Փակ շուկան հանրությանը կարող է վերադարձնել միայն կառավարությունը. «Ընդամենը գումարային հարց է»
Կառավարությունն է մեղավոր, որ այսօր Փակ շուկան խեղաթյուրվել է: Կառավարության անգործության արդյունքում է, որ մշակութային հուշարձանն այսօր լրիվ փոխվել է: «Ազատագրենք հուշարձանն օլիգարխից» հասարակական շարժման կազմակերպած ասուլիսում նման մեղադրանքներ հնչեցրեց ճարտարապետ Սաշուր Քալաշյանը: «Սեփականատերը, կարող է, մեղավոր է, բայց ոչ այնքան, ինչքան կառավարությունը: Հիմա թող մտածի՝ ինչպես վերադարձնի: Գումարային հարց է ընդամենը: Շուկայի կեսը կա, գծագրեր կան, անհնար բան չկա»,- ասաց նա:
Ասուլիսին ներկա Ճարտարապետների միության նախագահ Մկրտիչ Մինասյանն էլ դիտարկում արեց, որ Երևանում անընդհատ կորցնում են հուշարձաններ: «Սա անընդհատ գնացող պրոցես է, որը ոչ սեփականատերերի դաժան վերաբերմունքի, սեփականատերերի անփութություն արդյունք է, այլ` չինովնիկներն իրենց տեղում չեն: Ունենք պետություն, գերատեսչություններ, որոնք կոչված են պահպանելու մեր հուշարձանները»,-նշեց նա՝ ընդգծելով, որ կառավարության մեղքով է, որ հուշարձանն այսօր խեղաթյուրվել է: Մ. Մինասյանի խոսքով, այլ երկրներում, երբ գերատեսչությունների ղեկավարներն են համաձայն, որ իրենց բոլոր ջանքերն իզուր անցան, թողնում են պաշտոնը՝ ի նշան բողոքի. «Այստեղ նման բան հնարավոր չէ»:
Ճարտարապետների միության փոխնախագահ Ալեքսանդր Բադալյանի կարծիքով էլ, ամենամեծ սխալը եկավ այնտեղից, որ թույլատրվեց զրո նիշից ներքև շինարարություն իրականացվի ու շինհրապարակ տեխնիկա մտավ: «Դա ազատեց ձեռքերը ու սկսվեց շինարարություն»,- ընդգծեց նա:
Ճարտարապետ Գուրգեն Մուշեղյանն էլ նշեց, որ Երևանում ոչ մի պատմական կառույց զերծ չի մնացել խեղաթյուրումից, Երևանում փոխվում է քաղաքաշինական միջավայրը: «Եթե նույնիսկ հուշարձանի նկուղի ձևն է փոխվում, արդեն խեղաթյուրում է: Հուշարձանը պետք է պահպանվի իր բոլոր նրբություններով»,- ասաց ճարտարապետը:
Ասուլիսին ներկա կառուցապատող Թեմուր Մարգարյանի ներկայացմամբ, Փակ շուկայի ճարտարապետը, ինժեներներն այնպիսի տեխնիկական լուծումներ էին տվել մասշտաբային այդ կառույցին, որ նույնիսկ տասնյակ տարիների անց գտնվում էր տեխնիկական լավ վիճակում: «Մենք ուսումնասիրել ենք բետոնի վիճակը: Կցանկանայի, որ այժմ էլ նման տիպի բետոնով շինարարություն իրականացնեին: Իսկ այն պատճառաբանությունները, թե կամարների ամրանները ժանգոտված էին, քայքայված, նույնպես սխալ է, քանի որ կամարների մեջ եղած ամրանի մակերևույթի վրա առաջացած կոռոզիայի օջախներն ավելի փոքր են, քան նոր կառույցների ամրանները, որ օգտագործում են այսօր»,- մանրամասնեց մասնագետը:
Մկրտիչ Մինասյանն ասաց, որ շուկան ունեցել է 20 կամար, այսօր 10 կամար ընդհանրապես չկա, դրա փոխարեն հարկեր են: «Կարծում էինք, գոնե տասը կամարները կպահպանվեն, սակայն առաջ է եկել երկու պլատֆորմ, որն աղավաղում է ինտերիերը»,- ցավով նշեց նա, բայց ուրախությամբ արձանագրեց. «Այսքան պայքարից հետո վիտրաժը, որ բերել էին ճակատային պատին հասցրել, կրկին հեռացրել են»:
Նշենք, որ չուգունե վիտրաժը ամրացված է եղել գլխավոր կամարի բացվածքում, որը գեղեցիկ քանդակներից կերտված մի ընդհանուր բրոնզապատ հյուղվածք է իրենց ներկայացնում:
Ասուլիսին ներկա ճարտարապետ, քաղաքաշինարար Սահրատ Պետրոսյանն ասաց, որ օլիգարխիկ համակարգում իրենք չկարողացան փրկել հուշարձանը: Ըստ նրա, իրենց մեղքի բաժինն ունեն նաև այն ճարտարապետները, որոնց մի մասը նաև չինովնիկներ են: «Եթե մենք կարողանանք պատասխանատվության ենթարկել նրանց, եթե ոչ դատական համակարգով, այլ անարգանքի սյունին գամելով, մյուս ճարատարապետները զգույշ կլինեն: Սակայն որևէ մի կոլեգա պատասխանատվության չի ենթարկվել»,- նշեց նա: Մ. Մինասյանի դիտարկմամբ էլ, որտեղ փողի ներդրումները շատ են արվում, հասարակությունը տուժում է:
«Ոչ մի ճարտարապետ չի կարող պայքարել օլիգարխի դեմ: Ասում է՝ ես ուզում եմ այսպես, այսպես, ճարտարապետն իր հացի համար անում է, չի կարողանում հակադարձել, քանի որ իր հետևում պետական աջակցություն չկա»,- ասաց նա: Մ. Մինասյանն իր խոսքում պարբերաբար կրկնում էր, որ կան օրենքներ, որոնք անթերի են, սակայն դրանք կիրառող չկա:
Նախորդող նորություններ՝
Հերթական հայտարարությունը հանցագործության մասին
Թող գան Չինաստանից և պատասխանեն, սա ի՞նչ վերաբերմուք է. Փաշինյանը` կառավարությանը
«Հասարակությունը Փակ շուկայի վերաբերյալ հաշվետվության կարիք ունի»…Պատասխանատուները շուտով նամակ կստանան (Տեսանյութ)
«Փակ շուկայի» «բացմանն ընդառաջ»… «Տեղի են ունեցել շատ հմուտ մանիպուլյացիաներ»
«Փակ» շուկայի մնացորդների ու ավելցուկների «բացմանն ընդառաջ». ճարտարապետ Արսեն Կարապետյանը առաջարկ ունի
ՄԻՊ.Փակ շուկայում շարունակվող ապօրինությունների համար առաջին հերթին պատասխանատու է ոստիկանությունը
Մշակույթի նախարարությունը` Թումանյանի կկվի դերում
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2
Քաղաքաշինության նախարարության ներկայացուցիչ. Փակ շուկան պետք է մնա իր նախնական տեսքով
Քաղաքապետարանի ներկայացուցիչ. Մինչ այժմ Փակ շուկայի վերգետնյա հատվածում շինարարություն իրականացնելու նախագիծ ներկայացված չէ
Ճարտարապետները դիմել են Տարոն Մարգարյանին` «Կենտրոնական ծածկած շուկայի սեփականատիրոջ նկատմամբ հարուցել դատական գործ»
Մշակույթի նախարարություն. Ապամոնտաժել Փակ շուկայի նորակառույց ծավալի երկաթբետոնյա հիմնական հատվածն ընդունելի ծավալով
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
