Ձեր վստահելի աղբյուրը

Ուկրաինայի Գերագույն Ռադան ընդդիմության ակտիվ հակազդեցության պայմաններում երկու որոշում է ընդունել: Քրեական օրենսգրքում հոդված է ավելացվել, ըստ որի պատիժ է սահմանվում ֆաշիզմի հանցագործությունների հրապարակային ժխտման կամ արդարացման համար, ինչպես նաև էապես խստացվել է պատիժը հուշարձանների ու եղբայրական գերեզմանների քանդման կամ պղծման համար: Այս մասին գրում է rg.ru կայքը:

Ֆաշիզմն արդարացնելու դեպքում կսպառնա մինչև 2 հազար դոլար տուգանք կամ ազատազրկում մինչև 2 տարի ժամկետով: Հուշարձանների կամ եղբայրական գերեզմանների քանդումն այժմ պատժվելու է 3-5 տարի ազատազրկմամբ: Նույն գործողությունը կրկնելը կամ նախնական պայմանավորվածությամբ, շահադիտական կամ խուլիգանական նկրտումներով կատարելը կպատժվի 4-7 տարի ազատազրկմամբ: Իսկ եթե հանցագործների գործողությունները ծանր հետևանքների են բերել, առավելագույն պատիժը կարող է հասնել 12 տարվա ազատազրկման:

Ավելորդ չի լինի ասել, որ Հայաստանում նույնպես մշակութային հուշարձան փչացնելը համարվում է պատժելի արարք: Օրենք կա, սակայն պատիժը չկա: Վառ օրինակը՝ պետական ցուցակում ընդգրկված Փակ շուկան: Այն ամբողջ անցած տարվա ընթացքում խեղաթյուրվեց, ձևափոխվեց, զրկվեց դեմքից, ի վերջո վերածվելով անդեմ, խախտված ճարտարապետությամբ սուպերմարկետի: Իսկ անօրինականությունների հեղինակը որևէ պատժի չենթարկվեց: Անզոր գտնվեցին պետական կառույցները՝ ոստիկանությունը, դատախազությունը, մշակույթի նախարարությունը, Երևանի քաղաքապետարանը, ովքեր մատնանշելով օրենքը, պնդում էին, թե իրենք կատարել են իրենց պարտավորությունները «օրենքի շրջանակներում»:

Նախորդող հրապարակումներ՝

«Փակ շուկա». Դատարանում ստուգման է ենթարկելու, թե ինչու է մերժվել Զ.Փոստանջյանի բողոքը

«Փակ շուկա». «Տագնապ է առաջացնում պետական այրերի լռությունը»

Ահազանգ. Ծածկած շուկայի տարածքում գործող համալիրը սեյսմիկ առումով անվտանգ չէ (Տեսանյութ)

Հակոբյան. Թող որևէ մեկը Ծածկած շուկայի խնդրի մեջ վերջակետ չփորձի դնել, այն պետք է բերվի նախկին տեսքին

Ծածկած շուկայի համար շահագործման ակտ քաղաքապետարանը չի ձևակերպել. Օրենքի խախտումներն ու հանցավոր լռությունը

«Սիթիի բոնուս քարտ ունե՞ք… կամ Փակ շուկայի». Ցույցերին զուգահեռ Ծածկած շուկայում առևտուրն ընթանում է (Տեսանյութ)

Ծածկած շուկայի տարածքում բացված սուպերմարկետը սննդամթերքի անվտանգության պետական ծառայության ուշադրության կենտրոնում է

Ծածկած շուկայի տարածքում առևտրի թույտվություն, շահագործման ակտ տրամադրելը կխախտի օրենքը. Ազիզյան

Բացառիկ ապօրինություն. «Ծածկած շուկան իրավական վակուումի մեջ է հայտնվել»

«Փակ շուկա». Օրենքի հերթական ոտնահարումը. Կտրվի՞ կամ տրվե՞լ է ավարտական ակտ ապօրինի շինությանը

«Հասարակությունը Փակ շուկայի վերաբերյալ հաշվետվության կարիք ունի»…Պատասխանատուները շուտով նամակ կստանան (Տեսանյութ)