«Կործանելով գնալու ենք». Մտավորականներն անհանգիստ են
«Այսօր կառավարության շարքերում մտավորականներ չկան: Այդ պատճառով մեր մշակույթն այս վիճակում է: Իրադրությունը չի փոխվի, մինչև համակարգը չփոխվի»,- ասուլիսում նման տեսակետ հայտնեց ճարտարապետ Սաշուր Քալաշյանը:
Ճարտարապետը նշեց, որ այն, ինչ կատարվել է Երևանում խորհրդային կարգերի փլուզումից հետո, բոլորն են տեսնում. «Չկա որևէ մի հուշարձան, որ ինչ-որ չափով աղավաղված չէ: Բայց մենք աղավաղելուց զատ սկսում ենք կործանել: Մշակույթի պատասխանատուների շրջանում մշակույթից հասկացող մարդ չկա, կամ եթե կա՝ հաշվի չի առնվում նրա կարծիքը: Փակ շուկայի դեպքում, եթե մշակույթի նախարարը դուրս գար փողոց, դա ապտակ կլիներ կառավարությանը»:
Երևանի Գրողների Միության նախագահ Աբգար Ափինյանն էլ այն կարծիքին է, որ պետական կառավարման բոլոր ոլորտներում հայտնվել են պատահական մարդիկ: «Մշակույթի ոլորտը կառավարում է մի մարդ, ով չգիտի, թե ինչպես են պահպանում մշակութային հուշարձանը: Զվարթնոցի կլոր շենքի քանդումը, Գառնիում սրճարանի կառուցումը վերջին սխալը չէ: Կործանելով գնալու ենք»,- ասաց նա՝ հավելելով, որ այս ամենը վարվող քաղաքականության հետևանք է:
Ճարտարապետ Արտակ Ղուլյանն էլ նշեց, որ պետության կողմից պահպանվող հուշարձանների նկատմամբ վերաբերմունքը սիրողական է, մշակութային հուշարձանը գերակա է ամեն մի շահից:
«Մշակույթի նախարարության մասնագետներին պետք է ուղարկել այն չիկարելիները, որ չի կարելի անել հուշարձանի նկատմամբ: Բարոյական իրավունք չունեն քանդել Զվարթնոցի կլոր շենքը»,- ասաց նա:
Ինչ վերաբերում է «Զվարթնոց» օդանավակայանի հին շենքի քանդման խնդրին, Ս. Քալաշյանն ասաց, որ այդ շենքը պետությանն է, մինչև 2040 թվականը վարձակալությամբ տրված է արգենտինահայ գործարար Էռնեկյանին:
«Ըստ պայմանագրի, այդ շենքը պետք է շահագործվի, խնամվի, սակայն այսօր ցանկանում են քանդել»,- ասաց արվեստագետը:
Նա տեղեկացրեց, որ մասնագետները՝ միայն ոլորտից հասկացող, նամակ են ուղարկվել երկու հասցեով՝ երկրի նախագահին և Էռնեկյանին: Հունվարի կեսին ենք ուղարկել, դեռ պատասխան չկա:
Գեղանկարիչ Սուրեն Խորենյանն էլ խոսեց Գառնու տաճարի տարածքում սրճարանի կառուցման նախաձեռնության մասին:
«Պարիսպներից ներս որևէ բան չի կարելի կառուցել: Գառնին մեր թագավորների սեփականությունն է, մեր արժանապատվության սեփականությունը»,- ասաց նա:
Նախորդող հրապարակումներ՝
Պավել Ավետիսյան. Գառնիի տաճարի տարածքում օտար մարմին չպետք է կառուցվի
«Գառնու» հարց. Մշակույթի նախարարությունն անհրաժեշտ փաստաթղթերը կներկայացնի համայնքին
«Մարզպետարանը թույլ չի տա, որ Գառնու տաճարի տարածքում սրճարանի կառուցեն»
Պիլոտային ծրագիր. «Քանդում են, ջարդուփշուր են անում»
«Մշակույթի նախարարությունն իր ստամոքսային մտածողությամբ փորձում է պղծել մեր մշակույթը». պատմաբան
Գառնու տաճարը՝ սրճարանային դիտակետից
Մշակույթի նախարարը խոստացավ ու պաշտոնապես հայտարարեց
«Պիլոտային» սրճարան՝ «Գառնի» պատմամշակութային արգելոց-թանգարանի տարածքում
Ճարտարապետ. «Զվարթնոց»-ի հին շենքն ուղղակի խնամքի կարիք ունի
«Զվարթնոցի կլոր շենք»-ի հետ կապված ՀԽ-ն իր հերթին քննարկելու է Կոնցեսիոների առաջարկները
Մինասյան. Զվարթնոցի հին մասնաշենքը քանդելու կառավարության որոշում չկա
ՀԽ-ն չի ստացել «Զվարթնոց»-ի կլոր շենքի հետ կապված մի շարք հարցերի պատասխաններ
Կարծիքներ Զվարթնոցի Կլոր շենքը քանդելու որոշման շուրջ
«Զվարթնոց» օդանավակայանի հին մասնաշենքը հաստատ կքանդվի. Արտյոմ Մովսեսյան
«Զվարթնոցի» հին շենքի մասին ևս մեկ անձնական կարծիք. Արտյոմ Մովսեսյան
Հանրային խորհուրդը դեմ է «Զվարթնոցի» հին շենքի քանդմանը. «Հիմնավոր փաստարկներ չկան»
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
