Ձեր վստահելի աղբյուրը

ՀՀ մշակույթի նախարարության իրավասությունների սահմաններում Երևանի Փակ շուկայի հետ կապված խնդրին տրվել է համապատասխան ընթացք, մասնավորապես` հուշարձան-շենքում ապօրինի վերգետնյա աշխատանքները կանխելու և հետագա պահպանության ու վերականգնմանն առնչվող խնդիրներին ՀՀ օրենսդրությամբ սահմանված կարգով լուծում տալու համար «Երևանի թիվ 1 շուկա» ՍՊԸ-ի տնօրինությանը բազմիցս գրավոր տեղեկացվել է իր կողմից կատարվող շինարարության ապօրինության մասին և պահանջվել է դադարեցնել այն: Այս մասին նշված է մշակույթի նախարարության պարզաբանման մեջ ի պատասխան ՀՀ մարդու իրավունքների պաշտպանի կողմից արձանագրված այն խնդրի, թե. «Նախարարությունը բարեխղճորեն չի ապահովել պատմության և մշակույթի հուշարձանների պահպանությունը, ինչի հետևանքով, օրինակ, Երևանի Փակ շուկան կորցրեց իր կերպարային ամբողջականությունը:

Ըստ պարզաբանման, նախարարությունը դիմել է պատկան մարմիններին՝ ձեռնարկելու համապատասխան միջոցառումներ անօրինական շինարարությունը դադարեցնելու և տարածքում հսկողություն սահմանելու պահանջով, ինչպես նաև 2012-2013 թվականներին համապատասխան տեղեկույթ է տրամադրվել Երևան քաղաքի դատախազությանը:

«Կենտրոնական Ծածկած շուկայում իրականացված շինարարական աշխատանքների վերաբերյալ մշակույթի նախարարությունը համաձանեցրել է միայն 0,0 նիշից ցածր նախագծային փաստաթղթերը»,- տեղեկացնում են նախարարությունից:

Ինչ արժեն նման պարզաբանումները, եթե կա հստակ մի փաստ, որ մշակութային հուշարձանն այսօր խեղաթյուրված է, վերածված առևտրի օբյեկտի՝ այդկերպ կորցնելով իր պատմական արժեքը: Նշենք նաև, որ ամիսներ շարունակ հենց մշակույթի նախարարության և Երևանի քաղաքապետարանի աչքի առաջ և թողտվությամբ 0,0 նիշից բարձր իրականացված շինաշխատանքների արդյունքն է նաև՝ սրճարանը:

Նախորդիվ՝

«Փակ շուկա». «Տագնապ է առաջացնում պետական այրերի լռությունը»

Ահազանգ. Ծածկած շուկայի տարածքում գործող համալիրը սեյսմիկ առումով անվտանգ չէ (Տեսանյութ)

Հակոբյան. Թող որևէ մեկը Ծածկած շուկայի խնդրի մեջ վերջակետ չփորձի դնել, այն պետք է բերվի նախկին տեսքին

Ծածկած շուկայի համար շահագործման ակտ քաղաքապետարանը չի ձևակերպել. Օրենքի խախտումներն ու հանցավոր լռությունը

«Սիթիի բոնուս քարտ ունե՞ք… կամ Փակ շուկայի». Ցույցերին զուգահեռ Ծածկած շուկայում առևտուրն ընթանում է (Տեսանյութ)

Ծածկած շուկայի տարածքում բացված սուպերմարկետը սննդամթերքի անվտանգության պետական ծառայության ուշադրության կենտրոնում է

Ծածկած շուկայի տարածքում առևտրի թույտվություն, շահագործման ակտ տրամադրելը կխախտի օրենքը. Ազիզյան

Բացառիկ ապօրինություն. «Ծածկած շուկան իրավական վակուումի մեջ է հայտնվել»

«Փակ շուկա». Օրենքի հերթական ոտնահարումը. Կտրվի՞ կամ տրվե՞լ է ավարտական ակտ ապօրինի շինությանը

«Հասարակությունը Փակ շուկայի վերաբերյալ հաշվետվության կարիք ունի»…Պատասխանատուները շուտով նամակ կստանան (Տեսանյութ)