Ձեր վստահելի աղբյուրը

Աֆրիկյանների ակումբի շենքի տարածքը կառուցապատողին հանձնելու մասին քաղաքապետարանի համապատասխան որոշումը վիճարկող հայցը վարույթ ընդունելու կամ մերժելու դատարանի որոշումը դեռ չի ստացվել: Այս մասին Panorama.am-ի թղթակցին հայտնեց Հայաստանի հելսինկյան կոմիտեի փաստաբան Ռոբերտ Ռևազյանը:

«Հնարավոր է փոստով ուղարկել են, դեռ չի հասել: Ենթադրում եմ, որ կլինի, արդեն կստանանք այսօր: Չնայած մտածում էի, որ շուտ կլինի»,- ասաց նա:

Վարչական դատարանը մինչև հուլիսի 8-ը ժամանակ ուներ որոշում կայացնելու համար:

Նշենք, որ սա «Պահպանենք Աֆրիկյանների ակումբի շենքը» քաղաքացիական նախաձեռնության անունից Հայաստանի հելսինկյան կոմիտեի և «Ուրբանլաբ Երևան» ՀԿ-ի երկրորդ հայցն էր ներկայացված դատարան: Կառավարության որոշումը, ըստ որի Աֆրիկյանների ակումբի շենքը ենթակա է տեղափոխման, Վարչական դատարանը մերժել էր վիճարկել: Քաղաքապետարանի մասով դատարանին ներկայացված երկրորդ պահանջն էլ վերադարձվել էր:

Նկատենք, որ մինչև դատարանը քննարկում էր ներկայացված հայցերը, շենքն արդեն մի քանի օր է` ամբողջությամբ քանդվել է: Միայն ֆասադն ապամոնտաժվեց, իսկ մյուս հատվածները պարզապես քանդեցին ու վերածեցին հողի:

Հարակից հրապարակումներ`

«Աֆրիկյանների ակումբից» մնաց փոշին ու աղբը. Լուսանկարներ

Աֆրիկյանների շենքի քանդման փաստով հանցագործության մասին հաղորդմանը դեռ պատասխան չկա

Աֆրիկյանների շենքի հետ կապված նորից հայց է ներկայացվել դատարան

Վարչական դատարանը մերժել է վարույթ ընդունել Աֆրիկյանների ակումբի վերաբերյալ հայցը

Դատարանը դեռ վարույթ չի ընդունել Աֆրիկյանների շենքի գործով հայցը

Աֆրիկյանների շենքի ֆասադի զգալի մասն արդեն չկա (Տեսանյութ)

Նախարարությունը փորձում է պարզաբանել Աֆրիկյանների շենքի «քանդումն ու տեղափոխումը»