Ձեր վստահելի աղբյուրը

Գրեթե երկու տարի Փակ շուկայի շենքի աղճատումը, որն ընթանում էր օրենքի կոպիտ ու ակնհայտ խախտումներով, «դուրս էր մնում» և ոստիկանության, և դատախազության, և մշակույթի նախարարության, և քաղաքապետի ուշադրությունից: Ակնհայտ է՝ դիտավորյալ:

Բազմաթիվ հարցումները մնում էին անպատասխան կամ անորոշ պատասխաններ էին տրվում դրանց, թե կպարտադրվի ուղղել, եթե, իհարկե, աղճատում կա: Դատախազությունը նույնիսկ հայտարարել է, որ հանցակազմ չկա, մշակույթի նախարարությունն ու քաղաքապետարանը պասերով «սպասում էին» շենքի վերականգման նախագծին, մինչև շաբաթն ուրբաթից շուտ եկավ... Շուկայի նախկին առևտրականներն, ովքեր հույս ունեն, որ պետք է աշխատեն նաև «վերանորոգված շուկայում» ասում են, թե շուկան մինչև հոկտեմբերի 1-ը բացվելու է:

Վերջերս Երևանի նախկին գլխավոր ճարտարապետ, այսօր արդեն ՀՀ կառավարությանն առընթեր Ճարտապետության պետական կոմիտեի նախագահ Նարեկ Սարգսյանը, Երևանի նորանշանակ գլխավոր ճարտարապետ Տիգրան Բարսեղյանը հայտարարեցին Փակ շուկայի աղճատման մասին: Քանի որ նրանք իրավասու պաշտոնյաներ են ու պատասխանատու են Երևանում գտնվող պատմական հուշարձանների պահպանման համար, ապա նրանց հայտարարությունը պետք է ընդունել՝ հանցագործություն հայտարարության մասին:

Մենք ևս մեկ անգամ օգնում ենք:

Հայաստանի Հանրապետության  օրենքը «Պատմության և մշակույթի անշարժ հուշարձանների ու պատմական միջավայրի պահպանության եվ օգտագործման մասին»
Հոդված 44. Պատասխանատվությունը հուշարձանների պահպանության և օգտագործման օրենսդրությունը խախտելու համար
Հուշարձանների պետական հաշվառման, պահպանության, հետախուզության և հնագիտական պեղումների, ամրակայման, նորոգման, վերականգնման ևօգտագործման՝ օրենսդրությամբ սահմանված կարգը չպահպանելու, ինչպես նաև հուշարձանների պահպանության և օգտագործման՝ օրենսդրության այլ խախտումների համար մեղավոր իրավաբանական և ֆիզիկական անձինք կրում են պատասխանատվություն՝ Հայաստանի Հանրապետության օրենսդրությամբ սահմանված կարգով:
Հոդված 45. Հուշարձաններին կամ դրանց պահպանական գոտիներին վնաս պատճառելու դեպքում դրանց վերականգնումը և վնասի հատուցումը
Հուշարձաններին կամ դրանց պահպանական գոտիներին վնաս պատճառած իրավաբանական եւ ֆիզիկական անձինք պարտավոր են վերականգնել դրանց նախկին վիճակը, իսկ վերականգնելու անհնարինության դեպքում հատուցել պատճառած վնասները՝ Հայաստանի Հանրապետության օրենսդրությամբ սահմանված կարգով»:

Նախորդող նորություններ՝

«Հասարակությունը Փակ շուկայի վերաբերյալ հաշվետվության կարիք ունի»…Պատասխանատուները շուտով նամակ կստանան (Տեսանյութ)

«Փակ շուկայի» «բացմանն ընդառաջ»… «Տեղի են ունեցել շատ հմուտ մանիպուլյացիաներ»

«Փակ» շուկայի մնացորդների ու ավելցուկների «բացմանն ընդառաջ». ճարտարապետ Արսեն Կարապետյանը առաջարկ ունի

ՄԻՊ.Փակ շուկայում շարունակվող ապօրինությունների համար առաջին հերթին պատասխանատու է ոստիկանությունը

Մշակույթի նախարարությունը` Թումանյանի կկվի դերում

Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1

Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2

Քաղաքաշինության նախարարության ներկայացուցիչ. Փակ շուկան պետք է մնա իր նախնական տեսքով

Քաղաքապետարանի ներկայացուցիչ. Մինչ այժմ Փակ շուկայի վերգետնյա հատվածում շինարարություն իրականացնելու նախագիծ ներկայացված չէ

Ճարտարապետները դիմել են Տարոն Մարգարյանին` «Կենտրոնական ծածկած շուկայի սեփականատիրոջ նկատմամբ հարուցել դատական գործ»

Մշակույթի նախարարություն. Ապամոնտաժել Փակ շուկայի նորակառույց ծավալի երկաթբետոնյա հիմնական հատվածն ընդունելի ծավալով