Ձեր վստահելի աղբյուրը

Համազգային պետական թատրոնի կառուցման համար թատրոնի տնօրինությունը հայտարարում է համազգային դրամահավաք: Լրագրողների հետ հանդիպման ժամանակ ասաց թատրոնի տնօրեն Վարդան Մկրտչյանը:

«Տևական ժամանակ է մենք ունենք մեր շենքի խնդիրը: Տևական ժամանակ է չենք կարողանում լուծել այդ խնդիրը գումարի պատճառով: Թատրոնի գեղարվեստական ղեկավար Սոս Սարգսյանի մահից հետո այս հարցը մի քիչ լռեց, բայց այս պահից սկսած համարում եմ Համազգային թատրոնի համար նոր ընթացք. սկսվում է Սոս Սարգսյան մշակութային հիմնադրամի ակտիվ գործունեությունը, հայտարարում եմ համազգային դրամահավաք Համազգային թատրոնի շենքը կառուցելու համար»,- նշեց թատրոնի տնօրենը:

Նա հույս հայտնեց, որ թե պետության, թե անհատների կողմից կլինի լուրջ աջակցություն. «Թատրոնը նախ և առաջ ստեղծված է ծառայելու ժողովրդին»:

Վ. Մկրտչյանը նշեց, որ դեռևս պետական բյուջեից թատրոնի կառուցման համար միջոցներ չեն հատկացվել: Նրա ներկայացմամբ, շենքի կառուցման առաջին փուլի համար անհրաժեշտ է 60 միլիոն դրամ:

Նշենք, որ շենքի նախագծի հեղինակն է ճարտարապետ Լևոն Ղալումյանը:

Նախորդող հրապարակումներ՝

Համազգային թատրոնի կառուցումը ձգձգվում է ֆինանսական խնդիրների պատճառով

Համազգային թատրոնի համար կառուցվելիք շենքը իրենից ներկայացնելու է կանաչապատ հարթություններ. «Մենք այստեղ շենք չենք դնում»

«Համազգային» թատրոնի շենքը կառուցվելու է ճարտարապետ Լևոն Ղալումյանի արվեստանոցի ներկայացրած էսքիզով

«Համազգային» թատրոնի շենքի էսքիզային նախագծի մրցույթն ավարտվել է. հաղթած երեք նախագծերից դեռ պետք է ընտրեն

«Համազգային» թատրոնի շենքի նախագծի մրցույթ է հայտարարված

«Համազգային» թատրոնն այլևս չի ուզում «թափառել». «Վաստակել ենք սեփական շենք ունենալու իրավունքը» (լուսանկարներ)