«Զվարթնոցի» հին շենքը ներառել պահպանվող հուշարձանների ցանկում. Դիմում` Մշակույթի նախարարությանը
Հայաստանում վերացնում են շատ արժեքավոր մշակութային շենքեր, որոնք խոսում են մեր ճարտարապետության, մշակույթի, ազգի մասին: Այսօր արդեն չկան Սևան հյուրանոցի շենքը, Լեզվի ինստիտուտը, Երիտասարդական պալատը… փաստն այսօր ևս մեկ անգամ արձանագրեցին Հանրային խորհրդի Մշակութային ենթահանձնաժողովի անդամները` «Զվարթնոց» օդանավակայնի հին (կլոր) շենքի վերաբերյալ քննարկման ժամանակ:
«Պետք է կտրել այն ձեռքը, որ անխճորեն վերացնում է մշակութային արժեքները: Ինչո՞վ էր խանգարում մեզ Երիտասարդական պալատը: Հանրային խորհրդի բոլոր անդամները պիտի մտածեն այս մասին, մեր հետքն այս տարածքում մեր ձեռքով վերացնում ենք, պատմություն ենք ջնջում: Մենք մեր ճարտարապետների գործերն ենք ավիրում, մի պահ թող մտածեն, որ քանդեցին, արդյո՞ք կարող են ավելի լավը կառուցել»,- ասաց ենթահանձնաժողովի անդամ, արվեստաբան Սյուզաննա Փիլոսյանը:
Բանաստեղծ Սուրեն Մուրադյանը հին ճարտարապետական շինությունների նկատմամբ նման վերաբերմունքը բնորոշեց որպես վանդալիզմ մեր մշակութային արժեքների նկատամամբ: «Անկախ նրանից, թե ինչպիսի ֆինասնական միջոցներ պահանջվի, ինչ ֆինանսական վնասներ կարող ենք ունենալ, պիտի պահպանել շենքը: Ամենամեծ վնասը մեր մշակութային արժեքները կորցնելն է: Պետք է նայենք լայն իմաստով: «Զվարթնոց» օդանմավակայանի հին շենքը պետք է պահպանել և փոխանցվել մյուս սերունդներին»,- ասաց նա:
Ենթահանձնաժողովի անդամ Հովհաննես Թադևոսյանն էլ նշեց, որ եթե այսօր պետությունը կամ որևէ գործարար փորձի կառուցել նման շինություն, չի կարողանա: «Իմ միակ առաջարկն է, որ հանձանաժողովը վերանայի այս հարցերը կառավարության հետ միասին, եթե հնարավոր է, պետք է հիվանդի նման բուժել այդ կառույցը՝ առանց քանդելու: Այդ հուշարձանը պետք է մնա իր տեղում և պահպանվի»,- ասաց նա:
Մշակությի նախարարության մշակութային արժեքների պահպանության վարչության փորձագիտական հանձնաժողովի անդամ, ՀԽ Մշակուային ենթահանձնաժողովի անդամ Վլադիմիր Պողոսյանն հայտարարեց, որ շենքը պահպանելու լավագույն տարբերակը այն պետությանը հանձնելն է: Նա առաջարկեց դիմել նախարարությանը և շինությունը մտցնել պետության կողմից պահպանվող հուշարձանների ցանկում, ինչպես նաև խոստացավ, որ ամեն բան կանի, որպեսզի այն ընդգրկվի: Նա նկատեց, որ շենքը միայն որպես երկաթբետոն ամենահամեստ գնահատմամբ 100 մլն դոլար արժե:
Ենթահանձնաժողովը քվեարկությամբ միաձայն որոշում կայացրեց դիմել Մշակույթի նախարարության մշակութային արժեքների պահպանության վարչության փորձագիտական հանձնաժողով՝ «Զվարթնոցի» հին շենքը հուշարձանների պետական ցուցակում վերականգնելու համար։
Ենթահանձնաժողովի նախագահ Գագիկ Մանասյանը վաղը նաև Հանրային խուրհրդին կներկայացնի որոշումը, որը կորոշի և կհայտնի իր ամբողջական կարծիքը` հիմնվելով ենթահանձնաժողովերի տված եզրակացությունների վրա:
Նախորդիվ`
Պետք է լուծումներ գտնել, որ «Զվարթնոցի» հին շենքը իր երկրորդ կյանքն ապրի. Մկրտիչ Մինասյան
«Կոլիզեյը կրկնակի կռիսանոց է, բայց պահում են». Քննարկում՝ «Զվարթնոցի» հին շենքի հարցի շուրջ
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
