Ձեր վստահելի աղբյուրը

Այսօր արդեն երկու մեքենայով տեղափոխել են Աֆրիկյանների ակումբի շենքի ապամոնտաժված քարերը: Շենքի ֆասադի վերևի հատվածից մեծ թվով քարեր հանված են, իսկ աշխատանքներն էլ շարունակվում են:

Panorama.am-ի պատրաստած տեսանյութում երևում է, թե ինչպես է շենքի փակ տարածքից դուրս գալիս քարերով բեռնված մեքենան, իսկ ոստիկանության աշխատակիցներն ապահովում են մեքենայի ընթացքը, որպեսզի քաղաքացիները չխանգարեն տեղափոխել առանց համապատասխան որոշման ապամոնտաժված հուշարձանի քարերը:

Քաղաքացիների դիտարկումներին, որ Մշակույթի նախարարությունը պաշտոնական գրությամբ պահանջել է անհապաղ դադարեցնել ապամոտնաժումը, ոստիկանության ներկայացուցիչը պատասխանեց, որ վստահ չէ գրության իսկության մեջ: Հարցին` ճշտել եք, նա արձագանքեց. «Դուք ճշտեք»:

«Հարգելի ոստիկան, հուշարձանը քանդում են, տեսեք»,- քաղաքացու այս խոսքին էլ արձագանքն այսպիսին էր,- «Դուք տեսեք»:

«Պահպանենք Աֆրիկյանների ակումբի շենքը» նախաձեռնության անդամ Մայա Բարխուդարյանը Panorama.am-ի թղթակցին պատմեց, որ իրենք առավոտյան ահազանգել են իրավապահ մարմիններին, ոստիկանները եղել են տեղում, սակայն գործ չեն հարուցել` նշելով, թե ապօրինություն չկա:

Նա հավելեց, որ փաստորեն ոստիկանությունն անգործություն է դրսևորում:

Քաղաքացիներից Արման Ապատյանն էլ նկատեց, որ ոստիկանության ներկայացուցիչները ապահովում են քարերով բեռնված մեքենայի դուրս գալը, մինչդեռ իրենց ահազանգի հետքերով այդպես էլ ընթացք չտրվեց:

Մանրամասն` Panorama.am-ի տեսանյութում:

Լուսանկարները` այստեղ:

Նախորդող հրապարակումներ`

Աֆրիկյանների շենքը նորից ապամոնտաժում են. «Մի գազել քար տարան»

Մշակույթի նախարարը Աֆրիկյանների շենքի համար պայքարող քաղաքացիների մոտ չի իջել

Աֆրիկյանների շենքի ապամոնտժաժումը` հանցագործություն իրավապահների աչքի առաջ

Աֆրիկյանների ակումբի շենքի ֆասադային մասում վերսկսվել են առանց թույլտվության աշխատանքները

Ինչ է կատարվում Աֆրիկյանների շենքի ներսում (Տեսանյութ)

Աֆրիկյանների ակումբի շենքի ֆասադից քարեր են հանում

«Հին Երևան» նախագծի հեղինակի վերաբերմունքը` մի քանի հարցի պատասխանով