Ձեր վստահելի աղբյուրը

Ծաղրանկարիչ, հրապարակախոս և հասարակական գործիչ Ալեքսանդր Սարուխանը (Սարուխանյան) (1898թ. – 1977թ.) 1910-1912թթ. Օսմանյան Թուրքիայի մայրաքաղաքում բնակվելու սկզբնական շրջանում Սարուխան եղբայրները տանը լույս են ընծայում չորս էջանոց Ղուղիկո կոչվող շաբաթաթերթը, որը ամբողջովին կատարված էր ձեռքով։

Լևոնը գրում էր հոդվածներ, խմբագրում, իսկ Ալեքսանդրը նկարում էր թերթի ծաղրանկարները։ Այդ ձեռագիր թերթի հրատարակումը ` հոդվածներով և նկարներով, 2 պատանիների ցասման ու ընդվզման արտահայտությունն էր բարեկամ, տարեց մարդկանցից լսած 1895-1896թթ. հայկական կոտորածների դեմ։ Հետագայում՝ 1915թ. Մեծ Եղեռնի տարիներին, հակաթուրքական ուղղվածություն ունեցող այս ձեռագիր շաբաթաթերթը եղբայրներն այրեցին։ «Այրեցինք, եւ ինչպէս ուրիշ հարազատներու կորուստը` այս մէկն ալ պատմութեան անցաւ», - այս առիթով գրել է Սարուխանը։
1924 թ-ից ապրել է Կահիրեում: Նա երգիծանկարչության հիմնադիրն է Եգիպտոսում:

«Եթե լիներ մեկը, որ երգիծանկարեր Սփյուռքի անմիջական գլխավոր դեմքերը այդ դիմաշարքում անպայման տեղ պիտի գրավեր ճաղատ գլխով, դուրս ընկած ծնոտով, մեծաբերան ժպիտով և սուր, ծաղրալից աչքերով հանրահայտ այն դեմքը, որը Սարուխանն է , և որի ծաղրանկարային արտացոլումը այնքան հմտորեն ստեղծել է հենց ինքը` հեղինակը»,- գրել է Սիլվա Կապուտիկյանը:

Ինքնադիմանկար

Սարուխանը պատկերազարդել է Ե. Օտյանի «Ընկեր Փանջունի» (1938 թ.) և Հակոբ Պարոնյանի «Մեծապատիվ մուրացկաններ» (1962 թ.) երկերը, որոնք գրքի գրաֆիկայի լավագույն նմուշներից են:
Նկարչի 40 հզ-ից ավելի գործեր տպագրվել են տարբեր երկրների մամուլում: Սարուխանի արվեստը գաղափարական առումով հարում է թե՜ Հ. Պարոնյանի ու
Ե. Օտյանի ժողովրդավարական արվեստին, թե՜ իր ժամանակի քաղաքական առաջադեմ ծաղրապատկերին: Նրա հետևորդներից են արաբ գրաֆիկ-նկարիչներ Ռախտը, Աբդել Սահիմը և ուրիշներ:
Սարուխանն արժանացել է միջազգային մրցանակների, 1960 թ-ին պարգևատրվել է ամերիկյան երգիծանկարիչների հանձնաժողովի «Երգիծանկարներ խաղաղության համար» շքանշանով: Գրել է «Մենք հայերեն չենք գիտեր» (1963 թ., բեմադրել է հայկական հեռուստաթատրոնը) կատակերգությունը, հոդվածներ ծաղրանկարչության, ինչպես և գաղութահայ կյանքի մասին:

Ֆրանսիացի արվեստագետ Ռոբերտ Բլումը նկարչի մասին գրել է . «Աշխարհում ծաղրանկարիչները կազմում են մի լեգեոն, սակայն միայն քչերն են հավասարվում Սարուխանին»։


Ազատության արձանը և նրան փոխարինողը

Ազատությունը ազատություն է փնտրում 

Աբստրակտ արվեստը

Աբստրակցիոնիստ-«Մոռցա նշան դնել, հիմա չեմ կրնար որոշել, թե ո՞րն է շունը, որը դուք»

Ամուսինը իր կնոջը-«Ի՞նչ կրնում ընել, ամեն անգամ երբ կհանդիպեմ երիտասարդ գեղեցիկ կնոջմը, որ քեզի կնմանի, անկարելի է զսպել հիացումս»

Ամուսինը-«Ահա իդեալական կինը»

Երուսաղեմի առջև, երկու հազար տարի ետք: Հիսուս-«Դարձյալ դիմացս ելա՞ր»

Հարսնացուն հիվանդ է, անոր փոխարինողը բերած եմ

Ներգաղթի նախապատրաստություն

Փրկվածներ (Les rescape's)

Օ՛հ ոչ, մենք հայերեն չենք գիտեր

«Անդին գնա, կշիռը կավելացնես»

«Մի' խաբվիր, անթևանոցին մեջ պահված էր այն»

Ավանակի երաժշտության դասը

«Ձեր մազերը վա՜ր արեք, խնդրեմ»

-«Կորա՛, զոք'անչու»

Allegro-vivace

Forte-fortissimo! Piano-Pianissimo

Չգիտե՞ս, որ այս պարը գլուխ գլխի մոտ կպարեն

Longo, Lorgo L. Moderato

«Մարդկային կատակերգություն» շարքից (ծաղրանկար)

Աբիսողոմ աղայի Կ. Պոլիս ժամանումը. Նավամատույցում (Հ. Պարոնյանի «Մեծապատիվ մուրացկաններ»-ի նկարազարդումներից)

Աբիսողոմ աղայի ցանկությունը նկարվելու իր ագարակի մեջ (Հ. Պարոնյանի «Մեծապատիվ մուրացկաններ»-ի նկարազարդումներից)

Աբիսողոմ աղան գիշերը անկողնում պառկած մտատանջությունների մեջ (Հ. Պարոնյանի «Մեծապատիվ մուրացկաններ»-ի նկարազարդում)

Աբիսողոմ աղան իր բացած սնդուկի մոտ (Հ. Պարոնյանի «Մեծապատիվ մուրացկաններ»-ի նկարազարդում)

Աբիսողոմ աղան Կ. Պոլսում (Հ. Պարոնյանի «Մեծապատիվ մուրացկաններ»-ի նկարազարդումներից)

Աբիսողոմ աղան և բանաստեղծը (Հ. Պարոնյանի «Մեծապատիվ մուրացկաններ»-ի նկարազարդում)

Ամերիակահայ գրող Էմմանուել Վարանդյան

Անդրանիկ Ծառուկյան

Ավետիք Իսահակյանը Վիեննայում

Արա Սարգսյան

Արմենակ Շահմուրադյան

Արշակ Չոպանյան

Բանաստեղծ Հովհաննես Շիրազի դիմանկարը

Դաշնակահարուհի Լյուսի Իշխանյան

Երվանդ Քոչար

Լևոն Խաչիկյան

Կլեոպատրան Մամուլյանի հետ

Ծաղրանկար

Վահան Թեքեյան

Վ. Աճեմյանը և Ալ. Սարուխանը դեմ առ դեմ

Հայկական կեպարվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները՝

Իրենից սփռում է բարություն, գեղեցիկն ընկալելու անհագ ցանկություն… Ստեփան Մինասյան (լուսանկարներ)

«Հայրենիքը երազ էր ինձի համար»... Գրիգոր Նորիկյան (լուսանկարներ)

Մայրություն, անմեղություն, բարություն, կարոտախտ... Բյուզանդ Կոճամանյան (լուսանկարներ)

Իրապաշտական, սեզանական-կուբիստական պատկերային մտածողությունից մինչև սյուրռեալիզմ... Ռիշար Ժերանյան (լուսանկարներ)

Նկարիչ, քանդակագործ, կավագործ, դիզայներ և դասախոս… Լևոն Ժամկոչյան (լուսանկարներ)

Այնթափ, Սիրիա, Փարիզ… Բյուզանդ Թոփալյան (լուսանկարներ)

Ռեալիստական բնանկարների, կենցաղային պատկերների վարպետ ... Մանուել Թոլեկյան (լուսանկարներ)

«Պոպուլիստ» սալոնի առաջին մրցանակակիր... Արմիս (լուսանկարներ)