Ձեր վստահելի աղբյուրը

Նախօրեին Աֆրիկյանների ակումբի շենքի մեծ թափով ընթացած ապամոնտաժումն այսօր ևս շարունակվում է: Շենքի ֆասադի զգալի մասն արդեն չկա: Ոստիկանությունը հսկում է շենքի մոտ, մարդկանց թույլ չեն տալիս մտնել բակային տարածք: Նշենք, որ շենքում ապրող երկու ընտանիք դեռ այնտեղ են:

Նախօրեին Panorama.am-ի հետ զրույցում Պատմության և հուշարձանների պահպանության գործակալության Երևանի տարածքային բաժնի պետ Կարո Այվազյանն ասել էր, որ ապամոնտաժումն իրականացնող ընկերությունն իրենց արդեն փոխանցել է բոլոր փաստաթղթերն ու իրենք էլ սահմանել են հսկողություն:

Նկատենք, որ մինչ այդ շենքի ապամոնտաժումն անօրինական ընթանում էր, երեք օր շարունակ նախարարության ներկայացուցիչները գալիս էին տարածք ու արգելում ապամոնտաժումը, սակայն նրանց հեռանալուց հետո բանվորները նորից աշխատում էին:

Հավելենք, որ «Պահպանենք Աֆրիկյանների ակումբի շենքը» քաղաքացիական նախաձեռնության անունից Հայաստանի հելսինկյան կոմիտեն և «Ուրբանլաբ Երևան» ՀԿ-ն են հայց ներկայացրել ՀՀ Վարչական դատարան: Հայցով պահանջվում է առ ոչինչ ճանաչել հուշարձանի տեղափոխման մասին կառավարության համապատասխան որոշումն ու այն ապամոնտաժելու մասին քաղաքապետարանի թույլտվությունը:

Նախորդող հրապարակում`

Նախարարությունը փորձում է պարզաբանել Աֆրիկյանների շենքի «քանդումն ու տեղափոխումը»