Երևանի գլխավոր ճարտարապետ. Զվարթնոցի կլոր շենքը չպետք է քանդվի
«Զվարթնոցի» կլոր շենքի քանդման հարցում Երևանի քաղաքապետարանը բացասական եզրակացություն է տվել: Ասուլիսում հայտարարեց Երևանի գլխավոր ճարտարապես Տիգրան Բարսեղյանը:
«Կառավարության նիստում ներկայացվեց քաղաքապետարանի կարծիքը՝ բացասական, որպեսզի հնարավորինս չկայանա քանդման գործընթացը, մինչև բազմակողմանիորեն չվերլուծվեն այլընտրանքային տարբերակների հնարավորությունները: Ներկայացված հիմնավորումները բավարար չէին քանդման համար: Մենք կասկած հայտնեցինք, համառեցինք, որպեսզի ավելի խորը ուսումնասիրություններ արվեն, փորձեն ներառել նոր գործառույթներ, որ շենքը չքանդվի: Այժմ էլ դրա աջակիցն ենք»,- ասաց նա:
Տ. Բարսեղյանը նշեց, որ կարող են այդ շենքին հասարակական նոր գործառույթներ տրամադրել, օրինակ՝ ցուցահանդեսային, առևտրական, որպեսզի նոր բովանդակություն տրվի կառույցին:
«Այդ շենքը խորհրդային ճարտարապետության մոդեռնիստական ոճով արված լավագույն նմուշներից է: Մեզ համար շատ թանկ է, ինչի պատճառով էլ մենք համառում ենք, որ այն չպետք է քանդվի»,- ասաց Երևանի գլխավոր ճարտարապետը:
Նախորդող հրապարակումներ՝
«Զվարթնոցի կլոր շենք»-ի հետ կապված ՀԽ-ն իր հերթին քննարկելու է Կոնցեսիոների առաջարկները
«Զվարթնոց» օդանավակայանի հին մասնաշենքը հաստատ կքանդվի. Արտյոմ Մովսեսյան
101,1 մլն դոլարի ներդրում՝ Զվարթնոցում, վարչապետը կողմ է հին մասնաշենքի ճարտարապետական ժառանգությունը պահպանելուն
Ուղերձ. Ծածկած շուկայի դառը փորձից ելնելով՝ հսկողության ռեժիմ սահմանել «Զվարթնոցի» հին մասնաշենքի մոտ
Քաղավիացիայի վարչությունը դրական եզրակացություն է տվել «Զվարթնոցի» հին շենքը քանդելու հարցը ներառող մաստեր-պլանին
«Զվարթնոցի» հին շենքի մասին ևս մեկ անձնական կարծիք. Արտյոմ Մովսեսյան
Հանրային խորհուրդը դեմ է «Զվարթնոցի» հին շենքի քանդմանը. «Հիմնավոր փաստարկներ չկան»
Գրիգոր Ազիզյան. «Զվարթնոց»-ի հին շենքը հնարավոր է ամրացնել, ժամանակին առաջարկվել է շենքի ամրացման վեց տարբերակ
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
