Ձեր վստահելի աղբյուրը

Շենքի տեղափոխումը կատարվում է միայն այն դեպքում, երբ դա անխուսափելի է, ասենք՝ ջրամբար է կառուցվում: Աֆրիկյանների ակումբի շենքի դեպքում խոսում են, որ միջավայրից դուրս է շենքը և այլն, սրանք հիմնավորումներ չեն տեղափոխման համար: Այսօր լրագրողների հետ հանդիպման ժամանակ անդրադառնալով Աֆրիկյանների ակումբի շենքի քանդման և տեղափոխման հարցին նման դիտարկում արեց ճարտարապետ Արսեն Կարապետյանը:

Խոսելով ակտիվիստների պայքարից և նրանց գործողություններից՝«Իրավունքի գերակայություն» ՀԿ համահիմնադիր Արտակ Զեյնալյանը նշեց, որ եթե քաղաքացիները դիմում են շենքի տեղափոխման դեմ նման քայլերի, ապա սա պետք է ազդակ լինի իշխանություններին, որ վերանայեն Աֆրիկյանների շենքի հետ կապված որոշումը:

Հանդիպմանը ներկա «Պահպանենք Աֆրիկյանների ակումբի շենքը» քաղաքացիական նախաձեռնության անդամ Սիփան Փաշինյանն էլ ավելացրեց, որ իրենց պայքարը շարունակական է լինելու և քրեական հոդվածները իրենց չեն կաշկանդի ոչ մի դեպքում:

Ճարտարապետ Արսեն Կարապետյանն էլ ավելացրեց, որ նման ձևով քանդվել են մշակութային արժեք ներկայացնող այլ շենքեր, ինչպիսիք էին «Երիտասարդական պալատը», «Սևան» հյուրանոցը, սակայն ոչ մի նախագիծ չներկայացվեց, թե ինչ է կառուցվելու դրանց փոխարեն. «Իսկ հիմա նույնը կարելի է տեսնել Աֆրիկյանների ակումբի շենքի պարագայում, ոչ ի հստակ նախագիծ չկա, ինչ է արվելու և ուր է տեղափոխվելու»:

Հարակից հրապարակումներ`

Ճարտարապետն` Աֆրիկյանների շենքի ապամոնտաժման և Երևանի աղավաղված պատմության մասին

«Անորակ դեկորացիա, բուտաֆորիա, աբսուրդ…». Աֆրիկյանների շենքի տեղափոխման մասին

«Աֆրիկյանների տուն» հուշարձան-շենքը տեղափոխելու է «Հին Երևան» պատմաճարտարապետական թաղամաս

Աֆրիկյանների տունը կազմելու է «Հին Երևան» նախագծի մաս

Նախարարություն. Ներկայում Աֆրիկյանների շենքում իրականացվում են հուշարձանի գլխավոր ճակատի երեսաքարերի համարակալման աշխատանքները

 «Զամասկած» Հին Երևան. Քարերն «աղմկում» են, բայց այն դեռ ծրագիր է

Աֆրիկյանների հնագույն շենքը ոչնչացվում է, իսկ քաղաքապետարանը` լռում