պարտականություններից: Այս դեպքում Մշակույթի նախարարը չի ազատվում այդ հանցագործությունների շարքի իր բաժին պատասխանատվությունից: Թող որևէ մեկը այս խնդրի մեջ վերջակետ չփորձի դնել, այս խնդիրը պետք է լուծում ունենա: Իսկ լուծումը մեկն է, այն պետք է բերվի իր նախկին տեսքին և վերադարձվին հանրությանը»,- շեշտեց Վարդան Հակոբյանը:
Գարեգին Չուգասզյանն էլ նշեց, որ «Երևան Սիթին» այսօր հավակնում է վերցնել երևանյան ամբողջ շուկան իր ձեռքը. «Մենաշնորհված դիրքերն են բացահայտվում այսպիսով, իսկ փոքր և միջին բիզնեսի հատվածը վերցվում է, մարդիկ են սնանկացվում, մարդիկ զրկվում են վերջին փշրանքներից»:
«Նախախորհրդարանի» անդամները հայտարարեցին, որ պայքարը չի դադարեցվի, իսկ գործիքների ամբողջ զինանոցը դեռ չեն բացել: Նրանք հայտնեցին, որ շուտով սկսելու են նաև պայքար ծավալել իրավական դաշտում, այս պահին փաստաբանների խումբը զբաղվում է դրանով:
Նյութեր թեմայով՝
Ծածկած շուկայի տարածքում առևտրի թույտվություն, շահագործման ակտ տրամադրելը կխախտի օրենքը. Ազիզյան
Բացառիկ ապօրինություն. «Ծածկած շուկան իրավական վակուումի մեջ է հայտնվել»
«Փակ շուկա». Օրենքի հերթական ոտնահարումը. Կտրվի՞ կամ տրվե՞լ է ավարտական ակտ ապօրինի շինությանը
«Փակ շուկան» բաց է. Ներսում` մի փոքր շուկա ու մի մեծ սուպերմարկետ (տեսանյութ)
«Փակ շուկայի» «բացմանն ընդառաջ»… «Տեղի են ունեցել շատ հմուտ մանիպուլյացիաներ»
ՄԻՊ.Փակ շուկայում շարունակվող ապօրինությունների համար առաջին հերթին պատասխանատու է ոստիկանությունը
Մշակույթի նախարարությունը` Թումանյանի կկվի դերում
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
