Ձեր վստահելի աղբյուրը

«Փակ շուկան»` հուշարձանը աղճատված է, այսինքն` բազմաթիվ ջանքերը օգուտ չտվեցին»: Այս մասին այսօր լրագրողների հետ ճեպազրույցում ասաց ՀՀ կառավարությանն առընթեր Ճարտապետության պետական կոմիտեի նախագահ Նարեկ Սարգսյանը:

Նրա խոսքերով` օրակարգում հարցը դեռ պետք է մնա, մինչև փորձեն այլ լուծումներ գտնել: «Համենայնդեպս, չեմ կարծում, որ հարցը պետք է փակված մնա»,- ընդգծեց նա:

Լրագրողների հարցին, թե ինչու է այդ մասին բարձացվում հիմա, երբ արդեն շուկայում շինարարական աշխատանքներն ավարտվում են, Ն. Սարգսյանը նշեց, որ Երևանի քաղաքապետարանը ոչ մի նախագիծ չի հաստատել, նման նախագիծ բերվել է, սակայն մերժվել է, մերժվել է նաև այլ ատյանների, այդ թվում` Մշակույթի նախարարության կողմից: «Իսկ երբ քաղաքապետարանի այլ ծառայություններ ընթացքում շեղումներ են արձանագրել, տուգանել են, արդյունքում այդպես էլ մնացել է»,- ասաց նա:

Ինչ վերաբերում է նոր հարկերի կառուցմանը, Ն.Սարգսյանն ասաց, որ կամարների 50%-ը մնացել են, ոչ մի բան չի փոխվել, իսկ մնացած 50% կամարները քանդված են և հարկեր են ավելացրել: «Նրանք միայն հետևի մասում, որտեղ կամարներ չկան, մսի պասաժի մասում հարկեր կառուցելու թույլտվություն են ունեցել: Դա համարվել է թույլատրելի, իսկ մնացածն անթույլատրելի է»,- նշեց Ն.Սարգսյանը:

Լրագրողների հարցին, թե իշխանություններն արդյոք անզոր են օլիգարխի առջև, Ն.Սարգսյանը պատասխանեց. «Դա էնպիսի խնդիր է, որտեղ ես որևէ պատասխան կամ արդարացում չեմ կարող ասել»:

Նա միաժամանակ նշեց, որ ինքն անձամբ փորձել է շատ բան անել, բայց դա իրեն չի հաջողվել: Պատասխանելով լրագրողի հարցին, թե` ի՞նչ պետք է լինի, ասաց. «Այս պահին պատրաստ չեմ պատասխանել»:

Նախորդող`

«Փակ» շուկայի մնացորդների ու ավելցուկների «բացմանն ընդառաջ». ճարտարապետ Արսեն Կարապետյանը առաջարկ ունի

Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1
Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2

Քաղաքաշինության նախարարության ներկայացուցիչ. Փակ շուկան պետք է մնա իր նախնական տեսքով
Քաղաքապետարանի ներկայացուցիչ. Մինչ այժմ Փակ շուկայի վերգետնյա հատվածում շինարարություն իրականացնելու նախագիծ ներկայացված չէ

Ճարտարապետները դիմել են Տարոն Մարգարյանին` «Կենտրոնական ծածկած շուկայի սեփականատիրոջ նկատմամբ հարուցել դատական գործ»
Մշակույթի նախարարություն. Ապամոնտաժել Փակ շուկայի նորակառույց ծավալի երկաթբետոնյա հիմնական հատվածն ընդունելի ծավալով