Ահազանգ. Աֆրիկյանների շենքի քարերը հանում են, իսկ բակի կողմը ցանկապատում
«Պահպանենք Աֆրիկյանների ակումբի շենքը» նախաձեռնությունը ահազանգ է ստացել բնակիչներից, որ ճարտարապետն ու մի քանի բանվոր նորից Աֆրիկյանների բակում են ու աշխատանքներ են իրականացնում:
«Բոլորս գնում ենք այդ անօրինականությունը կանխելու»,- նշված է նախաձեռնության ակտիվիստների տարածած հաղորդագրության մեջ:
«Ֆեյսբուք» սոցիալական ցանցի խմբում նախաձեռնության համակարգող Սոնա Ասատրյանը քիչ առաջ նաև հայտնել է, որ քարերը հանում են, իսկ բակի կողմը ցանկապատում:
Նշենք, որ այսօր երեկոյան շենքի ապամոնտաժման դեմ երթ է լինելու:
Նախաձեռնության հայտարարության մեջ ասվում է.
«Աֆրիկյանների ակումբի շենքը հանրապետական նշանակության ճարտարապետական հուշարձան է, պետք է լինի հանրության սեփականությունը: Հունիսի 17-ի առավոտյան արդեն իսկ մեկնարկեցին շենքի քանդման անօրինական աշխատանքները, որոնք կասեցվեցին ակտիվիստների և մշակույթի նախարարության միջամտությունից հետո միայն:
Քանդումը հակասում է Եվրոպական ճարտարապետական ժառանգության պաշտպանության կոնվենցիային, որի 5-րդ հոդվածը հստակ ասում է, որ հուշարձանները տեղափոխելն արգելվում է, և թույլատրելի է միայն այն պարագայում, երբ հուշարձանի գոյությանը վտանգ է սպառնում:
Հայաստանը միացել է կոնվենցիային՝ այդպիսով ամրագրելով հուշարձանների հանդեպ ստանձնած պետական պատասխանատվությունը:
ԱՖրիկյանների ակումբի շենքն ունի մոտ 130 տարվա պատմություն: Այն հայ մտավորականների հավաքատեղին է եղել 20-րդ դարասկզբին, իսկ այսօր քաղաքի դասական ճարտարապետության մասին վկայող վերջին հուշարձաններից մեկն է:
Հուշարձանը նախատեսվում է ներառել «Հին Երևան» անիրական նախագծի մեջ, որը վերջին 10 տարիներին միայն թղթերի վրա է ուրվագծվում, մինչ շատ կանգուն հուշարձաններ քանդվում են՝ մի օր վերակառուցվելու սուտ խոստումով»:
Նախորդող հրապարակումներ`
Աֆրիկյանների շենքի ապամոտնաժումը` առանց թույլտվության. ակտիվիստները հերթապահում են
Աֆրիկյանների շենքը ծածկած պաստառի հետևում բանվորներ են աշխատում (Լուսանկարներ)
Ճարտարապետ. Աֆրիկյանների ակումբի շենքի տեղափոխման պատճառները հիմնավորված չեն
Ճարտարապետն` Աֆրիկյանների շենքի ապամոնտաժման և Երևանի աղավաղված պատմության մասին
«Անորակ դեկորացիա, բուտաֆորիա, աբսուրդ…». Աֆրիկյանների շենքի տեղափոխման մասին
«Աֆրիկյանների տուն» հուշարձան-շենքը տեղափոխելու է «Հին Երևան» պատմաճարտարապետական թաղամաս
Աֆրիկյանների տունը կազմելու է «Հին Երևան» նախագծի մաս
«Զամասկած» Հին Երևան. Քարերն «աղմկում» են, բայց այն դեռ ծրագիր է
Աֆրիկյանների հնագույն շենքը ոչնչացվում է, իսկ քաղաքապետարանը` լռում
Լրահոս
Տեսանյութեր
Հովհաննես Ավետիսյան. Ոստիկանությունը գտնվում է պատանդի կարգավիճակում
