Ձեր վստահելի աղբյուրը

Ծածկած շուկայի դեպքում բացառիկ ապօրինության հետ գործ ունենք և հուշարձանը իրավական վակուումի մեջ է հայտնվել: Այս մասին այսօր լրագրողների հետ հանդիպման ժամանակ ասաց «Ազատագրենք հուշարձանն օլիգարխից» նախաձեռնության անդամ Գարեգին Չուգասզյանը: Նա նկատեց, որ այս պարագայում շինության համար ավարտական ակտ էլ չի տրվել, իսկ հուշարձանի դեպքում հատուկ պահպանողական պարտավորագիր պետք է կնքվեր, ինչը ևս բացակայում է:

«Չկան այդ հարաբերությունները կարգավորող փաստաթղթեր, կադաստրի թույլտվությունն էլ չկա այն մասին, որ այդ շենքն անվտանգ է և այնտեղ կարելի է սնունդ վաճառել: Աչք են փակում, հույս ունենալով, որ կսղացնեն: Բայց այդպես չի լինելու: Այն բոլոր պրոցեսները, որ սկսվել են՝ ներառյալ դատական, հանգեցնելու են այս իրավական վակուումի բացահայտելուն»,- ասաց նա:

Նախաձեռնության անդամ, իրավաբան Վարուժան Ավետիսյանը հայտարարեց, որ իրավապահ մարմինները՝ և դատախազության, և ոստիկանության ներկայացուցիչները, հայտարարում են, որ պիտի հուշարձանը դիտավորությամբ վնասված լիներ, որպեզի քրեական գործ հարուցվեր, ինչը ակնհայտ կեղծիք է: Նա մեջբերեց քրեական օրենսգրքի համատասխան հոդվածը, որում նշվում է նաև, որ եթե անզգուշությամբ են կատարվել վնասները, ենթարկվում են պատասխանատվության:

«Իսկ քրեական օրենսգրքի 264 հոդվածի 4-րդ մասը վերաբերում է հուշարձանները վնասելուն, որն առավելագույնը երկու տարի ժամկետով ազատազրկում է նախատեսում: Ակնհայտ է, որ ստում է ոստիկանությունը: Ասում են, որ չեն ունեցել պետական մարմինների կողմից հաղորդումներ, բայց իրենք պարտավոր են գործ հարուցել առիթների առկայության դեպքում, իսկ այդ մասին հաղորդումներն էլ լրատվության միջոցներով բազմիցս են եղել: Ակնհայտ է, որ ճարտարապետների, մասնագետների, նախաձեռնությունների, սրտացավ քաղաքացիների կողմից հրապարակավ հայտարավել և քննարկվել է հուշարձանին հասցված վնասի մասին: Անձամբ ես ակցիաների ժամանակ օրական մի քանի անգամ ոստիկանությանն ուղիղ դիմել եմ՝ նշելով, որ վնասվել է հուշարձանը, կատարվել է ապօրինություն: Ոստիկանությունը լսել է այդ մասին, բայց որևէ քայլ չի կատարվել: Իրավապահ մարմինները ոչ միայն անգործություն են ցուցաբերում, այլև կոծկում են հանցագործությունը և նպաստում են այդ ապօրինությունների շարունակվելուն»,- ասաց իրավաբանը:

Վարուժան Ավետիսյանը շեշտեց, որ միայն շինարարության թույտվությունը բավարար չէ շինության համար, պետք է հաստատված նախագիծ էլ լինի, ինչը Ծածկած շուկայի դեպքում առկա չէ. «Ամբողջ վերգետնյա հատվածում կատարված բարբարոսական գործողություններին ընթացք չտալով, դատախազությունն իր վրա է վերցնում հարվածները և պատասխանատվությունը: Եթե ակնհայտորեն խախտվել է օրենքը, մենք պետք է հասնենք դրա վերականգնմանը»:

Նախաձեռնության անդամ Վարդան Հակոբյանն իր հերթին նշեց, որ նախաձեռնությունը բաց է քննարկումների համար, դրանք պետք է լինեն հրապարակային և պատկան մարմինների ներկայությամբ, սակայն ակտիվիստներն անհատական բնույթի քննարկումների չեն գնալու:

«Կառուցապատողի կողմնակիցները հրապարակային ցանկանում են բանավիճել կառույցի օրինական, ոչ օրինական լինելու շուրջ: Մենք ընդունում ենք դա էլ, սակայն այն ևս կարող է լինել հրապարակային և պատկան մարմինների ներկայությամբ: Քննարկման եկող սուբյեկտը պետք է ուղիղ ձևով ներկայացնի սեփականատիրոջը: Հակառակ պարագայում, եթե որևէ մեկն իր նախաձեռնությամբ պետք է գա, և մոտեցումների շրջանակում բանավիճի, անպտուղ կլինի»,- ասաց նա:

Նախորդող՝

«Իսոս Քրիստոս, Ալեքսանյանն ով է». Ակցիա Փակ շուկայի մոտ (Տեսանյութ)

«Փակ» շուկայի դիմաց սպասում են երթի մասնակիցներին

«Փակ շուկա». Օրենքի հերթական ոտնահարումը. Կտրվի՞ կամ տրվե՞լ է ավարտական ակտ ապօրինի շինությանը

«Շմայսի» գնած «կաշտանը» և նորաբաց «Փակ Շուկա»-ն. (տեսանյութ)

«Փակ շուկան» բաց է. Ներսում` մի փոքր շուկա ու մի մեծ սուպերմարկետ (տեսանյութ)

Դատարանը կքննի Փոստանջյանի բողոքը. Նա պահանջում է Փակ շուկայի ոչնչացման փաստով քրգործ հարուցել

Ակցիա Փակ շուկայի դիմաց. Սամվել Ալեքսանյանին աստված է բերել մեզ մոտ, որ բոլորին պահի (Տեսանյութ)

Հերթական հայտարարությունը հանցագործության մասին

«Հասարակությունը Փակ շուկայի վերաբերյալ հաշվետվության կարիք ունի»…Պատասխանատուները շուտով նամակ կստանան (Տեսանյութ) 

«Փակ շուկայի» «բացմանն ընդառաջ»… «Տեղի են ունեցել շատ հմուտ մանիպուլյացիաներ»

«Փակ» շուկայի մնացորդների ու ավելցուկների «բացմանն ընդառաջ». ճարտարապետ Արսեն Կարապետյանը առաջարկ ունի

ՄԻՊ.Փակ շուկայում շարունակվող ապօրինությունների համար առաջին հերթին պատասխանատու է ոստիկանությունը

Մշակույթի նախարարությունը` Թումանյանի կկվի դերում 

Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 1

Ովքեր չեն ասում ու ովքեր են ասում ամբողջ ճշմարտությունը Փակ շուկայի մասին- մաս 2

Քաղաքաշինության նախարարության ներկայացուցիչ. Փակ շուկան պետք է մնա իր նախնական տեսքով

Քաղաքապետարանի ներկայացուցիչ. Մինչ այժմ Փակ շուկայի վերգետնյա հատվածում շինարարություն իրականացնելու նախագիծ ներկայացված չէ

Ճարտարապետները դիմել են Տարոն Մարգարյանին` «Կենտրոնական ծածկած շուկայի սեփականատիրոջ նկատմամբ հարուցել դատական գործ»

Մշակույթի նախարարություն. Ապամոնտաժել Փակ շուկայի նորակառույց ծավալի երկաթբետոնյա հիմնական հատվածն ընդունելի ծավալով

«Զվարթնոց»-ի հին շենք, Ծածկած շուկա. հիշողություններն ու պատմությունները քանդվում են (Տեսանյութ)