Գառնու տաճարի տարածքում հնարավոր է սրճարան չկազմակերպվի
«Եթե զբոսավարները, տուր օպերատորներն իսկապես ցույց տան հետազոտություն, որ Գառնու տաճարի տարածքում բացօթյա սրճարանի կազմակերպումը չի խթանի զբոսաշրջությանը, չի ապահովի տնտեսական աճ, մենք այս նախաձեռնությունը չենք իրականացնի»,- Panorama.am-ի հետ զրույցում ասաց մշակույթի նախարարության Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Վլադիմիր Պողոսյանը:
Հիշեցնենք, որ «Գառնի» պատմամշակութային արգելոց-թանգարանի տարածքում մշակույթի նախարարության Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի նախաձեռնությամբ կառուցվելու է սեզոնային սրճարան: ՊՈԱԿ-ը նախարարությունից բացօթյա սրճարան կազմակերպելու թույլտվություն ստացել է դեռևս 2009 թվականին: Այս նախաձեռնությունը հենց գառնեցիների, ինչպես նաև տուր-օպերատորների, զբոսավարների, հասարակության լայն շրջանակների կողմից չի ողջունվում, ընդակառակն, արդեն տևական ժամանակ է նրանք պայքար են մղում մշակույթի նախարարության դեմ:
Վ. Պողոսյանը տեղեկացրեց, որ մարտի 6-ին մշակույթի նախարար Հասմիկ Պողոսյանը հանդիպել է Զբոսավարների ասոցիացիայի անդամների, տուր-օպերատորների հետ, իսկ նախօրեին մշակույթի փոխնախարար Արև Սամուելյանը հանդիպել է քրմերի՝ «Արորդիների ուխտ»-ի ներկայացուցիչների հետ:
«Այս պահին ընթանում են քննարկումներ շահագրգիռ կողմների ներկայացուցիչների հետ: Մի քանի օրից մենք կներկայացնենք քննարկման արդյունքները»,- ասաց ՊՈԱԿ-ի տնօրենը:
Ըստ նրա, այս նախաձեռնությունն ուղղված է լինելու զբոսաշրջության աճի խթանմանը, որն էլ պետք է հանգեցնի տնտեսական աճի, բայց շահագրգիռ կազմակերպությունների կողմից հակառակն ապացուցելու դեպքում բացօթյա սրճարան չի կազմակերպվի Գառնու տաճարի տարածքում:
Ինչ վերաբերում է հենապատի ամրակայմանը, Վ. Պողոսյանն ասաց, որ այդ աշխատանքները հաջորդ շաբաթվա ընթացքում կավարտվեն:
«Այդ հենապատը սրճարանի տաղավարների տեղադրման հետ որևէ կապ չունի»,- նշեց ՊՈԱԿ-ի տնօրենը:
Նախորդող հրապարակումներ՝
Հրապարակախոս. Պետք է փոխել ընդհանուր խաղի կանոնները
Հնագետ. Զբոսաշրջությունը հուշարձանը պահպանող կազմակերպության առաջնային խնդիրը չէ
«Կործանելով գնալու ենք». Մտավորականներն անհանգիստ են
Պավել Ավետիսյան. Գառնիի տաճարի տարածքում օտար մարմին չպետք է կառուցվի
«Գառնու» հարց. Մշակույթի նախարարությունն անհրաժեշտ փաստաթղթերը կներկայացնի համայնքին
«Մարզպետարանը թույլ չի տա, որ Գառնու տաճարի տարածքում սրճարանի կառուցեն»
Պիլոտային ծրագիր. «Քանդում են, ջարդուփշուր են անում»
«Մշակույթի նախարարությունն իր ստամոքսային մտածողությամբ փորձում է պղծել մեր մշակույթը». պատմաբան
Գառնու տաճարը՝ սրճարանային դիտակետից
Մշակույթի նախարարը խոստացավ ու պաշտոնապես հայտարարեց
«Պիլոտային» սրճարան՝ «Գառնի» պատմամշակութային արգելոց-թանգարանի տարածքում
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
