Ձեր վստահելի աղբյուրը

1915 թվականի գաղթի ճանապարհին բոլոր հարազատներին կորցրած ութնամյա Զարեհ Մութաֆյանը հաստատվում է Եվրոպայում: 1927-1931-ին ուսում է ստանում Միլանի «Բրերա» գեղարվեստի ակադեմիայում ու երկու տարի անց բացում է իր անհատական առաջին ցուցահանդեսը Միլանի նկարիչների տանը: 1939 թ տեղափոխվում է Փարիզ:

Նա իր ամբողջ կյանքի ընթացքում հասցրել է դառնալ հազարից ավելի կտավների հեղինակ, որի մեծ մասը հիմնականում բնանկարներ են: Նա նաև ունի ծովանկարներ, դիմանկարներ: Բացի գեղանկարչությունից, Մութաֆյանը նաև արվեստաբանությանը նվիրված հետաքրքիր աշխատությունների հեղինակ է։

Նկարիչը երեք անհատական ցուցահանդես է ունեցել Հայասատանում ` 1969թ., 1971թ, 2007 թ.: «1969 թ. իրականացավ նրա փայփայծ երազանքը`Ֆրանսիայից առաջին անգամ եկավ Հայաստան: Առաջին հանդիպումը հայրենի բնաշխարհի հետ ստեղծագործական անսպառ եռանդ ներշնչեց նկարիչին: Նրա նկարներից սկսեցին հոսել գույները»,-ասել է արվեստաբան Շահեն Խաչատրյանը: Հայաստանի բնությունը տեսնելուց հետո` Փարիզ վերադառնալով չի կտրվեց հայկական բնաշխարհից:

«Հայրս ավելի քան 1000 կտավների հեղինակ է: Անհատական ցուցահանդեսներ է ունեցել եվրոպական, ամերիկյան մի շարք երկրներում: Սակայն նա առավել շատ կարևորում էր հայաստանյան երկու ցուցահանդեսները»,-ասել է Զ. Մութաֆյանի որդին` Հայաստանի ԳԱԱ արտասահմանյան անդամ, պատմաբան Արմեն-Կլոդ Մութաֆյանը, ով ներկա է եղել 2007 թ. Հայաստանի ազգային պատկերասրահում նկարչի 100-ամյակին նվիրված բացված ցուցահանդեսին:

«Արուեստը ամէն մէկ ձգտումին մեջ կը ծնի, կ’երիտասարդանայ ու կը ծերանայ, բայց չի մեռնիր, միշտը վերածնվի, ինչպես օրուան արևը»,- ասել է ֆրանսահայ անվանի նկարիչ Զարեհ Մութաֆյանը:

Աքսորի նախօրեին

Երևանը Արարատի ֆոնի վրա

Հայաստանի ոսկե աշուն

Հայուհի

Վերապրողը

Սբ Խաչ եկեղեցին

Հայկական վանք

Երևանի երեխաները

Ապաքինում

Աղջնակը

Լեսկոնիլի ծովախորշը

Ծարավ

Հայկական կերպարվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները՝

Հմուտ փորագրություններ և անզուգական նկարազարդումներ… Տիգրան Փոլադ (լուսանկարներ)

Բնանկարներ՝ առանց մարդկային կերպարների... Հովհաննես Ալխազյան (լուսանկարներ)