Կե՞ղծ, թե՞ ոչ կեղծ լուրեր Քեսաբի մասին
Ռուսական լրատվամիջոցները այս օրերին շատ ակտիվ լուսաբանում են Քեսաբի իրադարձություններն ու հայերի դաժանաբար սպանության մասին լուրեր հրապարակում` արյունալի տեսարաններով լուսանկարներով, որոնցում, հետագայում պարզվեց, իրականում հայեր չեն:
Լրատվամիջոցների այս հրապարակումներն ակտիվ տարածվում են տարբեր սոցիալական ցանցերում և բուռն արձագանքներ են ստանում: Այսօր ակտիվորեն տարածվում էր ռուսական լրատվամիջոցներից մեկի պատրաստած տեսանյութը, որը հրապարակվել էր 3 ու կես տարի առաջ:
Քեսաբից տարհանված հայերը մեզ հետ ունեցած զրույցներում անհամեմատելի զուսպ են իրենց գնահատակններում ռուսական լրատվամիջոցներից:
Հայ մեդիափորձագետներից պնդում են, որ Քեսաբում տեղի ունեցող իրադարձությունները Հայոց ցեղասպանության հետ համեմատելը հարվածի տակ կդնի ցեղասպանության փաստի հարցը. հատկապես, որ առաջինի դեպքում այս պահին կեղծ լուրեր են շրջանառվում:
«Ռուսաստանը նախ կեղծ լուրեր է տարածում, որ հայերին կոտորել են Քեսաբում (դրա համար անգամ օգտագործում է արաբ զինվորների գնդակահարութան տեսագրությունը), ապա տարբեր հայտնիների բերանով սկսում է ցավակցություններ հայտնել: Ակնահայտորեն դա հրահանգված է, քանի որ այդ նույն մարդիկ միշտ լռել են և լռելու են, երբ գնդակոծվում է ՀՀ տարածքը, թեև որպես դաշնակիցներ պարտավոր են դատապարտել»,- «Ֆեյսբուք» սոցիալական ցանցի իր էջում գրառել է քաղաքագետ Արա Պապյանը:
Քաղաքագետ Արմեն Մինասյանի բնորոշմամբ, այս իրավիճակում աշխարհի տարբեր երկրներ, ուժային կենտրոններ կփորձեն և իրենց անկեղծ մտահոգությունը հայտնել, ինչու չէ, նաև, առիթն օգտագործելով, սեփական շահերն իրացնել:
Նա նշեց, որ կեղծ տեղեկություններն այսօր շրջանառվում են, և դրանք ոչ այնքան կեղծ են, որքան ֆրագմենտար, երբ տեղի ունեցած ինչ-որ բան փորձում են ներկայացնել այլ լույսի ներքո: Արմեն Մինասյանի կարծիքով, Ռուսաստանի, ինչպես նաև մյուս երկրների լրատվամիջոցներն ու էքսպերտները պետք է առիթն օգտագործեն իրենց երկրի շահերն առաջ մղելու համար:
Ըստ նրա` «մենք պետք է առավելագույնս զսպվածություն ցուցաբերենք, որպեսզի որևէ կերպ մեր գործողություններով Սիրիայի հայությանը չդարձնենք սիրիական պատերազմի կողմ`դրանով իսկ վտանգ չստեղծելով նրանց գոյությանը»:
«Լուռ փորձենք աջակցել մեր հայրենակիցներին Սիրիայում, որպեսզի ապահովվի նրանց ֆիզիկական անվտանգությունը և հնարավորինս լուծվեն բոլոր գույքային հարցերը»,- ասաց նա:
Քաղաքագետը նաև նկատեց, որ Քեսաբում, ինչպես և Սիրիայի ողջ տարածքում ռազմական գործողություններ են ընթանում, և հասկանալի է մեր հատուկ մոտեցումը Քեսաբի դեպքերին, քանի որ այն, ըստ էության, հայկական բնակավայր է:
Էմոցիոնալ ֆոնը, ըստ Արմեն Մինասյանի, պայմանավորված է այն հանգամանքով, որ կարծես թե, Քեսաբի գործողություններին ինչ-որ ձևով միջամտել է Թուրքիան:
Բոլոր դեպքերում, քաղաքագետը նշում է, որ չպետք է մոռանալ, որ Քեսաբում տեղի ունեցողը սիրիական պատերազմի մի մասն է, որտեղից իրականում շատ տեղեկություններ չունենք. «Միայն գիտենք, որ ռազմական գործողություններից առաջ կամ դրանց ընթացքում հայկական բնակչության մեծ մասը տարհանվել է, մնացել են մի քանի տասնյակ ծերունիներ: Հաջողվել է խուսափել զոհերից բնակչության շրջանում»:
Նախորդիվ`
Տարածվող տեսանյութը կապ չունի հայերի հետ. արաբագետի մեկնաբանությունները
Առևանգված քեսաբահայերից երեքն ազատ են արձակվել
«Առևանգված և Թուրքիա տարված 22 քեսաբահայերից 3-ին այսօր ազատ կարձակեն» (տեսանյութ)
Կարեն Անդրեասյանի ուղերձը միջազգային կազմակերպություններին` Քեսաբի դեպքերի կապակցությամբ
Վազգեն Մեսրոպյան. Քեսաբում մնացած հայերից 22-ը առևանգվել են և տարվել Թուրքիա
«Չգիտենք` իրենց սպանե՞լ են, տարե՞լ են Թուրքիա». Քեսաբում մնացած հայերից ստույգ տեղեկություններ չկան
ԱՄՆ պետքարտուղարությունը «խորապես մտահոգված է» Քեսաբի հայերի նկատմամբ սպառնալիքների կապակցությամբ
Քեսաբ. Հայկական պատվիրակության այցի նշանակությունը մեր հայրենակիցների համար
ՌԴ ԱԳՆ-ն Քեսաբի ու աշխարհասփյուռ հայության բողոքի մասին
Արամ Ա. Կաթողիկոսը ՄԱԿ-ին առաջարկում է զինաթափել Քեսաբը
Կոնգրեսականներ Ադամ Շիֆի և Բրեդ Շերմանի հայտարարությունները` Քեսաբի դեպքերի վերաբերյալ
Al-Akhbar. «Քեսաբ. Հայկական ապահով հանգրվանի ամայացումը»
Այսօր, մենք կրկին օգնության կարիք ունենք. Քեսաբահայերի կոչը ողջ հայությանը
WSJ. Թուրքիայի կողմից Քեսաբի դեմ ագրեսիան հայերին հիշեցնում է հայոց ցեղասպանության մասին
Demokrat Haber. Քեսաբում հայերի տները թալանողները խոսում են թուրքերեն
Արամ Ա. Երրորդ անգամն է՝ ցեղասպան թուրքը գաղթական է դարձնում Քեսաբի ժողովրդին
Կարո Յուզբաշյան. Քեսաբցիները կարող են հետ վերադառնալ, բայց դա շատ շուտ չի լինի
«Հարձակվեցին ու սկսեցին դիպուկահարներով խփել, մարդ չմնաց». Ինչպես տարհանվեցին Քեսաբի հայերը
«Լաթաքիայի վրա հարձակում այս պահին չկա»
Քեսաբի հայ. Թուրքիայից մեքենաներով գալիս են, կողոպտում են տները և տանում մեր ունեցվածքը
Հայաբնակ Քեսաբի վրա հարձակման մեջ չեչեննե՞ր են ներգրավված
«Քեսաբ ներխուժումը հայության` մասնավորապես սիրիահայ համայնքի դեմ ուղղված քայլ էր»
Սիրիահայ. Ամեն վայրկյան սպասվում է Լաթաքիայի դեմ հարձակումը
Քեսաբի հայերին օգնություն է անհրաժեշտ, հայկական կողմը քայլեր ձեռնարկում է
Լրահոս
Տեսանյութեր
Ի՞նչ կա մեքենայի մեջ. Կիրանցում ծակեցին մեքենայի անվանդողերը
