Ամենից շատ կարդացված նյութեր
.png "Զինվորական ողջույն է, բայց խոնարհման վերաբերյալ պնդման հետ համաձայն չեմ. ՊՆ մամուլի քարտուղարը՝ կուրսանտների՝ գլխավոր դատախազին ողջունելու մասին")
Զինվորական ողջույն է, բայց խոնարհման վերաբերյալ պնդման հետ համաձայն չեմ. ՊՆ մամուլի քարտուղարը՝ կուրսանտների՝ գլխավոր դատախազին ողջունելու մասին
ՀՀ Գլխավոր դատախազությունը տեսանյութ է տարածել այն մասին թե ինչպես է Աննա Վարդապետյանը ցամաքային զորքերի ինստիտուտի կուրսանտների հետ Վարպետաց դաս անցկացնում։ Տեսագրությունից երևում է թե ինչպես են կուրսանտները ողջունելիս մի պահ խոնրահվում գլխավոր դատախազի առաջ, վերջինս էլ ձեռքերով հորդորում է նստել։
Մարքեթոլոգ, գործարար Հարություն Մնացականյանը ֆեյսբուքի իր էջում արձագանքել է այդ երևույթին՝ գրելով.
«Դիմում եմ բոլոր լրատվականներին` լինեն իշխանամետ , թե՞ հակաիշխանական։ Տեսանյութ է ընկել աչքովս, որտեղ երկրի տիկին դատախազուհին մտնում է լսարան (երևի ռազմական ինստիտուտի) , որտեղ զինվորները նրան ողջույնի խոսք ասելով խոնարհվում են։ Հիմա հարցս բոլոր պատասխանատուներին։ Արա էդ շարային ո՞ր կանոնադրության մեջ կա նման բան գրված , որտե՞ղ է այդ գրողի տարած կետը։ Նույնիսկ երկրի գերագույն գլխավորի առջև պատվի առնելիս , թե ողջույնի խոսք ասելիս զինվորականը ավելի ձիգ ու արժանապատիվ կեցվածքով է կանգնում։
ՀՀ ԶՈւ զինվորականը խոնարհվում է միայն բացառապես մի դեպքում` զոհվածի հուշարձանի , զոհվածի դիակի ու երբեմն մեռելի առաջ։ Հիմա էդ ձեր անձնակազմից ո՞րդ էր սեղանին դրված։ Հիմա լրագրողներ ջան խնդրում եմ պարզեք , շարային կանոնադրությանը հակասող այդ իմպրովիզ-հրամանը` զինվորականի արժանապատվությունը վիրավորող, ո՞վ է տվել, ո՞ր մի ուսադիրով ստահակը»։
Պարզաբանումների նպատակով Panorama.am-ը դիմեց ՀՀ ՊՆ մամուլի քարտուղար Արամ Թորոսյանին։
«Զինվորական ողջույն է, բայց խոնարման մասին պնդումը չեմ հասկանում, որտեղից են վերցրել, որ խոնարհվում են։ Կարծում եմ ինչ-որ մի պահ թերի են նկատել, այնտեղ խոնարհվելու դրվագ չկա, խնդրում եմ առավել ուշադիր նայել տեսանյութը։ Զինվորական ողջույն է, բայց խոնարհման վերաբերյալ ձեր պնդման հետ համաձայն չեմ»,-պատասխանեց ՀՀ ՊՆ մամուլի քարտուղարը։
Studio One